ಕೋರೋನಾ ಸೋಂಕಿತರೊಂದಿಗೆ ಬದುಕುವವರಿಗೆ ಗೊತ್ತಿಲ್ಲದೆ ಬೆಳೆಯುತ್ತದೆ ರೋಗ ನಿರೋಧಕ ಶಕ್ತಿ; ಅಧ್ಯಯನ

ಕೊರೋನಾ ವೈರಸ್ ರೋಗಿಗಳನ್ನು ಕಂಡರೆ ಎಲ್ಲರೂ ಭಯ ಬೀಳುತ್ತಾರೆ. ಅಷ್ಟೇ ಏಕೆ ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಿಕೊಳ್ಳಲು ಕೆಲ ವೈದ್ಯರು ಹಿಂದೇಟು ಹಾಕುತ್ತಿದ್ದಾರೆ. ಈ ಮಧ್ಯೆ ಅಧ್ಯಯನದಿಂದ ಅಚ್ಚರಿ ವಿಚಾರ ಒಂದು ಹೊರ ಬಿದ್ದಿದೆ. ಕೋರೋನಾ ಸೋಂಕಿತರ ಜೊತೆಗೆ ಬಾಳುವವರಲ್ಲಿ ಗೊತ್ತಿಲ್ಲದೆ ರೋಗ ನಿರೋಧಕ ಶಕ್ತಿ ಬೆಳೆಯುತ್ತದೆ ಎಂದು ಅಧ್ಯಯನಕಾರರು ಹೇಳಿರುವುದಾಗಿ Daily Mail ವರದಿ ಮಾಡಿದೆ.

ಕೊರೋನಾ ವೈರಸ್​ ವ್ಯಕ್ತಿ ಜೊತೆ ಇರುವ ನಾಲ್ಕರಲ್ಲಿ ಒಬ್ಬರಿಗೆ ಈ ರೀತಿ ರೋಗ ನಿರೋಧಕ ಶಕ್ತಿ ಬೆಳೆದಿರುತ್ತದೆ ಎಂಬ ವಿಚಾರ ಅಧ್ಯಯನದಿಂದ ಹೊರಬಿದ್ದಿದೆ. ಈ ಬಗ್ಗೆ ಸಾಕಷ್ಟು ಸಂಶೋಧನೆ ನಡೆಯುತ್ತಿದೆ ಎಂದು ಅಧ್ಯನ ತಂಡ ತಿಳಿಸಿದೆ. ​

ಕೊರೋನಾ ರೋಗಿಗಳ ಜೊತೆ ಇರುವ ಅನೇಕರನ್ನು ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಈ ವೇಳೆ ಎಂಟರಲ್ಲಿ ಆರು ಜನರಿಗೆ ಕೊರೋನಾ ವರದಿ ನೆಗೆಟಿವ್​ ಬಂದಿದೆ. ಆದರೆ ಇವರಲ್ಲಿ ಚಿಕ್ಕ ಪ್ರಮಾಣದಲ್ಲಿ ಕೊರೋನಾ ವೈರಸ್ ಲಕ್ಷಣಗಳು ಕಂಡು ಬಂದಿದ್ದವು ಎಂದು ಅಧ್ಯಯನ ಹೇಳಿದೆ.

ಒಂದು ಲೆಕ್ಕಾಚಾರದ ಪ್ರಕಾರ ಒಟ್ಟು ಜನಸಂಖ್ಯೆಯಲ್ಲಿ ಶೇ.10 ಜನರಲ್ಲಿ ಈಗಾಗಲೇ ಕೊರೋನಾ ವೈರಸ್​ ವಿರುದ್ಧ ಹೋರಾಡಲು ರೋಗ ನಿರೋಧಕ ಶಕ್ತಿ ಬೆಳೆದಿದೆಯಂತೆ. ಇನ್ನು, ಟಿ ಸೆಲ್​ಗಳು ನಮ್ಮ ದೇಹದ ದೊಡ್ಡ ಅಸ್ತ್ರವಾಗಿದ್ದು, ಇವು ರೋಗ ನಿರೋಧಕ ವ್ಯವಸ್ಥೆಗೆ ಹೆಚ್ಚಿನ ಸಹಾಯ ಬೇಕಾದಲ್ಲಿ ಇವು ಹೋರಾಟ ಆರಂಭಿಸುತ್ತವೆ.