ಹೊಸದಿಲ್ಲಿ: ರಾಷ್ಟ್ರ ರಾಜಕಾರಣದಲ್ಲಿ ಅತ್ಯಂತ ಪ್ರಭಾವ ಬೀರುವ ಉತ್ತರ ಪ್ರದೇಶದ ಮೇಲೆ ಎಲ್ಲರ ದೃಷ್ಟಿ ನೆಟ್ಟಿದ್ದು, ಈ ಬಾರಿ ಎಸ್ಪಿ-ಬಿಎಸ್ಪಿ ಮೈತ್ರಿ ಕತೆ ಏನಾಗಲಿದೆ? ಕಳೆದ ಬಾರಿಯಂತೆ ಬಿಜೆಪಿ ಕಮಾಲ್‌ ಮಾಡಬಹುದೇ? ಪ್ರಿಯಾಂಕಾ ಗಾಂಧಿ ಅವರ ಹವಾ ಕೆಲಸ ಮಾಡುತ್ತದೆಯೇ? ಎಂಬ ಹಲವು ಕುತೂಹಲಗಳು ಜನರಲ್ಲಿವೆ.
ಈಗಾಗಲೇ ಹಲವು ಎಕ್ಸಿಟ್‌ ಪೋಲ್‌ ಸಮೀಕ್ಷೆಗಳು ಕೇಂದ್ರದಲ್ಲಿ ಬಿಜೆಪಿ ನೇತೃತ್ವದ ಎನ್‌ಡಿಎ ಸರಕಾರ ಅಧಿಕಾರಕ್ಕೆ ಬರಲಿದೆ ಎಂದಿವೆ. 80 ಲೋಕಸಭೆ ಸ್ಥಾನಗಳನ್ನು ಒಳಗೊಂಡಿರುವ ಉತ್ತರ ಪ್ರದೇಶದಲ್ಲಿ ಎನ್‌ಡಿಎಗೆ 58 ಸ್ಥಾನಗಳು ಸಿಗಲಿವೆ ಎಂದು ಟೈಮ್ಸ್‌ ನೌ-ವಿಎಂಆರ್‌ ಸಮೀಕ್ಷೆ ಹೇಳಿದೆ. ಮಹಾಘಟಬಂಧನಕ್ಕೆ 20 ಸ್ಥಾನಗಳು, ಕಾಂಗ್ರೆಸ್‌ಗೆ 2 ಸ್ಥಾನಗಳು ಸಿಗಲಿವೆ ಎಂದು ಭವಿಷ್ಯ ನುಡಿದಿದೆ.
ಆದರೆ ಸಿ-ವೋಟರ್‌ ಪ್ರಕಾರ ಎಸ್ಪಿ-ಬಿಎಸ್ಪಿ ಮೈತ್ರಿಗೆ 40 ಸ್ಥಾನಗಳು ಲಭ್ಯವಾಗಬಹುದು ಎಂದಿದೆ. ಬಿಜೆಪಿಗೆ 38, ಕಾಂಗ್ರೆಸ್‌ಗೆ 2 ಸ್ಥಾನಗಳು ಸಿಗಬಹುದು ಎಂದಿದೆ.
ಪೋಲ್ಸ್‌ ಆಫ್‌ ಪೋಲ್ಸ್‌ ಸಮೀಕ್ಷೆ ಪ್ರಕಾರ ಎನ್‌ಡಿಎಗೆ 43 ಸ್ಥಾನಗಳು, ಮಹಾಘಟಬಂಧನಕ್ಕೆ 35 ಸ್ಥಾನಗಳು ಮತ್ತು ಕಾಂಗ್ರೆಸ್‌ಗೆ 2 ಸ್ಥಾನಗಳು ಸಿಗಲಿವೆ ಎಂದಿದೆ.
Comments are closed.