ದೇಶದೆಲ್ಲೆಡೆ ಕಿಚ್ಚು ಮತ್ತು ಮಿರ್ಚಿಯಿಂದಲೂ ಸಿಹಿ ಉಣ ಬಡಿಸುತ್ತಿರುವ ರೇಡಿಯೋ ಮಿರ್ಚಿ ಈಗ ಸಾಗರದಾಚೆಗೂ ತನ್ನ ಘಾಟು ಹೆಚ್ಚಿಸಿಕೊಂಡಿದೆ.
ಅಮೆರಿಕದಲ್ಲಿ ಈಗ ರೇಡಿಯೋ ಮಿರ್ಚಿ ಜನವರಿ 26ರಿಂದ ತನ್ನ ಕಾರ್ಯ ಆರಂಭಿಸಿದೆ. ಭಾರತದಲ್ಲಿ ನಂಬರ್‌ ಒನ್‌ ಎಫ್‌ಎಂ ಚಾನೆಲ್‌ ಆಗಿರುವ ರೇಡಿಯೋ ಮಿರ್ಚಿ ಈಗ ಅಮೆರಿಕದ ನ್ಯೂಯಾರ್ಕ್‌, ನ್ಯೂಜೆರ್ಸಿ, ಕನೆಕ್ಟಿಕಟ್‌ನಲ್ಲಿ ಶ್ರೋತೃಗಳನ್ನು ತಲುಪುತ್ತಿದೆ.
ಇದಲ್ಲದೇ ಡರ್ಹಾಮ್‌, ನ್ಯಾರ್ಥ್‌ ಕ್ಯಾರೋಲಿನಾ, ಬಾಲ್ಟಿಮೋರ್‌, ಮೇರಿಲ್ಯಾಂಡ್‌, ಫಿಲಡಲ್ಫಿಯಾ, ಪೆನ್ವಿಲಿವೇನಿಯಾ, ಕ್ಲೀವ್ ಲ್ಯಾಂಡ್‌, ಓಹಿಹೊ, ಕೊಲಂಬಸ್‌, ಅಟ್ಲಾಂಟಾ, ಜಾರ್ಜಿಯಾ, ರಿಚ್‌ಮಂಡ್‌, ವರ್ಜಿನಿಯಾ, ಮಿಸ್ಸೋರಿ, ಸೇಂಟ್‌ ಲೂಯಿಸ್‌ನಲ್ಲಿರುವ ಶ್ರೂತೃಗಳು ರೇಡಿಯೋ ಮಿರ್ಚಿಯ ಕಾರ್ಯಕ್ರಮಗಳನ್ನು ಕೇಳಿ ಆನಂದಿಸಬಹುದು.
ದಕ್ಷಿಣ ಏಷ್ಯಾ ಸಮುದಾಯದವರನ್ನು ತಲುಪಲು ಈ ಪ್ರಯತ್ನ ಮಾಡಲಾಗಿದೆ. ಅಮೆರಿಕದಲ್ಲಿರುವ ಲಕ್ಷಾಂತರ ಭಾರತೀಯರು ಈಗ ದೇಶಕ್ಕೆ ಇನ್ನಷ್ಟು ಹತ್ತಿರವಗಬಹುದು.
ಆರ್‌ಜೆಗಳಾದ ಮಿರ್ಚಿ ಸಾಯೆಮಾ, ಮಿರ್ಚಿ ರೋಚಿ, ಮಿರ್ಚಿ ಶ್ರುತಿ ಅವರ ಮಾತಿನ ಸರ ಪಟಾಕಿಯ ಸದ್ದು ಕೇಳಬಹುದಾಗಿದೆ.
ರೇಡಿಯೋ ಮಿರ್ಚಿಯ ಖ್ಯಾತ ಕಾರ್ಯಕ್ರಮಗಳಾದ ಮಿರ್ಚಿ ಮುರ್ಗಾದಂಥ ಕಾರ್ಯಕ್ರಮಗಳನ್ನು ಅಮೆರಿಕದಲ್ಲಿರುವ ನಾಗರಿಕರು ಕೇಳಿ ಖುಷಿ ಪಡಬಹುದಾಗಿದೆ.
ಈ ಕುರಿತು ಮಾಹಿತಿ ನೀಡಿರುವ ರೇಡಿಯೋ ಮಿರ್ಚಿ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಪ್ರಶಾಂತ್‌ ಪಾಂಡೆ, ಅಮೆರಿಕದಲ್ಲಿ ಕೊನೆಗೂ ರೇಡಿಯೋ ಮಿರ್ಚಿ ಆರಂಭಿಸುತ್ತಿರುವುದು ನಿಜಕ್ಕೂ ಸಂತಸ ಮುಗಿಲು ಮಟ್ಟಿದೆ. ದಕ್ಷಿಣ ಏಷ್ಯಾ ಸಮುದಾಯವರ ಜತೆ ಸಂಪರ್ಕ ಸಾಧಿಸಲು ಇದೊಂದು ಉತ್ತಮ ವೇದಿಕೆಯಾಗಲಿದೆ. ಅಮೆರಿಕದಲ್ಲಿಯೂ ಯಶಸ್ವಿಯಾಗಲಿದೆ ಎಂಬ ವಿಶ್ವಾಸವಿದೆ ಎಂದರು.
ಅಮೆರಿಕದಲ್ಲಿರುವ ಎಲ್ಲ ನಾಗರಿಕರಿಗೆ ಪೂರಕವಾಗಿರುವಂತೆ ಕೆಲವು ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ ಎಂದು ಪ್ರಶಾಂತ್‌ ಪಾಂಡೆ ಸ್ಪಷ್ಟಪಡಿಸಿದರು.
Comments are closed.