ಬ್ರಾಸಿಲಿಯಾ: ಗರ್ಭಿಣಿ ಅಂದುಕೊಂಡ ಪೊಲೀಸರು, ಆದ್ರೂ ಅನುಮಾನ ಪರಿಹರಿಸಿಕೊಳ್ಳಲು ಮುಂದಾದಾಗ ಕಾದಿತ್ತು ಅಚ್ಚರಿ. ಗರ್ಭಿಣಿಯ ಸೋಗಿನಲ್ಲಿ ಕಲ್ಲಂಗಡಿ ಹಣ್ಣಿನಲ್ಲಿ ಕೊಕೇನ್ ಕಳ್ಳಸಾಗಾಟ ಮಾಡಲು ಯತ್ನಿಸಿದ ಮಹಿಳೆಯೊಬ್ಬಳು ಪೊಲೀಸ್ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದಿರುವ ಘಟನೆ ಬ್ರೆಜಿಲ್ನಲ್ಲಿ ನಡೆದಿದೆ.
ಗರ್ಭಿಣಿಯ ಅವತಾರದಲ್ಲಿ ಮಹಿಳೆಯೊಬ್ಬಳು ರಿಯಾಡಿ ಜನೈರೋಗೆ ತೆರಳುವ ಬಸ್ ಹತ್ತಿದ್ದಳು. ಇದರ ಬೆನ್ನಲ್ಲೇ ಮಾಹಿತಿ ಮೇರೆಗೆ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಹುಡುಕಾಟ ನಡೆಸಿದಾಗ ಮಾದಕ ಜಾಲ ಬೆಳಕಿಗೆ ಬಂದಿದೆ.
ಮೊದಲಿಗೆ ಮಿಲಿಟರಿ ಪೊಲೀಸರು ಮಹಿಳೆಯ ಹೊಟ್ಟೆಯನ್ನು ನೋಡಿದಾಗ ಕಲ್ಲಂಗಡಿ ಹಣ್ಣು ಕಂಡು ದಂಗಾಗಿದ್ದಾರೆ. ಬಳಿಕ ಹಣ್ಣನು ಕತ್ತಿರಿಸಿ ನೋಡಿದಾಗ ಅದರಲ್ಲಿ ಇಟ್ಟಿಗೆ ಗಾತ್ರದ ನಾಲ್ಕು ಕೊಕೇನ್ ಬಾಕ್ಸ್ ಪತ್ತೆಯಾಗಿವೆ. ಕೊಕೇನ್ ಡ್ರಗ್ಸ್ ಸುಮಾರು 4 ಪೌಂಡ್ ತೂಕವಿತ್ತು ಎಂದು ಸಾವಪೊಲೋ ಅಧಿಕಾರಿಗಳು ಸೋಮವಾರ ಮಾಹಿತಿ ನೀಡಿದ್ದಾರೆ.
ಪೊಲೀಸರ ಮುಂದೆ ತಪ್ಪೊಪ್ಪಿಕೊಂಡಿರುವ ಮಹಿಳೆ, ಪೆರುಗ್ವೇಯಲ್ಲಿ ಡ್ರಗ್ಸ್ ಸ್ವೀಕರಿಸಿದೆ. ಅದನ್ನು ರಿಯೋಗೆ ತೆಗೆದುಕೊಂಡು ಹೋಗುತ್ತಿದೆ ಎಂದು ಹೇಳಿದ್ದಾಳೆ. ಆಕೆಯನ್ನು ಗುವಾರಾದಲ್ಲಿ ಬಂಧಿಸಲಾಗಿದೆ. ಪ್ರಕರಣ ದಾಖಲಿಸಲಾಗಿದ್ದು, ಆರೋಪಿ ಮಹಿಳೆ ದಂಡದ ಜತೆಗೆ ಜೈಲು ಶಿಕ್ಷೆಗೆ ಗುರಿಯಾಗಲಿದ್ದಾಳೆ.
ಕಲ್ಲಂಗಡಿಯಲ್ಲಿ ಕೊಕೇನ್ ಕಳ್ಳಸಾಗಾಣೆ ಮಾಡುತ್ತಿದ್ದ ಫೋಟೋಗಳನ್ನು ಜಾಲತಾಣಗಳಲ್ಲಿ ಬ್ರೆಜಿಲ್ ಪೊಲೀಸರು ಹಂಚಿಕೊಂಡಿದ್ದು, ವೈರಲ್ ಆಗಿವೆ. ಇತ್ತೀಚಿನ ದಿನಗಳಲ್ಲಿ ದಕ್ಷಿಣ ಅಮೆರಿಕ ಮತ್ತು ಬ್ರೆಜಿಲ್ ಯೂರೋಪ್ಗೆ ಪ್ರಮುಖ ಡ್ರಗ್ ಪೂರೈಕೆದಾರರಾಗಿದ್ದು, ಡ್ರಗ್ಸ್ ದಂಧೆ ವ್ಯಾಪಕವಾಗಿದೆ. ಹೀಗಾಗಿ ಪೊಲೀಸರು ಕಟ್ಟೆಚ್ಚರ ವಹಿಸಿದ್ದಾರೆ.
Comments are closed.