ನವದೆಹಲಿ: #MeToo ಅಭಿಯಾನದಲ್ಲಿ ಹಲವು ಮಹಿಳೆಯರಿಂದ ಬಿಜೆಪಿಯ ಎಮ್.ಜೆ. ಅಕ್ಬರ್ ವಿರುದ್ಧ ಆರೋಪಗಳು ಕೇಳಿ ಬಂದಿತ್ತಾದರೂ, ಆರೋಪಗಳನ್ನು ಸಚಿವ ಅಲ್ಲಗಳೆದಿದ್ದರು. ದೂರು ನೀಡಿದ ಪತ್ರಕರ್ತೆಯರು ಮತ್ತು ಇತರ ಮಹಿಳೆಯರ ವಿರುದ್ಧ ಕಾನೂನು ಸಮರವನ್ನೂ ಸಾರಿದ್ದರು.
ಆದರೆ ಕಡೆಗೂ #MeToo ಬಿರುಗಾಳಿಗೆ ತಲೆ ಬಾಗಿಸಿರುವ ಎಮ್.ಜೆ. ಅಕ್ಬರ್ ರಾಜೀನಾಮೆ ನೀಡಿದ್ದಾರೆ. ಮೂರು ದಿನಗಳ ಹಿಂದೆ ಅಕ್ಬರ್ ರಾಜೀನಾಮೆ ನೀಡಿದ್ದಾರೆ ಎಂಬ ಊಹಾಪೂಹಗಳು ಕೇಳಿ ಬಂದಿತ್ತು. ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರತಿಕ್ರಿಯಿಸಿದ್ದ ಎಮ್.ಜೆ. ಅಕ್ಬರ್ ರಾಜೀನಾಮೆ ನೀಡುವುದಿಲ್ಲ ಎಂದಿದ್ದರು. ಆದರೆ ಇದೀಗ ಅಧಿಕೃತವಾಗಿ ರಾಜೀನಾಮೆ ನೀಡಿದ್ದು ನ್ಯೂಸ್ 18ಗೆ ರಾಜೀನಾಮೆ ಪತ್ರದ ಪ್ರತಿ ಲಭ್ಯವಾಗಿದೆ.
ಎಮ್.ಜೆ. ಅಕ್ಬರ್ ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವರಾಗಿ ಕಾರ್ಯ ನಿರ್ವಹಿಸುತ್ತಿದ್ದರು.
Comments are closed.