ಇತ್ತೀಚೆಗೆ ಕೇಂದ್ರ ಸರ್ಕಾರ ಚೀನಾ ಮೂಲದ 59 ಆ್ಯಪ್ಗಳನ್ನು ಭಾರತದಲ್ಲಿ ನಿಷೇಧ ಮಾಡಿದೆ. ಈ ನಿಟ್ಟಿನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಜು. 4 ರಂದು ‘ಆತ್ಮನಿರ್ಭಾರ್ ಭಾರತ್ ಇನೋವೇಶನ್ ಚಾಲೆಂಜ್’ಗೆ ಚಾಲನೆ ನೀಡಿದ್ದಾರೆ. ಈ ಚಾಲೆಂಜ್ನಲ್ಲಿ ಟೆಕ್ಕಿಗಳು ಮತ್ತು ಆ್ಯಪ್ ಡೆವಲಪರ್ಸ್ಗಳು ಭಾಗವಹಿಸಬಹುದು ಎಂದು ಹೇಳಿದ್ದಾರೆ. ಜಾಗತಿಕ ಮಟ್ಟದಲ್ಲಿ ಆ್ಯಪ್ಗಳನ್ನು ಅಭಿವೃದ್ಧಿ ಪಡಿಸುವಂತೆ ಈ ಕಾರ್ಯಕ್ರಮದ ಮೂಲಕ ಮೋದಿ ಕರೆ ನೀಡಿದ್ದಾರೆ. ವಿಜೇತರಿಗೆ ಬಹುಮಾನವನ್ನು ನೀಡಲಿದ್ದೇವೆ ಎಂದು ತಿಳಿಸಿದ್ದಾರೆ. ಈ ಮಧ್ಯೆ ದೇಶದಲ್ಲಿ ‘ಎಲಿಮೆಂಟ್ಸ್’ ಎಂಬ ನೂತನ ಆ್ಯಪ್ ಬಿಡುಗಡೆಯಾಗಿದೆ.
ಉಪರಾಷ್ಟ್ರಪತಿ ಎಂ ವೆಂಕಯ್ಯ ನಾಯ್ಡು ‘ಎಲಿಮೆಂಟ್ಸ್ ಆ್ಯಪ್’ ಅನ್ನು ಬಿಡುಗಡೆ ಮಾಡಿದ್ದಾರೆ. ನೂತನ ಆ್ಯಪ್ ಅನ್ನು ಆರ್ಟ್ ಆಫ್ ಲಿವಿಂಗ್ ಆ್ಯಪ್ ಮತ್ತು ಸ್ಮಾಟ್ ಟೆಕ್ನಾಲಜಿ ವಿಭಾಗ ಅಭಿವೃದ್ಧಿ ಪಡಿಸಿದೆ. ಎಲಿಮೆಂಟ್ಸ್ ಆ್ಯಪ್ ಫೇಸ್ಬುಕ್ ಮತ್ತು ವಾಟ್ಸ್ಆ್ಯಪ್ಗೆ ಸ್ಪರ್ಧೆ ನೀಡಲಿದೆ. ಭಾರತೀಯರಿಗಾಗಿ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪಲ್ ಸ್ಟೋರ್ನಲ್ಲಿ ಲಭ್ಯವಿದೆ.
ಎಲಿಮೆಂಟ್ಸ್ ಆ್ಯಪ್ ವಿಶೇಷತೆ;
ಎಲಿಮೆಂಟ್ಸ್ ಆ್ಯಪ್ ನಲ್ಲಿ ವಿಡಿಯೋ, ಫ್ರೆಂಡ್ ಲೀಸ್ಟ್ ಹೀಗೆ ಅನೇಕ ಆಯ್ಕೆಗಳಿವೆ. ಅಷ್ಟೇ ಅಲ್ಲದೆ, ನಗದು ವ್ಯವಹಾರ ಮತ್ತು ಸರಕು ಮಾರಾಟಕ್ಕೂ ಅವಕಾಶ ಕಲ್ಪಿಸಿದೆ. ದೇಶಿ ಆ್ಯಪ್ಗಳನ್ನು ಉತ್ತೇಜಿಸುವ ಸಲುವಾಗಿ ಎಲಿಮೆಂಟ್ಸ್ ಆ್ಯಪ್ ಅನ್ನು ಅಭಿವೃದ್ಧಿ ಪಡಿಸಿ ಬಿಡುಗಡೆ ಮಾಡಲಾಗಿದೆ. ಈಗಾಗಲೇ ಗೂಗಲ್ ಪ್ಲೇ ಸ್ಟೋರ್ನಲ್ಲಿ 2 ಲಕ್ಷಕ್ಕೂ ಅಧಿಕ ಡೌನ್ಲೋಡ್ ಕಂಡಿದ್ದು, ಅನೇಕರು ಬಳಸುತ್ತಿದ್ದಾರೆ. 8 ಭಾಷೆಗಳಲ್ಲಿ ಎಲಿಮೆಂಟ್ಸ್ ಆ್ಯಪ್ ಲಭ್ಯವಿದೆ.
Comments are closed.