ರಾಷ್ಟ್ರೀಯ

ನಾನು ‘ಭಾರತ್ ಮಾತಾ ಕೀ ಜೈ’ ಹೇಳದಂತೆ ಕಾಂಗ್ರೆಸ್ ಫತ್ವಾ ಹೊರಡಿಸಿದೆ: ಪ್ರಧಾನಿ ಮೋದಿ

Pinterest LinkedIn Tumblr


ಜೈಪುರ: ರಾಜಸ್ಥಾನ ವಿಧಾನಸಭೆ ಚುನಾವಣೆ ಹತ್ತಿರವಾಗ್ತಿದ್ದಂತೆ ಬಿಜೆಪಿ ಹಾಗೂ ಕಾಂಗ್ರೆಸ್ ಪ್ರಮುಖ ನಾಯಕರ ನಡುವೆ ವಾಕ್ಸಮರ ಜೋರಾಗಿದೆ. ಪ್ರಮುಖವಾಗಿ, ಪ್ರಧಾನಿ ಮೋದಿ ಹಾಗೂ ರಾಹುಲ್ ಗಾಂಧಿ ನಡುವೆ ವಾಗ್ಯುದ್ಧ ಕಾವು ಪಡೆದುಕೊಂಡಿದೆ.

ಇಂದು ‘ಭಾರತ್ ಮಾತಾ ಕೀ ಜೈ’ ವಿಚಾರವಾಗಿ ಪ್ರಧಾನಿ ಮೋದಿ ಹಾಗೂ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ವಿರುದ್ಧ ವಾಗ್ಯುದ್ಧ ನಡೆದಿದೆ. ಪ್ರಧಾನಿ ಮೋದಿ
‘ಭಾರತ್ ಮಾತಾ ಕೀ ಜೈ’ ಎಂದು ರ‍್ಯಾಲಿ ವೇಳೆ ಪ್ರತಿ ಭಾಷಣದ ಆರಂಭದಲ್ಲೂ ಹೇಳುತ್ತಾರೆ ಎಂದು ರಾಹುಲ್ ಗಾಂಧಿ ಮಂಗಳವಾರ ರಾಜಸ್ಥಾನದಲ್ಲಿ ಆಕ್ಷೇಪ ವ್ಯಕ್ತಪಡಿಸಿದ್ದರು. ಅದಾದ ಕೆಲವೇ ಹೊತ್ತಿನಲ್ಲಿ ರಾಜಸ್ಥಾನದ ಸಿಕಾರ್‌ನಲ್ಲಿ ಮಾತನಾಡಿದ ಪ್ರಧಾನಿ, ”ನಾನು ಭಾಷಣದ ಆರಂಭದಲ್ಲಿ ‘ಭಾರತ್ ಮಾತಾ ಕೀ ಜೈ’ ಎಂಬ ಪದ ಬಳಕೆ ವಿರುದ್ಧ ಕಾಂಗ್ರೆಸ್ ಫತ್ವಾ ಹೊರಡಿಸಿದೆ. ಈ ಆರೋಪವನ್ನು ಕಾಂಗ್ರೆಸ್ ನಿರಾಕರಿಸುತ್ತದೆಯೇ. ಈ ಬಗ್ಗೆ ಮಾತನಾಡಲು ಸಹ ಅವರಿಗೆ ನಾಚಿಕೆಯಾಗಬೇಕು. ಇದು ಭಾರತ ಮಾತೆ ಅಥವಾ ಮಾತೃಭೂಮಿ ಬಗ್ಗೆ ಅವರು ಹೊಂದಿರುವ ಗೌರವವನ್ನು ತೋರಿಸುತ್ತದೆ” ಎಂದು ಮೋದಿ ರಾಹುಲ್‌ ಗಾಂಧಿ ಟೀಕೆಗೆ ಟಾಂಗ್‌ ನೀಡಿದರು.

ರಾಹುಲ್‌ ಗಾಂಧಿ ಹೇಳಿದ್ದೇನು?
ಹಾಗಾದ್ರೆ, ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಹೇಳಿದ್ದೇನು ಅನ್ನುವುದನ್ನು ನೋಡುವುದಾದ್ರೆ, ” ಪ್ರಧಾನಿ ಮೋದಿ ಪ್ರತಿ ಭಾಷಣದ ಆರಂಭದಲ್ಲೂ ‘ಭಾರತ್ ಮಾತಾ ಕೀ ಜೈ’ ಎಂದು ಹೇಳುತ್ತಾರೆ. ಆದರೆ, ಇದರ ಬದಲು ಮೋದಿ, ಅನಿಲ್ ಅಂಬಾನಿ ಕೀ ಜೈ, ಮೆಹುಲ್ ಚೋಕ್ಸಿ ಕೀ ಜೈ, ನೀರವ್‌ ಮೋದಿ ಕೀ ಜೈ, ಲಲಿತ್‌ ಮೋದಿ ಕೀ ಜೈ ಎಂದು ಹೇಳಬೇಕು. ನೀವು ಭಾರತ ಮಾತೆಯ ಬಗ್ಗೆ ಮಾತನಾಡಬೇಕಾದರೆ ನಮ್ಮ ದೇಶದ ರೈತರನ್ನು ಹೇಗೆ ಮರೆಯುತ್ತೀರಿ” ಎಂದು ರಾಹುಲ್ ಗಾಂಧಿ ಮಂಗಳವಾರ ರಾಜಸ್ಥಾನದ ಅಲ್ವಾರ್‌ನಲ್ಲಿ ಪ್ರಧಾನಿಯನ್ನು ಪ್ರಶ್ನೆ ಮಾಡಿದ್ದರು.

Comments are closed.