ವಾಹನ ಸವಾರರಿಗೆ ಶಾಕ್: ಮತ್ತೆ ಪೆಟ್ರೋಲ್, ಡೀಸೆಲ್ ಬೆಲೆ ಏರಿಕೆ

ನವದೆಹಲಿ: ವಾಹನ ಸವಾರರಿಗೆ ಮತ್ತೊಮ್ಮೆ ಕೇಂದ್ರ ಸರ್ಕಾರ ಶಾಕ್ ನೀಡಿದೆ. ಪೆಟ್ರೋಲ್ ಬೆಲೆಯಲ್ಲಿ ಲೀಟರ್‍ಗೆ 2 ರೂಪಾಯಿ 58 ಪೈಸೆ ಹಾಗೂ ಡೀಸೆಲ್‍ಗೆ 2 ರೂಪಾಯಿ 26 ಪೈಸೆ ಹೆಚ್ಚಿಸಿದ್ದು, ಹೊಸ ದರ ಮಧ್ಯರಾತ್ರಿಯಿಂದಲೇ ಜಾರಿಗೆ ಬಂದಿದೆ.

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಚ್ಚಾ ತೈಲ ಬೆಲೆ ಏರಿಕೆ ಹಾಗೂ ರೂಪಾಯಿ-ಡಾಲರ್ ವಿನಿಮಯ ದರದಲ್ಲಿ ಹೆಚ್ಚಳವಾಗಿದ್ದೇ ಬೆಲೆ ಏರಿಕೆ ಮಾಡಲು ಕಾರಣವಾಗಿದೆ.

14 ದಿನಗಳ ಹಿಂದಷ್ಟೇ ಪೆಟ್ರೋಲ್‍ಗೆ 83 ಪೈಸೆ ಹಾಗೂ ಡೀಸೆಲ್ ಬೆಲೆಯಲ್ಲಿ 1.26 ರೂಪಾಯಿ ಹೆಚ್ಚಳವಾಗಿತ್ತು. ಬ್ಯಾರೆಲ್‍ಗೆ 2,859 ರೂಪಾಯಿಯಷ್ಟಿದ್ದ ಬೆಲೆ ಇದೀಗ 3,133 ರೂಪಾಯಿಗೆ ಏರಿಕೆ ಕಂಡಿದ್ದು ತೈಲ ದರ ಹೆಚ್ಚಳವಾಗಿದೆ.