ನೋಕಿಯಾದಿಂದ ಒಂದು ಬಾರಿ ಚಾರ್ಜ್​ ಮಾಡಿ 22 ದಿನ ಉಪಯೋಗಿಸುವ ಫೋನ್ ಬಿಡುಗಡೆ

ನೋಕಿಯಾ ಭಾರತೀಯ ಮಾರುಕಟ್ಟೆಗೆ ‘ನೋಕಿಯಾ 5310‘ 2020 ಆವೃತ್ತಿಯ ಫೀಚರ್​ ಫೋನ್​ ಬಿಡುಗಡೆ ಮಾಡಿದೆ. ಈ​ ಫೋನಿನಲ್ಲಿ ಎಕ್ಸ್​​ಪ್ರೆಸ್​​ ಮ್ಯೂಸಿಕ್​​ ಮತ್ತು ಎಫ್​ ರೇಡಿಯೋ ಅಳವಡಿಸಿದೆ.

ನೋಕಿಯಾ 5310 ಫೋನ್​​​​ನಲ್ಲಿ ಡ್ಯುಯೆಲ್​​ ಸಿಮ್​ ಮತ್ತು ಡ್ಯುಯೆಲ್​​ ಸ್ಪೀಕರ್​​ ಅನ್ನು ಆಳವಡಿಸಿದೆ. ಮೆಮೆರಿ ಕಾರ್ಡ್​ ಬಳಸುವ ಆಯ್ಕೆಯನ್ನು ನೀಡಿದೆ. 32GB ಮೆಮೆರಿಯನ್ನು ಬಳಸಬಹುದಾಗಿದೆ. ಜೊತೆಗೆ ಧೀರ್ಘಕಾಲದ ಬ್ಯಾಟರಿಯನ್ನು ನೀಡಿದೆ. ವಿಶೇಷವೆಂದರೆ ಒಂದು ಬಾರಿ ಚಾರ್ಜ್​ ಮಾಡಿದರೆ 22 ದಿನಗಳ ಕಾಲ ಬಳಸಬಹುದಾಗಿದೆ. ಜೂನ್​ 23 ರಿಂದ ಈ ಫೋನ್​ ಗ್ರಾಹಕರಿಗೆ ಖರೀದಿಗೆ ಸಿಗಲಿದೆ.

ನೋಕಿಯಾ ಹೊಸ ವಿನ್ಯಾಸದಲ್ಲಿ 5310 ಫೋನ್​ ಅನ್ನು ಬಿಡುಗಡೆ ಮಾಡಿದೆ. ಮ್ಯೂಸಿಕ್​ ಪ್ಲೇಯರ್​ ಅನ್ನು ನೀಡಿದೆ. ಜೊತೆಗೆ ಎಫ್​ ರೇಡಿಯೋವನ್ನು ಆನಂದಿಸಬಹುದಾಗಿದೆ. ಅಧಿಕ ಸೌಂಡ್​​ಗಾಗಿ 2 ಸ್ಪೀಕರ್​​ ಅನ್ನು ಇದರಲ್ಲಿ ನೀಡಲಾಗಿದೆ. ಇಷ್ಟೆಲ್ಲಾ ಫೀಚರ್​ ಅಳವಡಿಸಿರುವ ಫೋನ್​​ ಅನ್ನು ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದೆ.

ಗ್ರಾಹಕರಿಗಾಗಿ ನೋಕಿಯಾ 5310 ಫೀಚರ್​ ಫೋನ್​ ಅನ್ನು 2 ಬಣ್ಣದಲ್ಲಿ ಬಿಡುಗಡೆ ಮಾಡಿದೆ. ಕಪ್ಪು/ಕೆಂಪು ಮತ್ತು ಬಿಳಿ/ಕೆಂಪು ಬಣ್ಣದಲ್ಲಿ ಪರಿಚಯಿಸಿದೆ. ಇದರ ಬೆಲೆ 3,399 ಆಗಿದೆ.