ವಿಚಿತ್ರ ರೀತಿಯಲ್ಲಿ ಸೆಕ್ಸ್ ನಡೆಸಿ ವೇಶ್ಯೆಯನ್ನು ಚಿತ್ರಹಿಂಸೆ ನೀಡಿ ಕೊಂದ ದಂಪತಿ !

ಬರ್ಲಿನ್: ಸೆಕ್ಸ್ ಗೆ ಎಂದು ವೈಶ್ಯ ಮಹಿಳೆಯೊಬ್ಬರನ್ನು ಕರೆಸಿಕೊಂಡು ಚಿತ್ರಹಿಂಸೆ ನೀಡಿ ಕೊಲೆ ಮಾಡಿರುವ ಘಟನೆ ಜರ್ಮನಿ ರಾಜಧಾನಿ ಬರ್ಲಿನ್ ನಗರದಲ್ಲಿ ನಡೆದಿದೆ.

55 ವರ್ಷದ ಮೇರಿಯಾಬ್ ಎಂ. ಕೊಲೆಯಾದ ಮಹಿಳೆ. ಮಹಿಳೆಯನ್ನು ಕರೆಸಿಕೊಂಡು ವಿಲಕ್ಷಣ, ಅಸಹಜ ಸೆಕ್ಸ್ ಗೆ ಸಹಕರಿಸುವಂತೆ ಒತ್ತಾಯಿಸಿದ್ದಾರೆ. ಈ ವೇಳೆ ಇಬ್ಬರೂ ಸೇರಿಕೊಂಡು ಮಹಿಳೆಯನ್ನು ಕೊಲೆ ಮಾಡಿದ್ದಾರೆ. 36 ವರ್ಷದ ಟೈಫುನ್ ಎಸ್. ಮತ್ತು 27 ವರ್ಷದ ಜಾಸ್ಮೀನ್ ಪಿ. ಎಂಬವರೇ ಮಹಿಳೆಯನ್ನು ಕೊಲೆಗೈದ ದಂಪತಿ.

ಟೈಫುನ್ ಮತ್ತು ಜಾಸ್ಮೀನ್ ಇಬ್ಬರೂ ವಿಲಕ್ಷಣ ಸೆಕ್ಸ್ ಆನ್‍ಲೈನ್ ಪೇಜಿನಲ್ಲಿ ಮೇರಿಯಾನ್‍ಳನ್ನು ಪರಿಚಯಿಸಿಕೊಂಡಿದ್ದಾರೆ. ಪರಿಚಯವಾದ ಬಳಿಕ ದಂಪತಿ, ಮೇರಿಯಾಳನ್ನು ತಾವು ವಾಸವಾಗಿರುವ ಅಪಾರ್ಟ್ ಮೆಂಟ್‍ಗೆ ಕರೆಸಿಕೊಂಡಿದ್ದಾರೆ. ಮೇರಿಯಾನ್ ಜೊತೆ ಅಸಹಜ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದಾಗ ಆಕೆಯನ್ನು ಕೊಲೆ ಮಾಡಿದ್ದಾರೆ. ಮೇರಿಯಾನ್ ಕೊಲೆಗೂ ಮುನ್ನ ಆಕೆಗೆ ಸುಮಾರು ಎರಡು ಗಂಟೆಗಳ ಕಾಲ ಲೈಂಗಿಕ ಕಿರುಕುಳ ನೀಡಿದ್ದಾರೆ ಅಂತಾ ಸ್ಥಳೀಯ ಮಾಧ್ಯಮಗಳು ತಿಳಿಸಿವೆ.

ಮೇರಿಯಾನ್ ಶವವನ್ನು ಬ್ಲಾಂಕೇಟ್ ನಲ್ಲಿ ಸುತ್ತಿ ತ್ಯಾಜ್ಯ ಹಾಕುವ ಸ್ಥಳದಲ್ಲಿ ಎಸೆದು ಪರಾರಿಯಾಗಿದ್ದಾರೆ. ಡಿಸೆಂಬರ್ 23ರಂದು ದಾರಿಹೋಕರಿಗೆ ಮೇರಿಯಾನ್ ಶವ ಕಾಣಿಸಿಕೊಂಡಾಗ ಪ್ರಕರಣ ಬೆಳಕಿಗೆ ಬಂದಿದೆ.

ಮೇರಿಯಾನ್ ಕೊಲೆ ಬಳಿಕ ನಾಪತ್ತೆಯಾಗಿದ್ದ ಟೈಫುನ್ ಮತ್ತು ಜಾಸ್ಮೀನ್ ಇಬ್ಬರನ್ನೂ ಡಿಸೆಂಬರ್ 29ರಂದು ಬರ್ಲಿನ್ ನಗರದ ಸ್ಕೊನೆಫೆಲ್ಡ್ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿದೆ. ದಂಪತಿ ಜರ್ಮನ್ ದೇಶ ತೊರೆದು ಟರ್ಕಿಯಲ್ಲಿ ವಾಸವಾಗಲು ತೆರಳುತ್ತಿದ್ದರು. ಬಂಧಿತ ದಂಪತಿಯ ಮೇಲೆ ಈ ಹಿಂದೆಯೇ ಹಲವಾರು ಕ್ರಿಮಿನಲ್ ಕೇಸ್ ಗಳು ದಾಖಲಾಗಿದ್ದವು. ಟೈಫುನ್ ಮೇಲೆ ಡ್ರಗ್ಸ್ ಸಾಗಾಟ, ಮಾರಣಾಂತಿಕ ಹಲ್ಲೆ, ಮಾರಕಾಸ್ತ್ರಗಳ ಸಾಗಾಟ ಮತ್ತು ಕಳ್ಳತನದ ಪ್ರಕರಣಗಳಿವೆ ಎಂದು ಪತ್ರಿಕೆಗಳು ಪ್ರಕಟಿಸಿವೆ.

ಇನ್ನೂ ಜಾಸ್ಮೀನ್ ಮೇಲೆಯೂ ಕಳ್ಳತನದ ಪ್ರಕರಣಗಳು ದಾಖಲಾಗಿವೆ. ಈ ಸಂಬಂಧ ಪೊಲೀಸರು ದಂಪತಿಯನ್ನು ತಮ್ಮ ವಶದಲ್ಲಿರಿಸಿಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ.