ಮೆರಿಗ್ನಾಕ್: ಒಟ್ಟು 36 ರಫೇಲ್ ಯುದ್ಧವಿಮಾನಗಳಲ್ಲಿ ಒಂದು ಯುದ್ಧ ವಿಮಾನವನ್ನು ಇಂದು ವಿಜಯದಶಮಿಯ ದಿನದಂದು ಭಾರತಕ್ಕೆ ಫ್ರಾನ್ಸ್ ಹಸ್ತಾಂತರ ಮಾಡಿದೆ. ಫ್ರಾನ್ಸ್ನ ಮೆರಿಗ್ನಾಕ್ಸ್ನಲ್ಲಿ ಡಸಾಲ್ಟ್ ಏವಿಯೇಷನ್ನ ಸಿಇಒ ಎರಿಕ್ ಟ್ರಾಪ್ಪಿಯರ್ರಿಂದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ವಿಮಾನವನ್ನು ಸ್ವೀಕರಿಸಿದ್ದಾರೆ.
ಆದರೆ ಹೀಗೆ ಸ್ವೀಕರಿಸುವ ವೇಳೆ ರಾಜನಾಥ್ ಸಿಂಗ್ ಅವರು ಭಾರತೀಯ ಸಂಪ್ರದಾಯದಂತೆ ರಫೇಲ್ ಯುದ್ಧವಿಮಾನಕ್ಕೆ ಪೂಜೆ ಸಲ್ಲಿಸಿದ್ದಾರೆ.
ರಫೇಲ್ ವಿಮಾನದ ಚಕ್ರಗಳಡಿ ನಿಂಬೆ ಹಣ್ಣುಗಳನ್ನು ಇಟ್ಟು, ತೆಂಗಿನ ಕಾಯಿ, ಸೇವಂತಿಗೆ ಹೂವುಗಳೊಂದಿಗೆ ವಿಮಾನಕ್ಕೆ ಪೂಜೆ ಸಲ್ಲಿಸಿದರು. ಅಲ್ಲದೆ, ಕುಂಕುಮದಿಂದ ಆ ರಫೇಲ್ ಮೇಲೆ ಓಂ ಎಂದು ಬರೆಯುವ ಮೂಲಕ ಭಾರತೀಯ ಸಂಸ್ಕೃತಿಯಂತೆ ಪೂಜೆ ಸಲ್ಲಿಸಿದರು.
ಶಾಸ್ತ್ರ ಪೂಜೆ ಸಲ್ಲಿಸಿದ ಬಳಿಕ ರಫೇಲ್ ಯುದ್ಧವಿಮಾನವನ್ನು ಸ್ವೀಕರಿಸಿದ ರಾಜನಾಥ್ ಸಿಂಗ್ ಅವರು, ಈ ದಿನ ಐತಿಹಾಸಿಕ ದಿನ. ನಮ್ಮ ವಾಯು ಪಡೆಗೆ ರಫೇಲ್ ಇನ್ನಷ್ಟು ಬಲ ತುಂಬಲಿದೆ ಎಂದು ಹೇಳಿದರು. ಹಾಗೇ ರಫೇಲ್ ಯುದ್ಧ ವಿಮಾನದಲ್ಲಿ ಒಂದು ಸುತ್ತು ಹಾರಾಟ ನಡೆಸಿದ ಅವರು, ಇದು ಸ್ಮರಣೀಯ ಕ್ಷಣ ಎಂದು ಹೇಳಿದರು.
Comments are closed.