ಮೈ ಬಗ್ಗಿಸಿ ಪ್ರಾಮಾಣಿಕವಾಗಿ ದುಡಿಯಲು ಆಗದ ಕೆಲ ಪಾಪಿಗಳು ಅಡ್ಡ ದಾರಿ ಹಿಡಿಯುವುದು ಕಾಮನ್. ಶೋಕಿ, ದಿಢೀರ್ ಶ್ರೀಮಂತರಾಗಬೇಕೆಂಬ ದುರಾಸೆ ಇಂದಿನ ಯುವಕರನ್ನು ಬಲು ಬೇಗ ಅಡ್ಡ ದಾರಿಗೆ ಕೊಂಡೊಯ್ದು ನಿಲ್ಲಿಸುತ್ತದೆ. ಹೀಗೆ ದಾರಿ ತಪ್ಪುವ ಬಹುತೇಕರು ಡಿಫ್ರೆಂಟ್ ಡಿಫ್ರೆಂಟ್ ಆಗಿ ಯೋಚಿಸಿ ಕಳ್ಳತನಕ್ಕೆ ಇಳಿಯುತ್ತಾರೆ. ಇದರಿಂದಾಗಿ ಇತ್ತೀಚಿನ ದಿನಗಳಲ್ಲಿ ಎಟಿಎಂ ದರೋಡೆ ಎನ್ನುವುದು ಬಲು ಸಾಮಾನ್ಯ ಎನ್ನುವಂತಾಗಿದೆ. ಸದ್ಯ ಇದೇ ಎಟಿಎಂ ದರೋಡೆಯ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.
ಇಲ್ಲಿ ದರೋಡೆಕೋರರು ಬಳಸಿದ್ದ ತಂತ್ರವನ್ನು ಕಂಡು ನೆಟ್ಟಿಗರು ದಂಗಾಗಿದ್ದಾರೆ. ಪೊಲೀಸರು ಕೂಡಾ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇದು ನಡೆದಿರುವುದು ಮಹಾರಾಷ್ಟ್ರದ ಪುಣೆಯಲ್ಲಿ.
ಸ್ಕಾರ್ಪಿಯೋ ವಾಹನದಲ್ಲಿ ಬಂದಿದ್ದ ದುಷ್ಕರ್ಮಿಗಳು ಮೊದಲು ಎಟಿಎಂ ಯಂತ್ರವನ್ನು ಕಾರಿಗೆ ಕಟ್ಟಿ ಎಳೆದಿದ್ದಾರೆ. ಪರಿಣಾಮ, ವಾಹನದ ವೇಗ ಮತ್ತು ಶಕ್ತಿಗೆ ಯಂತ್ರ ಹೊರಗೆ ಕಳಚಿ ಬಿದ್ದಿತ್ತು. ಇದಾದ ಬಳಿಕ ಸ್ವಲ್ಪವೂ ತಡ ಮಾಡದೆ ಈ ಯಂತ್ರವನ್ನು ಕಾರಿನೊಳಗೆ ತುಂಬಿಕೊಂಡು ಚಾಲಾಕಿ ಕಳ್ಳರು ಪರಾರಿಯಾಗಿದ್ದಾರೆ. ಈ ಅಷ್ಟೂ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
Comments are closed.