ಡಾರ್ಜಿಲಿಂಗ್: ಪ್ರತಿದಿನ ಬೆಳಗ್ಗೆ ವ್ಯಾಯಾಮದ ಭಾಗವಾಗಿ ಟ್ರೇಡ್ಮಿಲ್ ಮೇಲೆ ನಡೆಯುವ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಇದೇ ಮೊದಲ ಬಾರಿಗೆ ಡಾರ್ಜಿಲಿಂಗ್ ಬೆಟ್ಟಗಳ ನಡುವಿನ ರಸ್ತೆಯಲ್ಲಿ ಜಾಗಿಂಗ್ ಮಾಡುತ್ತಾ ಕಾಣಿಸಿಕೊಂಡರು. ಪರಿಸರ ಸಂರಕ್ಷಣೆ ಅರಿವು ಮೂಡಿಸಲು ಅಧಿಕಾರಿಗಳು ಮತ್ತು ಪತ್ರಕರ್ತರೊಂದಿಗೆ ಡಾರ್ಜಿಲಿಂಗ್ ಬೆಟ್ಟದ ರಸ್ತೆಯಲ್ಲಿ ಗುರುವಾರ ಸುಮಾರು 10 ಕಿ.ಮೀ. ಜಾಗಿಂಗ್ ಮಾಡಿದ್ದಾರೆ.
ಮಹಾರಾಷ್ಟ್ರ ಹಾಗೂ ಹರಿಯಾಣ ವಿಧಾನಸಭಾ ಚುನಾವಣಾ ಫಲಿತಾಂಶದ ಬಗ್ಗೆ ತಲೆಕೆಡಿಸಿಕೊಳ್ಳದೇ ಜಾಗಿಂಗ್ ಮಾಡುವ ಮೂಲಕ ಅಭಿಯಾನದಲ್ಲಿ ನಿರತರಾಗಿದ್ದರು. ಕುರ್ಸೆಯೊಂಗ್ ಮತ್ತು ಮಹಾನದಿ ನಡುವಿನ 5 ಕಿ.ಮೀ ಅಂತರದ ಬೆಟ್ಟದ ರಸ್ತೆಯಲ್ಲಿ ಒಮ್ಮೆ ಮೇಲ್ಮುಖವಾಗಿ, ಮತ್ತೊಮ್ಮೆ ಇಳಿಮುಖವಾಗಿ ಜಾಗಿಂಗ್ ಮಾಡುತ್ತಾ ಅರಿವು ಮೂಡಿಸಿದರು. ಅಂತಾರಾಷ್ಟ್ರೀಯ ಹವಾಮಾನ ಕ್ರಿಯಾ ದಿನ(ಅಕ್ಟೋಬರ್ 24)ದ ಅಂಗವಾಗಿ ಈ ಅಭಿಯಾನವನ್ನು ಕೈಗೊಳ್ಳಲಾಗಿತ್ತು.
ತಮ್ಮ ಅಭಿಯಾನ ಸಂದರ್ಭದಲ್ಲಿ ದಾರಿ ನಡುವೆ ಮಕ್ಕಳು ಮತ್ತು ಸ್ಥಳೀಯರೊಂದಿಗೆ ಮಮತಾ ಅವರು ಮಾತುಕತೆ ನಡೆಸಿದರು. ಪರಿಸರ ಸಂರಕ್ಷಣೆ ಕುರಿತು ಜಾಗೃತಿ ಮೂಡಿಸಿ, ಹಸಿರಿನ ಪ್ರಾಮುಖ್ಯತೆಯ ಬಗ್ಗೆ ತಿಳಿಸಿದರು. ಇದಕ್ಕೂ ಮುಂಚೆ ಬೆಳಗ್ಗೆ ಟ್ವೀಟ್ ಮಾಡಿ ಪರಿಸರ ಸಂರಕ್ಷಿಸುವಂತೆ ಕರೆ ನೀಡಿದ್ದರು.
ಪರಿಸರ ಸಂರಕ್ಷಣೆಯ ಮೂಲಕ ನಮ್ಮ ಗ್ರಹವನ್ನು ಸಂರಕ್ಷಿಸೋಣ, ಹಸಿರು ಕಾಪಾಡಿ, ಪರಿಸರವನ್ನು ಸ್ವಚ್ಛವಾಗಿಡೋಣ ಎಂದು ಅಂತಾರಾಷ್ಟ್ರೀಯ ಹವಾಮಾನ ಕ್ರಿಯಾ ದಿನದ ಅಂಗವಾಗಿ ನಾವೆಲ್ಲರೂ ಒಟ್ಟಾಗಿ ಪ್ರತಿಜ್ಞೆ ಮಾಡೋಣ ಎಂದು ಹೇಳಿ ಮಮತಾ ಅವರು ಟ್ವೀಟ್ ಮೂಲಕ ಕರೆ ನೀಡಿದರು.
ಅಭಿಯಾನ ಮುಗಿಸಿ ಗುರುವಾರ ಸಂಜೆ ಡಾರ್ಜಿಲಿಂಗ್ನಿಂದ ಕೋಲ್ಕತಗೆ ವಾಪಾಸ್ಸಾದರು
Comments are closed.