ರಾಷ್ಟ್ರೀಯ

ಸತತ 3 ವರ್ಷದಿಂದ ವಿದ್ಯಾರ್ಥಿನಿ ಮೇಲೆ ಅತ್ಯಚಾರ ಎಸಗಿದ್ದ ಶಿಕ್ಷಕ; ಸಿಕ್ಕಿಬಿದ್ದದ್ದು ಹೇಗೆ?

Pinterest LinkedIn Tumblr


ನವದೆಹಲಿ: ಇದು ಮುಂಬೈನಲ್ಲಿ ನಡೆದ ಹೃದಯವಿದ್ರಾವಕ ಕೃತ್ಯ. ಎಂಟನೇ ತರಗತಿ ವಿದ್ಯಾರ್ಥಿನಿಯೊಬ್ಬಳ ಬೆತ್ತಲೆ ಫೋಟೊಗಳನ್ನು ಇಟ್ಟುಕೊಂಡು ಬ್ಲ್ಯಾಕ್​​ಮೇಲ್​​ ಮಾಡುತ್ತಿದ್ದ 56 ವರ್ಷದ ಕಾಮುಕ ಶಿಕ್ಷಕನ ಕರ್ಮಕಾಂಡ. ಆಕೆ ಬೆತ್ತಲೆ ಫೋಟೊಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡುತ್ತೇನೆ ಎಂದು ಬೆದರಿಸಿ ಅಮಾಯಕ ವಿದ್ಯಾರ್ಥಿಯನ್ನ ಸತತವಾಗಿ 3 ವರ್ಷ ಅತ್ಯಚಾರ ಮಾಡಿದ್ದ ಈ ಘಟನೆ ಕೊಲೆಗಿಂತಲೂ ದೊಡ್ಡ ಕ್ರೈಮ್​​.

ವಿದ್ಯಾರ್ಥಿನಿ ಹೆಸರು ನೇಹಾ( ಹೆಸರು ಬದಲಿಸಲಾಗಿದೆ). 13 ವರ್ಷ ವಯಸ್ಸಿನಲ್ಲಿದ್ದಾಗಲೇ ಅತ್ಯಚಾರಕ್ಕೊಳಗಾದ ಸಂತ್ರಸ್ಥೆ ಈಕೆ. ಆಕೆಯನ್ನು ಬೆದರಿಸುತ್ತಿದ್ದ ಕಾಮುಕ ಶಿಕ್ಷಕ ಇಂಟರ್​​ನೆಟ್​​ನಲ್ಲಿ ಪೋಟೊ ಅಪ್​​ಲೋಡ್​​ ಮಾಡುತ್ತೇನೆ ಎನ್ನುತ್ತಾ ಬಳಸಿಕೊಳ್ಳುತ್ತಿದ್ದ. ಇದಕ್ಕೆ ಹೆದರಿ ಏನು ಮಾಡಬೇಕೆಂದು ತೋಚದೆ ಸುಮ್ಮನಾಗುತ್ತಿದ್ದಳು ಅಮಾಯಕ ವಿದ್ಯಾರ್ಥಿನಿ. ಆತ ಹೇಳಿದ ಹಾಗೇ ಮಾಡದೆ ಹೋದರೆ ತನ್ನ ಪೋಟೊಗಳನ್ನು ಎಲ್ಲಿ ವೈರಲ್​​ ಮಾಡುತ್ತಾನೋ ಎಂಬ ಭಯ ಕ್ಷಣಕ್ಷಣಕ್ಕೂ ಹೆಚ್ಚಾಗುತ್ತಿತ್ತು.

ಹೀಗೆ ಬ್ಲ್ಯಾಕ್​​ಮೇಲ್​​ ಮಾಡಿ ಬೇಕಾದ ಹಾಗೇ ವಿದ್ಯಾರ್ಥಿಯನ್ನ ಆತ ಬಳಸಿಕೊಂಡಿದ್ದ. ಈ ಕಾಮುಕ ಅಮಾನುಷವಾಗಿ ಈಕೆಯನ್ನು 8, 9, 10 ತರಗತಿಯಲ್ಲಿ ಸುಮಾರು ಮೂರು ವರ್ಷಗಳ ಕಾಲ ಅತ್ಯಚಾರ ಮಾಡಿದ್ದ. ಎಸ್​​ಎಸ್​ಎಲ್​​ಸಿ ಮುಗಿಸಿದ ಕೂಡಲೇ ಆಕೆ ಶಾಲೆಯನ್ನೇ ತೊರೆದಳು.

