ಪುಟಾಣಿಗೆ ಮೆಹಂದಿ ಹಾಕಿ ಸಂಭ್ರಮಿಸಿದ ನಟಿ ಸಾಯಿಪಲ್ಲವಿ

ಉತ್ತರ ಪ್ರದೇಶ ಪುಟಾಣಿಗಳಿಗೆ ಮೆಹಂದಿ ಹಾಕಿ ನಟಿ ಸಾಯಿ ಪಲ್ಲವಿ ಖುಷಿಗೆ ಕಾರಣವಾಗಿದ್ದಾರೆ.

ಇಲ್ಲಿನ ಸೋನ್ಭದ್ರದ ಪೆಪ್ರಿ ನಗರಕ್ಕೆ ತೆರಳಿರುವ ಸಹಜ ಸುಂದರಿ ಸಾಯಿ ಪಲ್ಲವಿ ಇಲ್ಲಿನ ಚಿಣ್ಣರಿಗೆ ಮೆಹಂದಿ ಹಚ್ಚಿ ಸಂಭ್ರಮಿಸಿದ್ದಾರೆ. ಈ ಕುರಿತು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಫೋಟೋವನ್ನು ಹಂಚಿಕೊಂಡಿದ್ದು, ‘ಪೆಪ್ರಿ ಪಿಲ್ಲಸ್’​ (ಪೆಪ್ರಿ ಮಕ್ಕಳು) ಎಂದು ಕ್ಯಾಪ್ಷನ್​ ನೀಡಿದ್ದಾರೆ. ಸದ್ಯ ತಮ್ಮ ಚಿತ್ರ ‘ಲವ್​ ಸ್ಟೋರಿ’ ಚಿತ್ರದ ಚಿತ್ರೀಕರಣಕ್ಕಾಗಿ ಇಲ್ಲಿಗೆ ತೆರಳಿದ್ದಾರೆ. ಈ ವೇಳೆ ಸಿಕ್ಕ ಬಿಡುವಿನ ಸಮಯದಲ್ಲಿ ಚಿಕ್ಕ ಮಕ್ಕಳಿಗೆ ಮೆಹಂದಿ ಹಾಕಿ ಸಂತೋಷ ಪಟ್ಟಿದ್ದಾರೆ.

ನೇರ, ನಿರ್ಭಿತ ನಡೆಯಿಂದ ಚಿತ್ರರಂಗದಲ್ಲಿ ಸಾಯಿ ಪಲ್ಲವಿ ಹೆಸರು ಗಳಿಸಿದವರು. ಈ ಹಿಂದೆ ಕೋಟಿ ಕೊಟ್ಟರೂ ಫೇರ್​ನೆಸ್​ ಕ್ರೀಂ ಜಾಹೀರಾತಲ್ಲಿ ನಟಿಸುವುದಿಲ್ಲ ಎಂದು ಸುದ್ದಿಯಾಗಿದ್ದರು. ವೈದ್ಯೆ ಪದವಿ ಪಡೆದಿರುವ ಸಾಯಿ ಪಲ್ಲವಿ, ತೂಕದ ಪಾತ್ರಗಳಲ್ಲಿ ಮಾತ್ರ ನಟಿಸುವ ಮೂಲಕ ಗಮನ ಸೆಳೆದವರು.

ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳೊಂದಿಗೆ ಸದ್ಯ ಶೂಟಿಂಗ್​ ಆರಂಭಿಸಿರುವ ಸಾಯಿ ಪಲ್ಲವಿ ಮಾಸ್ಕ್​ ಧರಿಸಿ ಮಕ್ಕಳಿಗೆ ಗೋರಂಟಿ ಹಾಕಿದ್ದಾರೆ. ಇದೇ ವೇಳೆ ತಮ್ಮ ಈ ಕೆಲಸಕ್ಕೆ ಮಕ್ಕಳು ಖುಷಿ ಪಟ್ಟಿದ್ದಾರೆ ಎಂದು ಕೂಡ ಇನ್ಸ್ಟಾಗ್ರಾಂನಲ್ಲಿ ಬರೆದು ಕೊಂಡಿದ್ದಾರೆ. ಸಾಯಿ ಪಲ್ಲವಿಯ ಈ ಫೋಟೋಗೆ ನಟಿ ಸಮಂತಾ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ನಟಿ ಅನುಪಮಾ ಪರಮೇಶ್ವರ್​ ಕೂಡ ಅವರ ಕಾರ್ಯಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.
ನಟ ನಾಗಾ ಚೈತನ್ಯ ಜೊತೆ ಇದೇ ಮೊದಲ ಬಾರಿ ಸಾಯಿ ಪಲ್ಲವಿ ‘ಲವ್​ ಸ್ಟೋರಿ’ ಸಿನಿಮಾ ಮೂಲಕ ಜೊತೆಯಾಗಿದ್ದಾರೆ.