ರೈಲ್ವೆಯಲ್ಲಿ ಟಿಕೆಟ್ ರದ್ದಿನಿಂದಾಗಿ ರೈಲ್ವೆ ಇಲಾಖೆಗೆ ಬಂದ ಹಣವನ್ನು ನೋಡಿದ್ರೆ ಖಂಡಿತ ಶಾಕ್ ಆಗ್ತೀರಿ…!

ಚೆನ್ನೈ: ರೈಲ್ವೆಯಲ್ಲಿ ಟಿಕೆಟ್ ಬುಕ್ಕಿಂಗ್ ಮಾಡಿದ ನಂತರ ಅದನ್ನು ರದ್ದುಪಡಿಸಿದರೆ ರೈಲ್ವೆ ಇಲಾಖೆ ನಿಗದಿತ ಮೊತ್ತ ದಂಡ ಹಾಕುತ್ತದೆ. ಈ ನಿಯಮ 2015ರ ನವೆಂಬರ್ ನಿಂದಲೇ ಜಾರಿಯಲ್ಲಿದೆ. ಹಾಗಾದರೆ ಬುಕ್ಕಿಂಗ್ ಟಿಕೆಟ್ ರದ್ದತಿಯಿಂದ ಹಾಕಿರುವ ದಂಡದಿಂದ ಇದುವರೆಗೆ ಬಂದಿರುವ ಮೊತ್ತ ಎಷ್ಟಿರಬಹುದು ಎಂದು ಅಂದಾಜಿಸಬಹುದೇ?

ಭಾರತೀಯ ರೈಲ್ವೆ ಇಲಾಖೆಯ ಅಂಕಿಅಂಶ ಪ್ರಕಾರ ಮಾರ್ಚ್ 2019ರವರೆಗೆ ಬಂದಿರುವ ಮೊತ್ತ 5 ಸಾವಿರದ 366.53 ಕೋಟಿ ರೂಪಾಯಿ. ಮಾಹಿತಿ ಹಕ್ಕು ಕಾಯ್ದೆಯಿಂದ ಸಿಕ್ಕಿರುವ ಮಾಹಿತಿ ಪ್ರಕಾರ ಬುಕ್ಕಿಂಗ್ ಟಿಕೆಟ್ ರದ್ದುಪಡಿಸಿರುವುದರಿಂದ ಇಲಾಖೆಗೆ ಬಂದಿರುವ ಆದಾಯ ಕಳೆದ ವರ್ಷಕ್ಕಿಂತ 2018-19ರಲ್ಲಿ 646.54 ಕೋಟಿ ರೂಪಾಯಿ ಹೆಚ್ಚಾಗಿದೆ.

2017-18ರಲ್ಲಿ ಈ ಮೊತ್ತ 1,205.96 ಕೋಟಿ ಇದ್ದರೆ 2018-19ರಲ್ಲಿ ,852.50 ಕೋಟಿಯಷ್ಟಾಗಿದೆ. ಅದೇ ರೀತಿ ದಕ್ಷಿಣ ರೈಲ್ವೆ 176.76 ಕೋಟಿ ರೂಪಾಯಿ 2017-18ರಲ್ಲಿ ಗಳಿಸಿದ್ದರೆ 2018-19ರಲ್ಲಿ 182.56 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ. ದಕ್ಷಿಣ ಮಧ್ಯೆ ರೈಲ್ವೆಯಲ್ಲಿ ಟಿಕೆಟ್ ರದ್ದುಪಡಿಸಿರುವುದರಿಂದ ಆದಾಯ ಗಳಿಕೆ ತೆಲಂಗಾಣ, ಆಂಧ್ರ ಪ್ರದೇಶ, ಮಹಾರಾಷ್ಟ್ರ ಮತ್ತು ಮಧ್ಯ ಪ್ರದೇಶಗಳಲ್ಲಿ 127.22 ಕೋಟಿ ರೂಪಾಯಿಗಳಿಂದ 690.80 ಕೋಟಿ ರೂಪಾಯಿಗೆ ಏರಿಕೆಯಾಗಿದ್ದು ಅದು ಶೇಕಡಾ 500ರಷ್ಟು ಹೆಚ್ಚಳವಾಗಿದೆ.