ಟೋಕಿಯೋ: ಸುಂದರ, ಆಕರ್ಷಕ ಮೈಕಟ್ಟಿನ ದೃಢಕಾಯ ಗೊರಿಲ್ಲಾವೊಂದನ್ನು ನೋಡಲು ಮಹಿಳೆಯರು ಜಪಾನ್‌ನ ಮೃಗಾಲಯವೊಂದರಲ್ಲಿ ಮುಗಿಬೀಳುತ್ತಿದ್ದಾರೆ.
ಶಬನಿ ಎಂಬ 18 ರ್ಷ ಪ್ರಾಯದ ಈ ಗೊರಿಲ್ಲಾ ಸುಮಾರು 180 ಕಿಲೋ ತೂಕವಿದೆ. ನಗೋಯಾದಲ್ಲಿರುವ ಹಿಗಾಶಿಯಾಮ ಪ್ರಾಣಿ ಸಂಗ್ರಹಾಲಯದಲ್ಲಿ ಅದೀಗ ಸ್ಟಾರ್ ಅಟ್ರಾಕ್ಷನ್. ತನ್ನ ಭಿನ್ನ ವಿಭಿನ್ನ ಭಾವ ಭಂಗಿಗಳೊಂದಿಗೆ, ಆಕರ್ಷಕ ಮೈಕಟ್ಟಿನಿಂದಾಗಿ ಸ್ತ್ರೀಯರ ವಿಶೇಷ ಆಕರ್ಷಣೆಗೆ ಪಾತ್ರವಾಗಿದೆ.
“ತನ್ನ ಕೈಗಳ ಮೇಲೆ ಗಲ್ಲವನ್ನಿಟ್ಟು, ನಮ್ಮನ್ನೇ ನೇರವಾಗಿ ಅದು ನೋಡುತ್ತಿರುತ್ತದೆ. ಬೇರೆಲ್ಲಾ ಗೊರಿಲ್ಲಾಗಳಿಗಿಂತ ತುಂಟತನ ತೋರುವ ಈತನಿಂದಾಗಿ, ಇಲ್ಲಿಗೆ ಬರುವ ಮಹಿಳಾ ವೀಕ್ಷಕರ ಸಂಖ್ಯೆ ಜಾಸ್ತಿಯಾಗಿದೆ” ಎಂದು ಮೃಗಾಲಯದ ವಕ್ತಾರ ತಕಯುಕಿ ಇಶಿಕವ ಹೇಳಿದ್ದಾರೆ.
“ಆತ ನೋಡಲು ಅದು ತುಂಬ ಕ್ಯೂಟ್ ಆಗಿದ್ದಾನೆ. ಅವನ ಮೈಕಟ್ಟು ನೋಡಿದರೆ ಮತ್ತೊಮ್ಮೆ ನೋಡಬೇಕೆನಿಸುತ್ತಿದೆ” ಎಂದೆಲ್ಲಾ ಹಾಡಿ ಹೊಗಳುತ್ತಿದ್ದಾರೆ ಈತನ ಸೌಂದರ್ಯಕ್ಕೆ ಮಾರುಹೋಗಿರುವ ಮಹಿಳಾ ವೀಕ್ಷಕರು. ಸಾಮಾಜಿಕ ಜಾಲತಾಣಗಳಲ್ಲೆಲ್ಲಾ ಅದರ ಫೋಟೋ ಪ್ರಕಟಿಸಿ, ‘ಮಾಡೆಲ್ ತರಹ ಇದ್ದಾನೆ, ಸೋ ಕ್ಯೂಟ್’ ಅಂತೆಲ್ಲಾ ಅವರು ಬರೆದುಕೊಂಡಿದ್ದಾರೆ.
ಈ ಗೊರಿಲ್ಲಾ ರಾಷ್ಟ್ರೀಯ ಹಾಗೂ ಖಾಸಗಿ ಚಾನೆಲ್‌ಗಳಲ್ಲಿ ಕೂಡ ಪ್ರಸಾರ ಕಾಣುವ ಮೂಲಕ ಸೆಲೆಬ್ರಿಟಿ ಆಗಿಬಿಟ್ಟಿದೆ. ಆದರೆ, “ಆತ ಒಬ್ಬ ಒಳ್ಳೆಯ ಅಪ್ಪ. ತನ್ನ ಮಕ್ಕಳನ್ನು ಯಾವಾಗಲೂ ಚೆನ್ನಾಗಿ ನೋಡಿಕೊಳ್ಳುತ್ತಿದ್ದಾನೆ” ಅಂತ ಮೃಗಾಲಯದ ವಕ್ತಾರರು ಸಂದರ್ಶಿಸುವ ಮಹಿಳೆಯರಿಗೆ ಹೇಳಲು ಮರೆಯುವುದಿಲ್ಲ!
