ಅನಾರೋಗ್ಯದಿಂದ ಮಹಿಳಾ ಕಾನ್ಸ್​ಟೇಬಲ್ ಸಾವು​; ಚಿಕಿತ್ಸೆಗೆ ರಜೆ ನೀಡದ ಎಸ್ಪಿಗೆ ಪೊಲೀಸರಿಂದ ಥಳಿತ

ಪಟ್ನಾ: ಶಾಂತಿ ಸುವ್ಯವಸ್ಥೆ ಕಾಪಾಡಬೇಕಾಗಿರುವ ಪೊಲೀಸ್ ಪೇದೆಗಳೆ ಇಲಾಖೆ ಅಧಿಕಾರಿಗಳ ವಿರುದ್ಧ ತಿರುಗಿಬಿದ್ದಿದ್ದು, ಕಾನೂನು ಕ್ರಮವನ್ನು ಮುರಿದಿರುವ ಘಟನೆ ಇಲ್ಲಿ ನಡೆದಿದೆ.

ಅನಾರೋಗ್ಯಕ್ಕೆ ಒಳಗಾದ ಮಹಿಳಾ ಪೊಲೀಸ್​ ಕಾನ್ಸ್​ಟೇಬಲ್​ಗೆ ರಜೆ ನೀಡದ ಹಿನ್ನಲೆ ಆಕೆ ಸಾವನ್ನಪ್ಪಿದ್ದು, ಇದಕ್ಕೆ ಹಿರಿಯ ಅಧಿಕಾರಿಗಳೇ ಕಾರಣ ಎಂದು ನೂರಾರು ಪೊಲೀಸ್​​ ಕಾನ್ಸ್​ಟೇಬಲ್​ಗಳು ಅವರ ಮೇಲೆ ಹಲ್ಲೆಗೆ ಮುಂದಾಗಿದ್ದಾರೆ.

ಮಹಿಳಾ ಕಾನ್ಸ್​ಟೇಬಲ್​ ಸಾವನ್ನಪ್ಪಿದರಿಂದ ರೊಚ್ಚಿಗೆದ್ದ ಪೊಲೀಸ್​ ಪೇದೆಗಳು ಅಧಿಕಾರಿಗಳ ದುರ್ವತನೆಯೇ ಇದಕ್ಕೆ ಕಾರಣ ಎಂದು ಎಸ್ಪಿ ಅಧಿಕಾರಿ ಕಚೇರಿಗೆ ನುಗ್ಗಿ ಹಲ್ಲೆ ನಡೆಸಿದ್ದಾರೆ ಪ್ರತಿಭಟನಾಕಾರ ಪೇದೆಗಳು ಎಸ್ಪಿ ಹಾಗೂ ಡಿವೈಎಸ್ಪಿಯನ್ನು ಅಟ್ಟಾಡಿಸಿ ಥಳಿಸಿದ್ದು, ಅವರಿಂದ ತಪ್ಪಿಸಿಕೊಳ್ಳಲು ಹರಸಾಹಸ ನಡೆಸಿದ್ದಾರೆ.

ಈ ಘಟನೆ ಬಿಹಾರ ಪೊಲೀಸ್​ ಇಲಾಖೆಗೆ ತೀವ್ರ ಮುಜುಗರವನ್ನು ಉಂಟು ಮಾಡಿದ್ದು, ಈ ಬಗ್ಗೆ ತನಿಖೆ ನಡೆಸುತ್ತೇವೆ. ಶಾಂತಿಯಿಂದ ವರ್ತಿಸುವಂತೆ ಪೇದೆಗಳಿಗೆ ಹಿರಿಯ ಪೊಲೀಸ್​ ಅಧಿಕಾರಿಗಳು ಮನವಿ ಮಾಡಿದ್ಧಾರೆ.