ಟೆಲಿಕಾಂ ಸೆಕ್ಟರ್ನ ದೀರ್ಘಾವಧಿಯ ವಾಲಿಟಿಡಿಗೆ ಬ್ರೇಕ್ ಬೀಳಲಿದೆಯೇ? ಹೌದು ಎನ್ನುತ್ತಿದೆ ಕೆಲ ಮೂಲಗಳು. ಕೆಲವು ಟೆಲಿಕಾಂ ಕಂಪೆನಿಗಳು ಇನ್ಕಮಿಂಗ್ ಕರೆಗಳಿಗೆ ದರ ವಿಧಿಸಲು ಮುಂದಾಗಿದೆ ಎನ್ನಲಾಗುತ್ತಿದೆ. ದೀರ್ಘಾವಧಿಯ ವಾಲಿಟಿಡಿ ಮತ್ತು ಅನಿಯಮಿತ ಕರೆಗಳಿಂದ ಬಳಕೆದಾರರು ರಿಜಾರ್ಚ್ ಮಾಡುತ್ತಿಲ್ಲ. ಇದಕ್ಕಾಗಿ ತಿಂಗಳಿಗೆ ನಿರ್ದಿಷ್ಟ ಮೊತ್ತವನ್ನು ರಿಜಾರ್ಜ್ ಮಾಡಿಕೊಳ್ಳುವುದನ್ನು ಕಡ್ಡಾಯಗೊಳಿಸಲು ಕಂಪೆನಿಗಳು ಯೋಚಿಸಿದೆ. ಆರಂಭದಲ್ಲಿ ಪ್ರತಿ ತಿಂಗಳು ಇನ್ಕಮಿಂಗ್ ಕರೆಗಳಿಗಾಗಿ 35 ರಿಜಾರ್ಚ್ ದರ ವಿಧಿಸಲಿದೆ ಎನ್ನಲಾಗಿದೆ. ಅಲ್ಲದೆ ಮುಂಬರುವ ದಿನಗಳಲ್ಲಿ ಇದನ್ನು 75 ರೂ.ಗೆ ಏರಿಸಲಿದೆ ಎಂದು ಹೇಳಲಾಗಿದೆ.
ಈ ಬಗ್ಗೆ ಈಗಾಗಲೇ ಏರ್ಟೆಲ್ ಟೆಲಿಕಾಂ ಕಂಪೆನಿಯ ಸಿಎಂಡಿ ಸುನೀಲ್ ಭಾರ್ತಿ ಮಿತ್ತಲ್ ಸೂಚನೆ ನೀಡಿದ್ದು, ಮುಂಬರುವ ದಿನಗಳಲ್ಲಿ ತಿಂಗಳಿಗೆ ಕನಿಷ್ಠ 35 ರೂ. ರಿಜಾರ್ಚ್ ಮಾಡಿಕೊಳ್ಳುವುದು ಕಡ್ಡಾಯವಾಗಲಿದೆ. ಈ ದರ ಏರ್ಟೆಲ್ನಲ್ಲಿ 75 ರೂ.ವರೆಗೆ ಏರಿಕೆಯಾಗಬಹುದು ಎಂದು ತಿಳಿಸಿದ್ದಾರೆ.
ಕಳೆದ ನವೆಂಬರ್ನಲ್ಲಿ ಏರ್ಟೆಲ್ ಕಂಪೆನಿಯು 2G ಸಿಮ್ಗಳ ಬಳಕೆದಾರರಿಗೆ ಕನಿಷ್ಠ ರಿಜಾರ್ಚ್ ನಿಯಮವನ್ನು ಜಾರಿಗೆ ತಂದಿತ್ತು. ಇದರ ಬೆನ್ನೆಲ್ಲೇ ವೊಡಾಫೋನ್-ಐಡಿಯಾ ಕೂಡ ತನ್ನ ಪ್ಲಾನ್ನಲ್ಲಿ ಬದಲಾವಣೆ ಮಾಡಿ ಕಡ್ಡಾಯ ರಿಜಾರ್ಚ್ ಪ್ಲಾನ್ ಅನ್ನು ಜಾರಿಗೊಳಿಸಿತ್ತು. ಇದರಿಂದ ಗ್ರಾಹಕರು ಕೈ ತಪ್ಪಲಿದೆ ಎನ್ನಲಾಗಿದ್ದರೂ, 2G ಬಳಕೆದಾರರನ್ನು 4G ಅಪ್ಗ್ರೇಡ್ ಮಾಡಿಕೊಳ್ಳಲು ಕಂಪೆನಿಗಳು ಇಂತಹದೊಂದು ಯೋಜನೆ ಮಾಡಿಕೊಂಡಿದೆ ಎನ್ನಲಾಗಿತ್ತು. ಆದರೆ ಈ ಬಾರಿ ಲೈಫ್ ಟೈಂ ಸಿಮ್ಗಳ ಇನ್ಕಮಿಂಗ್ ಕರೆಗಾಗಿ ರಿಜಾರ್ಚ್ ಮಾಡುವುದು ಕಡ್ಡಾಯ ಮಾಡಲಿದೆ. ಈ ಯೋಜನೆ ಜಾರಿಯಾದರೆ ಗ್ರಾಮೀಣ ಪ್ರದೇಶದ ಮೊಬೈಲ್ ಬಳಕೆದಾರರ ಮೇಲೆ ನೇರ ಪರಿಣಾಮ ಬೀರಲಿದೆ ಎನ್ನುತ್ತಾರೆ ಮಾರುಕಟ್ಟೆ ತಜ್ಞರೊಬ್ಬರು.
