ಮುಂದಿನ ವಾರ ಪುಣೆಯಲ್ಲಿ ಕೊರೋನಾದ Oxford ಲಸಿಕೆಯ 3ನೇ ಹಂತದ ಪರೀಕ್ಷೆ : 150ರಿಂದ 180 ಜನರಿಗೆ ಕೊವಿಡ್ 19 ಲಸಿಕೆ

ನವದೆಹಲಿ: ಮಾನವ ಶರೀರದ ಮೇಲೆ ಮೂರನೇ ಹಂತದ ಕೊರೋನಾ ಪರೀಕ್ಷೆ ಮುಂದಿನ ವಾರ ಪುಣೆಯ ಸಸೂನ್ ಆಸ್ಪತ್ರೆಯಲ್ಲಿ ಆರಂಭಗೊಳ್ಳಲಿದೆ. ಆಕ್ಸ್ಫರ್ಡ್ (Oxford) ವಿಶ್ವವಿದ್ಯಾಲಯ ಅಭಿವೃದ್ಧಿಗೊಳಿಸಿರುವ ಹಾಗೂ ಭಾರತೀಯ ಸಿರಮ್ ಇನ್ಸ್ಟಿಟ್ಯೂಟ್ ಮೂಲಕ ತಯಾರಿಸಲಾಗುತ್ತಿರುವ ಕೊವಿಡ್ 19 ಲಸಿಕೆ (Covid Vaccine) ಇದಾಗಿದೆ.

ಈ ಕುರಿತು ಸಸೂನ್ ಆಸ್ಪತ್ರೆಯ ಡೀನ್ ಹಾಗೂ ವೈದ್ಯ ಮುರಳಿಧರ್ ತಾಂಬೆ ಶನಿವಾರ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.

‘ಸಸೂನ್ ಆಸ್ಪತ್ರೆಯಲ್ಲಿ ಮುಂದಿನ ವಾರ ‘ಕೊವಿಶಿಲ್ದ್’ ಲಸಿಕೆಯ ಮೂರನೇ ಹಂತದ ಪರೀಕ್ಷೆ ಆರಂಭವಾಗಲಿದೆ. ಸಂಭವತಃ ಸೋಮವಾರದಿಂದ ಈ ಪರೀಕ್ಷೆ ಆರಂಭವಾಗುವ ಸಾಧ್ಯತೆ ಇದೆ. ಈ ಪರೀಕ್ಷೆಗಾಗಿ ಈ ಮೊದಲೇ ಕೆಲ ಸ್ವಯಂಸೇವಕರು ಮುಂದೆ ಬಂದಿದ್ದು, ಸುಮಾರು 150 ರಿಂದ 200 ಜನರಿಗೆ ಈ ಲಸಿಕೆ ನೀಡಲಾಗುವುದು’ ಎಂದು ಅವರು ಹೇಳಿದ್ದಾರೆ.

ಈ ಹಿಂದೆ, ಕೋವಿಡ್ -19 ಲಸಿಕೆ ಅಭಿವೃದ್ಧಿಗೆ ಸಹಕಾರದ ಸಾಧ್ಯತೆಯನ್ನು ಅನ್ವೇಷಿಸಲು ರಷ್ಯಾ ಸರ್ಕಾರದೊಂದಿಗೆ ಮಾತುಕತೆ ನಡೆಸಲಾಗುತ್ತಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ರಾಜ್ಯ ಸಚಿವ ಅಶ್ವಿನಿ ಕುಮಾರ್ ಚೌಬೆ ಶುಕ್ರವಾರ ಹೇಳಿದ್ದಾರೆ. ಲೋಕಸಭೆಯಲ್ಲಿನ ಪ್ರಶ್ನೆಗೆ ನೀಡಿದ ಲಿಖಿತ ಉತ್ತರದಲ್ಲಿ ಅವರು ಈ ಮಾಹಿತಿಯನ್ನು ನೀಡಿದ್ದಾರೆ.

ಜಾಗತೀಕವಾಗಿ ಕೊರೋನಾಗೆ 36 ಲಸಿಕೆಯ ಪ್ರಯೋಗಗಳು ನಡೆಯುತ್ತಿವೆ ಎಂದು ಐಸಿಎಂಆರ್ ತಿಳಿಸಿದೆ ಎಂದು ಸಚಿವರು ತಿಳಿಸಿದ್ದಾರೆ.