ನವದೆಹಲಿ: 32 ವರ್ಷದ ಯುವಕನೊಬ್ಬ 81ರ ವರ್ಷದ ಮುದುಕನಂತೆ ಬಿಳಿ ತಲೆಕೂದಲು, ಗಡ್ಡ ಮೂಲಕ ವಿಮಾನ ನಿಲ್ದಾಣ ಸಿಬ್ಬಂದಿಗೆ ಮೋಸ ಮಾಡಲು ಹೋಗಿ ಸಿಕ್ಕಿಬಿದ್ದಿರುವ ಘಟನೆ ನಡೆದಿದೆ.
ಜಯೇಶ್ ಪಟೇಲ್ ವಂಚನೆ ಮಾಡಿದ ಯುವಕ. ಅಹಮದಬಾದ್ನ ಈತ ತಲೆಗೆ ಬಿಳಿ ಬಣ್ಣ ಹಚ್ಚಿ ಮುದುಕನಂತೆ ವೇಷ ಧರಿಸಿ ನ್ಯೂಯರ್ಕ್ನಿಂದ ದೆಹಲಿಯ ಇಂದಿರಾಗಾಂಧಿ ವಿಮಾನ ನಿಲ್ದಾಣಕ್ಕೆ ಪ್ರಯಾಣ ಬೆಳೆಸಿದ್ದಾನೆ.
ನ್ಯೂಯಾರ್ಕ್ನಿಂದ ಯಾರಿಗೂ ಅನುಮಾನ ಬಾರದಂತೆ ಬಂದ ಈತನ ಅಸಲಿಯತ್ತ ದೆಹಲಿಯಲ್ಲಿ ಪತ್ತೆಯಾಗಿದೆ. ವೀಲ್ಚ್ಹೇರ್ನಲ್ಲಿ ಪ್ರಯಾಣಿಸುತ್ತಿದ್ದ ಈತನನ್ನು ಸೂಕ್ಷ್ಮವಾಗಿ ಗಮನಿಸಿದ ಇಂದಿರಾ ಗಾಂಧಿ ವಿಮಾನ ನಿಲ್ದಾಣದ ಸಿಬ್ಬಂದಿಗೆ ಈತನ ಮುಖ ಚಹರೆಯಲ್ಲಿ ಅನುಮಾನ ಬಂದು ವಿಚಾರಿಸಿದ್ದಾರೆ.
ಈತನ ಪಾಸ್ಪೋರ್ಟ್ ಚೆಕ್ ಮಾಡಿದಾಗ ಈತ ಅಮರಿಕ್ ಸಿಂಗ್ ಎಂದು ತನಗೆ 81 ವರ್ಷ ಎಂದು ನಮೂದಿಸಿತ್ತು. ಆದರೆ, ಈತನ ಮುಖದಲ್ಲಿ ಮಾತ್ರ ವಯೋಸಹಜ ನೆರಿಗೆಗಳು ಇರಲಿಲ್ಲ., ಧ್ವನಿಯಲ್ಲಿ ದೃಢತೆ ಕೂಡ ಎದ್ದು ಕಾಣುತ್ತಿತ್ತು. ಕಣ್ಣಿಗೆ ಹಾಕಿದ್ದ ಕನ್ನಡ ಜೀರೋ ಪವರ್ ಆಗಿತ್ತು ಆಗ ಈತ ಮೋಸ ಮಾಡುತ್ತಿರುವುದು ಪತ್ತೆಯಾಗಿದೆ ಎಂದು ಸಿಬ್ಬಂದಿ ತಿಳಿಸಿದ್ದಾರೆ.
ಇನ್ನು ವಂಚನೆ ಮಾಡಿದ ಈತನ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಈತ ಯಾವ ಕಾರಣಕ್ಕೆ ಈ ರೀತಿ ಮಾಡಿದ್ದ ಎಂಬ ಬಗ್ಗೆ ತನಿಖೆ ಆರಂಭವಾಗಿದೆ.
Comments are closed.