ಗುವಾಹಟಿ: ಅಸ್ಸಾಂನಲ್ಲಿ ಇದೇ ಮೊದಲ ಬಾರಿಗೆ ತೃತೀಯ ಲಿಂಗಿಯೊಬ್ಬರನ್ನು ನ್ಯಾಯಾಧೀಶರನ್ನಾಗಿ ನೇಮಕ ಮಾಡಲಾಗಿದೆ. ಸ್ವಾತಿ ಬಿ ಬರುವಾ ಎಂಬ ತೃತೀಯ ಲಿಂಗಿಯೊಬ್ಬರು ಲೋಕ್ ಅದಾಲತ್ನ ನ್ಯಾಯಧೀಶರಾಗಿ ನೇಮಕವಾಗಿದ್ದಾರೆ.
ತೃತೀಯ ಲಿಂಗಿಯಾಗಿರುವ ಸ್ವಾತಿ ಅವರು ನ್ಯಾಯಾಧೀಶರ ಸ್ಥಾನಕ್ಕೇರಿದ ಅಸ್ಸಾಂನ ಮೊದಲ ಮತ್ತು ರಾಷ್ಟ್ರದ ಮೂರನೇಯವರು ಎನಿಸಿಕೊಂಡಿದ್ದಾರೆ.
ಇದಕ್ಕೂ ಮೊದಲು ಪಶ್ಚಿಮ ಬಂಗಾಳದಲ್ಲಿ ಜ್ಯೋತಿ ಮೋಂಡಲ್ ಎಂಬ ತೃತೀಯ ಲಿಂಗಿಯೊಬ್ಬರು ನ್ಯಾಯಾದೀಶ ಹುದ್ದೆ ಅಲಂಕರಿಸಿ, ರಾಷ್ಟ್ರದಲ್ಲೇ ಮೊದಲಿಗರೆನಿಸಿಕೊಂಡಿದ್ದರು. ನಂತರ, ವಿದ್ಯಾ ಕಾಂಬ್ಳೆ ಎಂಬುವವರು ಮಹಾರಾಷ್ಟ್ರದಲ್ಲಿ ಲೋಕ ಅದಾಲತ್ನ ಮೀಡಿಯೇಟ್ ನ್ಯಾಯದೀಶರಾಗಿ ನೇಮಕರಾಗಿದ್ದರು. ಇವರು ದೇಶದ ಎರಡನೇ ತೃತೀಯ ಲಿಂಗಿ ನ್ಯಾಯಾದೀಶರನಿಸಿಕೊಂಡಿದ್ದರು. ಈಗ ಸ್ವಾತಿ ಬಿ ಬರುವಾ ಅವರು ನ್ಯಾಯದೀಶ ಹುದ್ದೆಗೆ ನೇಮಕವಾಗಿದ್ದಾರೆ.
ಈ ಕುರಿತು ಮಾಧ್ಯಮಗಳೊಂದಿಗೆ ಮಾತನಾಡಿರುವ ಸ್ವಾತಿ ಬಿ ಬರುವಾ, ” ಈ ಹಂತಕ್ಕೆ ಬರಲು ತೃತೀಯ ಲಿಂಗಿಗಳಿಗೆ ಸಾಕಷ್ಟು ಎಡರು ತೊಡರುಗಳಿವೆ. ತಾರತಮ್ಯ ಮಾಡಲಾಗುತ್ತದೆ. ಸಮಾಜ ತೃತೀಯ ಲಿಂಗಿಗಳು ಒಪ್ಪಿಕೊಳ್ಳಲು ಇಂಥ ಘಟನೆಗಳು ಮೈಲುಗಲ್ಲಾಗಲಿವೆ,” ಎಂದು ಹೇಳಿದ್ದಾರೆ.
Comments are closed.