ಏರ್ಟೆಲ್ ಮತ್ತು ವೊಡಾಫೋನ್-ಐಡಿಯಾ ಕಂಪೆನಿಗಳು ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (ಟ್ರಾಯ್)ಗೆ ಈ ಕುರಿತು ಮನವಿ ಸಲ್ಲಿಸಿದ್ದು, ಟಾರಿಫ್ ಪ್ಲಾನ್ ಬದಲಿಸುವ ಬಗ್ಗೆ ಸೂಚನೆ ನೀಡಿದೆ ಎನ್ನಲಾಗಿದೆ. ಆದರೆ ಟ್ರಾಯ್ ಕಡೆಯಿಂದ ಯಾವುದೇ ಅನುಮೋದನೆ ಸಿಕ್ಕಿಲ್ಲ. ಈ ಯೋಜನೆಗೆ ಅನುಮತಿ ಸಿಕ್ಕರೆ ಗ್ರಾಹಕರು ಇನ್ಕಮಿಂಗ್ ಕರೆಗಳಿಗೆ ರಿಜಾರ್ಚ್ ಮಾಡಿಕೊಳ್ಳಬೇಕಾದ ಅನಿವಾರ್ಯತೆ ಬರಲಿದೆ.
ಹೊಸ ಟಾರಿಫ್ ಪ್ಲಾನ್ಗೆ ಕಾರಣವೇನು?
ಟೆಲಿಕಾಂ ಕ್ಷೇತ್ರದಲ್ಲಿ ಜಿಯೋ ಎಬ್ಬಿಸಿರುವ ಅಲೆಗೆ ತಡೆಯೊಡ್ಡಲು ಇತರೆ ಕಂಪೆನಿಗಳು ಯೋಜನೆ ರೂಪಿಸಿಕೊಳ್ಳುತ್ತಿದೆ. ಅಂಬಾನಿ ಒಡೆತನದ ಜಿಯೋವನ್ನು ನಿಯಂತ್ರಿಸಲು ದೇಶದ ಎಲ್ಲಾ ಟೆಲಿಕಾಂ ಕಂಪೆನಿಗಳು ಒಗ್ಗೂಡಲು ಪ್ಲಾನ್ ಮಾಡಿಕೊಂಡಿವೆ ಎನ್ನಲಾಗಿದೆ. ಭಾರತದ ಗ್ರಾಮೀಣ ಗ್ರಾಹಕರು ಹೆಚ್ಚಾಗಿ ಜಿಯೋ ನೆಟ್ವರ್ಕ್ ಅನ್ನು ಬಳಸುತ್ತಿದ್ದಾರೆ. ಜಿಯೋಫೋನ್ಗಳ ಉಚಿತ ಕರೆ ಸೌಲಭ್ಯವನ್ನು ನಿಯಂತ್ರಿಸಲು ಮತ್ತು ಇನ್ಕಮಿಂಗ್ ಕರೆಗಳಿಗೆ ದರ ವಿಧಿಸಿ ಜಿಯೋಗೆ ಸ್ಪರ್ಧೆಯೊಡ್ಡಲು ಟೆಲಿಕಾಂ ಕಂಪೆನಿಗಳ ಒಕ್ಕೂಟ ಮುಂದಾಗಿವೆ ಎಂದು ಹೇಳಲಾಗಿದೆ.
ಜಿಯೋಗೆ ಪ್ರಬಲ ಸ್ಫರ್ಧೆ:
ಈ ಹೊಸ ಯೋಜನೆ ಜಾರಿಯಾದರೆ ಜಿಯೋ ನೆಟ್ವರ್ಕ್ಗೆ ಹೊಡೆತ ಬೀಳುವುದು ಖಚಿತ ಎನ್ನಲಾಗುತ್ತಿದೆ. ಏಕೆಂದರೆ ದೇಶದ ಶೇ.80 ರಷ್ಟು ಟೆಲಿಕಾಂ ಕಂಪೆನಿಗಳು ಒಟ್ಟಾಗಿ ಒಂದೇ ನಿಯಮ ರೂಪಿಸಿದರೆ ಜಿಯೋ ಮೇಲೆ ಸುಲಭವಾಗಿ ಸವಾರಿ ಮಾಡಬಹುದು ಎನ್ನುತ್ತಾರೆ ಟೆಲಿಕಾಂ ಮಾರುಕಟ್ಟೆ ತಜ್ಞರೊಬ್ಬರು.
ಜಿಯೋಗೆ ಪ್ಲಸ್ ಅಂಡ್ ಮೈನಸ್:
ಒಂದು ಲೆಕ್ಕದ ಪ್ರಕಾರ ಎಲ್ಲಾ ಕಂಪೆನಿಗಳು ಸೇರಿ ರೂಪಿಸುವ ಹೊಸ ಪ್ಲಾನ್ನಿಂದ ಜಿಯೋ ಕಂಪೆನಿಗೂ ಲಾಭವಾಗಲಿದೆ. ಇನ್ಕಮಿಂಗ್ ಕರೆ ದರದಿಂದ ಜಿಯೋಗೆ ಪ್ಲಸ್ ಪಾಯಿಂಟ್ ಆಗಲಿದೆ. ಆದರೆ ಜಿಯೋಫೋನ್ನಂತಹ ಸೇವೆಗಳ ಮೇಲೆ ಈ ಪ್ಲಾನ್ ನೇರ ಪರಿಣಾಮ ಬೀರಲಿದೆ ಎನ್ನಲಾಗಿದೆ. ಆದರೆ ಈ ಕುರಿತು ಟ್ರಾಯ್ ಇಲಾಖೆ ಯಾವುದೇ ಸ್ಪಷ್ಟನೆ ನೀಡಿಲ್ಲ.
Comments are closed.