ಅಂತರಾಷ್ಟ್ರೀಯ

ನೇಪಾಳದಲ್ಲಿ ಟೇಕ್​ ಆಫ್​ ಆಗುತ್ತಿದ್ದ ವಿಮಾನವೊಂದು ಹೆಲಿಕಾಪ್ಟರ್​ಗೆ ಡಿಕ್ಕಿ; ಮೂವರ ಸಾವು

Pinterest LinkedIn Tumblr

ಕಾಠ್ಮಂಡು: ನೇಪಾಳದಲ್ಲಿ ಟೇಕ್​ ಆಫ್​ ಆಗುತ್ತಿದ್ದ ವಿಮಾನವೊಂದು ಎರಡು ಹೆಲಿಕಾಪ್ಟರ್​ಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಮೂವರು ಸ್ಥಳದಲ್ಲೇ ಸಾವನಪ್ಪಿದ್ದಾರೆ.

ಮೌಂಟ್​ ಎವರೆಸ್ಟ್​​ ಸಮೀಪ ಇರುವ ಲುಕ್ಲಾ ಏರ್​ಪೋರ್ಟ್​​ನಲ್ಲಿ ಈ ಘಟನೆ ನಡೆದಿದೆ. ಚಿಕ್ಕ ವಿಮಾನ ಟೇಕ್​ ಆಫ್​ ಆಗುವುದರಲ್ಲಿತ್ತು. ಈ ವೇಳೆ ವಿಮಾನ ನಿಯಂತ್ರಣ ತಪ್ಪಿ ಹೆಲಿಪ್ಯಾಡ್​ ಕಡೆ ನುಗ್ಗಿದೆ. ಈ ವೇಳೆ ಸ್ಥಳದಲ್ಲಿದ್ದ ಪೊಲೀಸ್​ ಅಧಿಕಾರಿಗಳು ಮೃಪಟ್ಟಿದ್ದಾರೆ.

ಎವರೆಸ್ಟ್​ ಶಿಖರ ಏರುವವರು ಇದೇ ವಿಮಾನ ನಿಲ್ದಾಣಕ್ಕೆ ಬಂದು ಇಳಿಯುತ್ತಾರೆ. ಇಲ್ಲಿ ವಿಮಾನ ಲ್ಯಾಂಡಿಂಗ್​ ಹಾಗೂ ಟೇಕ್​ ಆಫ್​ ಮಾಡುವುದು ಬಹುತೇಕ ಪೈಲಟ್​ಗಳಿಗೆ ಸವಾಲಿನ ಸಂಗತಿಯಂತೆ.

ಏಪ್ರಿಲ್​ ತಿಂಗಳಲ್ಲಿ ಎವರೆಸ್ಟ್​ ಶಿಖರ ಏರುವವರ ಸಂಖ್ಯೆ ಅಧಿಕವಾಗಿರುತ್ತದೆ. ಈ ವೇಳೆ ಈ ವಿಮಾನ ನಿಲ್ದಾಣ ಹೆಚ್ಚು ಬಳಕೆಯಾಗುತ್ತದೆ. ಈ ಭಾಗದ ಹಳ್ಳಿಗಳಿಗೆ ಅಗತ್ಯ ವಸ್ತುಗಳನ್ನು ಪೂರೈಕೆ ಮಾಡಲು ಇದೇ ನಿಲ್ದಾಣ ಬಳಕೆ ಮಾಡಲಾಗುತ್ತದೆ. ಫೆಬ್ರವರಿ ತಿಂಗಳಲ್ಲಿ ಈ ಭಾಗದಲ್ಲಿ ಹೆಲಿಕಾಪ್ಟರ್​ ಗುಡ್ಡಕ್ಕೆ ಡಿಕ್ಕಿ ಹೊಡೆದಿತ್ತು. ಈ ವೇಳೆ ನೇಪಾಳ ಪ್ರವಾಸಿ ಸಚಿವ ಸೇರಿ 7 ಜನರು ಮೃತಪಟ್ಟಿದ್ದರು.

Comments are closed.