ಹೈದರಾಬಾದ್ : ಮೊಬೈಲ್ ಫೋನ್ ಬಳಕೆದಾರರೇ, ಎಚ್ಚರ ಎಚ್ಚರ. ಯಾಕಂದ್ರೆ ನಿಮ್ಮ ಮೊಬೈಲ್ ಫೋನ್ ನಿಮ್ಮ ಹೃದಯ ಬಡಿತದ ನಡುವಿನ ಅಂತರವನ್ನು ಪರಿಣಾಮಕಾರಿಯಾಗಿ ಬದಲಾಯಿಸಬಹುದು ಎಂದು ಸಂಶೋಧಕರ ತಂಡವೊಂದು ಇತ್ತೀಚಿನ ವಿಜ್ಞಾನ ಮ್ಯಾಗಜೀನ್‌ನಲ್ಲಿ ಶಾಕಿಂಗ್ ಮಾಹಿತಿ ನೀಡಿದೆ.
ಹೃದಯ ಬಡಿತ ಪ್ರಮಾಣದಲ್ಲಿನ ವ್ಯತ್ಯಾಸ ನಿಮ್ಮ ಎರಡು ಹೃದಯ ಬಡಿತದ ನಡುವಿನ ಮಾಪನವಾಗಿದೆ. ಇದು ಒಬ್ಬ ವ್ಯಕ್ತಿಯ ರಕ್ತನಾಳದ ಸ್ಥಿತಿಯನ್ನು ಅವಲಂಬಿಸಿರುತ್ತದೆ ಎಂದು ಹೈದರಾಬಾದ್‌ನ ಡೆಕ್ಕನ್ ಕಾಲೇಜ್ ಆಫ್‌ ಮೆಡಿಕಲ್ ಸೈನ್ಸಸ್ ಸಂಶೋಧಕರ ತಂಡ ಎಚ್ಚರಿಸಿದೆ.
ಮೂರು ವಿಧಗಳಲ್ಲಿ ಸಂಶೋಧನೆ ನಡೆಸಿದ ತಂಡ ಈ ನಿರ್ಧಾರಕ್ಕೆ ಬಂದಿದೆ. ಮೊಬೈಲ್ ಫೋನ್ ನಿಮ್ಮ ದೇಹಕ್ಕೆ ಹೆಚ್ಚು ಹತ್ತಿರವಿದ್ದಾಗ, ಇಯರ್ ಫೋನ್ ಬಳಕೆ ಮಾಡಿದಾಗ ಹಾಗೂ ಮೊಬೈಲ್ ಫೋನ್ ಬಳಕೆ ಮಾಡದೆ ಇದ್ದಾಗ ಎಂಬ ಮೂರು ವಿಧಗಳಲ್ಲಿ ಈ ಸಂಶೋಧನೆಯನ್ನು ನಡೆಸಲಾಗಿದೆ. ಈ ಪೈಕಿ, ಮೊಬೈಲ್ ಫೋನ್ ನಿಮ್ಮ ದೇಹದ ಹತ್ತಿರವಿದ್ದಷ್ಟೂ ಹೃದಯದ ಬಡಿತದ ನಡುವೆ ವ್ಯತ್ಯಾಸ ಹೆಚ್ಚಾಗಿರುತ್ತೆ ಅಂತ ಡೆಕ್ಕನ್ ಕಾಲೇಜ್ ಆಫ್‌ ಮೆಡಿಕಲ್ ಸೈನ್ಸಸ್ ತಂಡ ಮಾಹಿತಿ ನೀಡಿದೆ.
ಹೀಗಾಗಿ ಮೊಬೈಲ್ ಫೋನ್ ಬಳಕೆದಾರರು ಆದಷ್ಟು ಇಯರ್ ಫೋನ್‌ಗಳನ್ನು ಬಳಕೆ ಮಾಡಿದರೆ ಹೃದಯಕ್ಕಾಗುವ ತೊಂದರೆಯ ಪ್ರಮಾಣವನ್ನು ಕಡಿತಗೊಳಿಸಬಹುದು. ಹಾಗೂ ದಿನನಿತ್ಯ ಮೊಬೈಲ್ ಫೋನ್ ಬಳಕೆ ಮಾಡುವುದನ್ನು ಜನತೆ ಕಡಿಮೆ ಮಾಡಬೇಕು ಅಂತ ಹೈದರಾಬಾದ್ ಸಂಶೋಧಕರ ತಂಡವು ಸಲಹೆ ನೀಡಿದೆ.
Comments are closed.