ಹೊಸದಿಲ್ಲಿ: ಕೊಚ್ಚಿ ಏರ್ಪೋರ್ಟ್ನಿಂದ ಅಬುಧಾಬಿಗೆ ಪ್ರಯಾಣಿಸುವ ವಿಮಾನವೇರಲಿದ್ದ ಪ್ರಯಾಣಿಕನ ಹ್ಯಾಂಡ್ಬ್ಯಾಗ್ನಲ್ಲಿ ವಿಷಕಾರಿ ಹಾವೊಂದು ಪತ್ತೆಯಾಗಿ ಕ್ಷಣಕಾಲ ಆತಂಕ ಮೂಡಿಸಿದೆ.
ಭದ್ರತಾ ತಪಾಸಣೆ ನಡೆಸುತ್ತಿದ್ದ ಕೇಂದ್ರೀಯ ಉದ್ಯಮ ಭದ್ರತಾ ಪಡೆ(ಸಿಐಎಸ್ಎಫ್) ಎಕ್ಸ್ರೇ ಸ್ಕ್ಯಾನರ್ ಮೂಲಕ ಪ್ರಯಾಣಿಕನ ಹ್ಯಾಂಡ್ಬ್ಯಾಗ್ ಪರಿಶೀಲಿಸಿದಾಗ ಅದರಲ್ಲಿ ಸಣ್ಣದೊಂದು ಹಾವು ಪತ್ತೆಯಾಗಿದೆ.
ಆತ ಕೊಚ್ಚಿಯಿಂದ ಅಬುಧಾಬಿಗೆ ಏರ್ ಇಂಡಿಯಾ ಎಕ್ಸ್ಪ್ರೆಸ್ 419 ವಿಮಾನದ ಮೂಲಕ ಪ್ರಯಾಣಸುವವನಿದ್ದ. ಆದರೆ ಹಾವನ್ನು ಆತ ಉದ್ದೇಶಪೂರ್ವಕವಾಗಿ ಕೊಂಡೊಯ್ಯುತ್ತಿದ್ದನೇ ಅಥವಾ ಅದಾಗಿಯೇ ಬ್ಯಾಗಿನೊಳಗೆ ನುಸುಳಿತ್ತೇ ಎನ್ನುವ ಬಗ್ಗೆ ತನಿಖೆಯಿಂದ ಪತ್ತೆಯಾಗಲಿದೆ. ಪ್ರಯಾಣಿಕನನ್ನು ಆ ವಿಮಾನಕ್ಕೆ ಏರಲು ಬಿಡದೆ, ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ವಿಮಾನದ ಮೂಲಕ ಹಾವು, ಇತ್ಯಾದಿ ಸರೀಸೃಪ ಕೊಂಡೊಯ್ಯಲು ವನ್ಯಜೀವಿ ಕಾಯ್ದೆಯಡಿ ನಿಷೇಧವಿದೆ. ಜತೆಗೆ ನಾಗರಿಕ ವಿಮಾನಯಾನ ಭದ್ರತಾ ವ್ಯವಸ್ಥೆ ಕೂಡ ಅದಕ್ಕೆ ಅನುವು ಮಾಡಿಕೊಡುವುದಿಲ್ಲ. ಹೀಗಾಗಿ ಆತನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Comments are closed.