ಪ್ಯಾರೀಸ್: ಫ್ರಾನ್ಸ್ ರಾಜಧಾನಿ ಪ್ಯಾರೀಸ್ ನಲ್ಲಿ ಭಾರೀ ಸದ್ದು ಕೇಳಿಸಿದ್ದು, ಜನತೆಯಲ್ಲಿ ಭೀತಿ ಮೂಡಿಸಿದೆ. ಈ ಶಬ್ದ ಕೇಳಿದ ಜನತೆ ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ಧಾರೆ.
ಈ ಬೆನ್ನಲ್ಲೇ ಹಲವಾರು ಮಂದಿ ಈ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಪೋಸ್ಟ್ ಮಾಡಿದ್ದು, ನಮಗೂ ಸದ್ದು ಕೇಳಿಸಿದೆ ಎಂದು ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ. ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಪೊಲೀಸರು ಮಿಲಿಟರಿ ಜೆಟ್ ಸೌಂಡ್ ಬಾರಿಯರ್ನಿಂದ ಈ ಶಬ್ದ ಕೇಳಿಸಿದೆ ಎಂದು ಹೇಳಿದ್ದಾರೆ. ಈ ಸಂಬಂಧ ಪ್ಯಾರೀಸ್ ನಗರ ಪೊಲೀಸರು ಟ್ವೀಟ್ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.
ಪ್ಯಾರೀಸ್ನ ನಗರದ ಬಹುತೇಕ ಕಡೆ ಈ ಸದ್ದು ಕೇಳಿಸಿದೆ. ಇಲ್ಲಿನ ರೊನಾಲ್ಡ್ ಗ್ಯಾರೋಸ್ ಎಂಬಲ್ಲಿ ಫ್ರೆಂಚ್ ಓಪನ್ ಟೂರ್ನಮೆಂಟ್ ಟೆನಿಸ್ ನಡೆಯುತ್ತಿದ್ದಾಗ ಕೂಡ ಭಾರೀ ಸದ್ದು ಕೇಳಿಸಿದೆ. ಈ ಬಗ್ಗೆ ಆಟಗಾರರೊಬ್ಬರು ಟ್ವೀಟ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಭಾರಿ ಸದ್ದು ಕೇಳಿಸಿದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿಯೂ ಚರ್ಚೆಯಾಗಿದೆ. ಪ್ಯಾರೀಸ್ನಲ್ಲಿ ಭೂಕಂಪವಾಗಿದೆಯೇ? ನಗರದಲ್ಲಿ ಭಾರಿ ಸದ್ದು ಕೇಳಿಸಿದೆ ಎಂದು ಜಿಬಿನ್ ಎಂಬುವವರು ಟ್ವೀಟ್ ಮಾಡಿದ್ದಾರೆ. ಎತ್ತರದಲ್ಲಿ ಈ ಶಬ್ದ ಕೇಳಿಸಿದೆ. ಜೆಟ್, ವಿಮಾನ ಹಾರಾಟದ ವೇಳೆ ಈ ರೀತಿಯ ಶಬ್ಧ ಉಂಟಾಗುವ ಸಾಧ್ಯತೆಗಳಿರುತ್ತದೆ ಎಂದು ಕೂಡ ಕೆಲವರು ಚರ್ಚೆ ಮಾಡಿದ್ದಾರೆ.
Comments are closed.