ನೇಹಾ ಇಂಟರ್​​ ಸ್ಟಡೀಸ್​ಗೆ ಇನ್ನೊಂದು ಕಾಲೇಜಿಗೆ ಸೇರಿದಳು. ಕೂಡಲೇ ಅಲ್ಲಿಗೂ ಈ ಕಾಮುಕ ಭೇಟಿ ನೀಡಿದ. ಅಲ್ಲಿದ್ದ ಶಿಕ್ಷಕರ ಜತೆಗೆ ಒಳ್ಳೆಯ ಸಂಬಂಧ ಬೆಳೆಸಿಕೊಂಡ. ಅಲ್ಲದೇ ಈಕೆಯ ಕ್ಯಾರೆಕ್ಟರ್​​ ಬಗ್ಗೆ ಕೆಟ್ಟದಾಗಿ ಬಿಂಬಿಸಿದ. ಟಿಸಿ ಕೊಟ್ಟು ಕಳಿಸಿಬಿಡಿ ಎಂದು ಬಲವಂತ ಮಾಡಿದ. ಇಲ್ಲದೇ ಹೋದಲ್ಲಿ ನಿಮ್ಮ ಕಾಲೇಜು ಮರ್ಯಾದೆ ಹೋಗಲಿದೆ ಎಂದು ಬೆದರಿಕೆ ಹಾಕಿದ.

ಈತನ ಮಾತನ್ನು ಕೇಳಿದ ಮ್ಯಾನೇಜ್​ ಮೆಂಟ್​​ ಒಬ್ಬ ವಿದ್ಯಾರ್ಥಿನಿಗಿಂತ ಕಾಲೇಜು ಮರ್ಯಾದೆ ಮುಖ್ಯ ಎಂದು ಭಾವಿಸಿತು. ಹಾಗಾಗಿ ನೇಹಾಗೆ ಟಿಸಿ ಕೊಟ್ಟು ಕಾಲೇಜಿನಿಂದ ಹೊರಹಾಕಬೇಕಾಯಿತು.

ಸರಿಯಾದ ಕಾರಣ ತಿಳಿಯದೇ ಟಿಸಿ ತೆಗೆದುಕೊಂಡು ನೇಹಾ ತನ್ನ ಪಾಡಿಗೆ ಮತ್ತೊಂದು ಕಾಲೇಜು ಸೇರಿದಳು. ಅಲ್ಲಿಗೂ ಹೋದ ಆ ಕಾಮುಕ ಟೀಚರ್​​​, ಈಕೆಗೆ ಟಿಸಿಯನ್ನು ನೀಡುವಂತೆ ಸತಾಯಿಸಿದ. ಈತನ ಮಾತು ಕೇಳದ ಮ್ಯಾನೇಜ್​​ ಮೆಂಟ್​ ನಿಮಗೂ ನೇಹಾಗೂ ಏನು ಸಂಬಂಧ ಎಂದು ಪ್ರಶ್ನಿಸಿತು. ನೇಹಾಗೂ ತಾನು ಅಂಕಲ್​​ ಎಂದು ಹೇಳಿ ಅಲ್ಲಿಂದ ಕಾಲ್ಕಿತ್ತ.

ಈತ ಹೇಳಿದ್ದರ ಹಿಂದಿನ ಸತ್ಯಾಸತ್ಯತೆ ತಿಳಿದುಕೊಳ್ಳಲು ಕಾಲೇಜು ಮ್ಯಾನೇಜ್​​ ಮೆಂಟ್​​ ನೇಹಾ ಪೋಷಕರನ್ನು ಕರೆಸಿತು. ನಂತರ ನೇಹಾ ಪೋಷಕರು ಆತನಿಗೂ ನಮಗೂ ಯಾವುದೇ ಸಂಬಂಧವಿಲ್ಲ ಎಂದು ಸ್ಪಷ್ಟನೆ ನೀಡಿದರು.

ಬಳಿಕ ನೇಹಾ ಜತೆಗೆ ಈ ವಿಚಾರದ ಬಗ್ಗೆ ಸೀಕ್ರೆಟ್​ ಆಗಿ ಮಾತಾಡಲು ಕಾಲೇಜು ಮ್ಯಾನೇಜ್​ ಮೆಂಟ್​​ ಮುಂದಾಯ್ತು. ಆಗ ಭಯದಲ್ಲಿದ್ದ ನೇಹಾಗೆ ಧೈರ್ಯ ತುಂಬಿತು. ಬೆನ್ನಿಗೆ ನಿಲ್ಲುತ್ತೇವೆ ಎಂದು ಭರವಸೆ ನೀಡಿತು. ಆಗ ನೇಹಾ ಇಷ್ಟು ವರ್ಷ ಆಕೆ ಅನುಭವಿಸಿದ ಮಾನಸಿಕ ಹಿಂಸೆ; ತನ್ನೊಳಗಿದ್ದ ನೋವನ್ನು ಹೊರಗೆ ಹಾಕಿದಳು. ಕೊನೆಗೂ ಆ ಕಾಮುಕ ಟೀಚರ್​​ನ ಬಂಡವಾಳ​​ ಬಯಲಾಯ್ತು. ಕೂಡಲೇ ಎಚ್ಚೆತ್ತ ಮ್ಯಾನೇಜ್​​ ಮೆಂಟ್​​ ಪೊಲೀಸರಿಗೆ ದೂರು ನೀಡಿತು. ಈ ಕಾಮುಕನಿಗೆ ಬಲೆ ಬೀಸಿದ ಪೊಲೀಸರು ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾದರು.

Comments are closed.