ಕೊರೊನಾ ಸೋಂಕು ಮೂರನೇ ಸ್ಟೇಜ್​​​ ತಲುಪಿದರೆ ತಡೆಯಲು ಕಷ್ಟ.!

ನವದೆಹಲಿ: ದೇಶದಲ್ಲಿ ಕೊರೊನಾ ವೈರಸ್​(ಕೋವಿಡ್​-19) ಎರಡನೇ ಹಂತದಲ್ಲಿದೆ. ಮೂರನೇ ಹಂತ​ ತಲುಪಿದರೆ ಕೊರೊನಾ ವೈರಸ್​ ತಡೆಯುವುದು ಕಷ್ಟ ಎಂದು ಐಸಿಎಂಆರ್(ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ)​ ಮಹಾ ನಿರ್ದೇಶಕ ಡಾ. ಬಲರಾಮ್ ಭಾರ್ಗವ್ ಅವರು ಹೇಳಿದ್ದಾರೆ.

ಐಸಿಎಂಆರ್ ಪ್ರಕಾರ ಇದುವರೆಗೆ ಭಾರತದಲ್ಲಿ 80 ಜನರಲ್ಲಿ ಕೊರೊನಾ ವೈರಸ್​ ಪತ್ತೆಯಾಗಿದೆ. ಭಾರತದಲ್ಲಿ ಕೊರೊನಾ ವೈರಸ್​ ಎರಡನೇ ಹಂತದಲ್ಲಿದೆ. ಮುಂದಿನ 30 ದಿನಗಳಲ್ಲಿ ಎಚ್ಚೆತ್ತುಕೊಳ್ಳದೇ ಇದ್ದರೆ 3ನೇ ಹಂತ​ ತಲುಪಲಿದೆ. ಮೂರನೇ ಸ್ಟೇಜ್​ ತಲುಪಿದರೆ ಕೊರೊನಾ ವೈರಸ್​ ನಿಯಂತ್ರಣ ಮಾಡುವುದು ಕಷ್ಟ ಎಂದಿದ್ದಾರೆ.

ಕೊರೊನಾ ವೈರಸ್​ನ 3ನೇ ಸ್ಟೇಜ್ ಯಾವುದು..?

ವಿಶ್ವದಾದ್ಯಂತ ಕೊರೊನಾ ವೈರಸ್ ಹರಡಿರುವುದು ಮೊದಲನೇ ಹಂತವಾಗಿದೆ. ವಿದೇಶದಿಂದ ಭಾರತಕ್ಕೆ ಬಂದವರಲ್ಲಿ ಕೊರೊನಾ ವೈರಸ್​ ಪತ್ತೆಯಾಗಿದ್ದು ಎರಡನೇ ಹಂತವಾಗಿದ್ದು, ದೇಶದೊಳಗೆ ಒಬ್ಬರಿಂದ ಒಬ್ಬರಿಗೆ ಕೊರೊನಾ ವೈರಸ್​ ಹರಡುವುದು ಮೂರನೇ ಹಂತವಾಗಿದೆ.

ಇಲ್ಲಿವರೆಗೂ ಭಾರತದಲ್ಲಿ ಕೊರೊನಾ ವೈರಸ್​ ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತಿಲ್ಲ. ಈ ಸೋಂಕು ಹಬ್ಬುವ ಮೊದಲು ಕೇಂದ್ರ ಸರ್ಕಾರ ಎಚ್ಚೆತ್ತುಕೊಂಡು ಕಠಿಣವಾದ ನಿರ್ಧಾರ ತೆಗೆದುಕೊಳ್ಳಬೇಕು. ದೇಶಕ್ಕೆ ಮೂರನೇ ಹಂತ ತಲುಪುವ ಸಾಧ್ಯತೆ ಇದೆ ಹೀಗಾಗಿ ಎಚ್ಚೆತ್ತುಕೊಳ್ಳಬೇಕು ಎಂದು ಐಸಿಎಂಆರ್​ ಮಹಾ ನಿರ್ದೇಶಕ ಡಾ. ಬಲರಾಮ್​ ಭಾರ್ಗವ್ ಅವರು​ ಎಚ್ಚರಿಕೆ ನೀಡಿದರು.

ಕೊರೊನಾ 4ನೇ ಸ್ಟೇಜ್​ ಹೇಗಿರುತ್ತದೆ..?

ಇನ್ನು ಕೊರೊನಾದ ನಾಲ್ಕನೇ ಹಂತವು ಈ ವೈರಸ್​ನ್ನ ತಡೆಯುವುದು ಅಸಾಧ್ಯವಾಗಿದೆ. ನಾಲ್ಕನೇ ಸ್ಟೇಜ್​ನಲ್ಲಿ ಕೊರೊನಾ ಮಾರಣಹೋಮ ಉಂಟು ಮಾಡುತ್ತದೆ. ಚೀನಾ ಹಾಗೂ ಇಟಲಿಯಲ್ಲಿ ಕೊರೊನಾ ಸೋಂಕು ನಾಲ್ಕನೇ ಸ್ಟೇಜ್​​ನಲ್ಲಿದೆ. ಅಲ್ಲಿ ನಿತ್ಯ ನೂರಾರು ಜನ ಕೊರೊನಾಗೆ ಜೀವಹಾನಿಯಾಗುತ್ತಿದ್ದಾರೆ ಎಂದು ಡಾ. ಬಲರಾಮ್​ ಭಾರ್ಗವ್​ ಅವರು ಹೇಳಿದ್ದಾರೆ.