ಮಾನಸಿಕ ಅಸ್ವಸ್ಥ ಅಪ್ಪನನ್ನು ಕಟ್ಟಿಹಾಕಿ ಥಳಿಸಿದ ಪಾಪಿ ಮಕ್ಕಳು: ವೀಡಿಯೋ ವೈರಲ್‌

ಕುಶಿನಗರ(ಉ.ಪ್ರ): ಮಾನಸಿಕ ಅಸ್ವಸ್ಥ ಅಪ್ಪನ ಕೈಗಳನ್ನು ಕಟ್ಟಿ ಹಾಕಿ ಪಾಪಿ ಮಕ್ಕಳಿಬ್ಬರು ಹಿಗ್ಗಾಮುಗ್ಗ ಹೊಡೆಯುತ್ತಿರುವ ದೃಶ್ಯ ವೈರಲ್ ಆಗಿದೆ.

ನುರೂಲ್‌ ಎಂಬ ವ್ಯಕ್ತಿಯ ಮಾನಸಿಕ ಆರೋಗ್ಯ ಕೆಲವು ವರ್ಷಗಳ ಹಿಂದೆ ಹಾಳಾಗುತ್ತದೆ. ಈತ ಮಾನಸಿಕ ಅಸ್ವಸ್ಥನಾದ ಬಳಿಕ ಮಕ್ಕಳಾದ ಮೋನು ಹಾಗೂ ರಹೀಂ ಆತನನ್ನು ನಾಲ್ಕು ವರ್ಷಗಳ ಹಿಂದೆ ಮನೆಯಿಂದ ಹೊರಹಾಕುತ್ತಾರೆ. ಆದರೂ ಆತ ಮನೆಗೆ ಬರ್ತಾ ಇರುವುದು, ಮಕ್ಕಳು ಆತನನ್ನು ಜತೆಯಲ್ಲಿ ಇರಿಸಿಕೊಳ್ಳದೆ ನೂಕಿ ಕಳುಹಿಸುವುದು ನಡೆಯುತ್ತಾ ಇತ್ತು.

ಸೋಮವಾರ ಕೂಡ ಹೀಗೆ ಮನೆಗೆ ಬಂದ ತಂದೆಯನ್ನು ಮಕ್ಕಳು ಓಡಿಸಿದಾಗ ಆತ ಮಗನ ಕಡೆಗೆ ಇಟ್ಟಿಗೆ ತೂರುತ್ತಾನೆ. ಇದರಿಂದ ರೊಚ್ಚಿಗೆದ್ದ ಮೋನು ಹಾಗೂ ರಹೀಂ ತಂದೆಯ ಕೈಗಳನ್ನು ಕಟ್ಟಿ ಹಾಕಿ ಸ್ವಲ್ಪವೂ ಮಾನವೀಯತೆ ಇಲ್ಲದೆ ಥಳಿಸಿದ್ದಾರೆ. ಇದನ್ನು ನೋಡುತ್ತಿದ್ದ ನೆರೆಮನೆಯವರು ಯಾರೂ ಆ ತಂದೆಯ ಸಹಾಯಕ್ಕೆ ಬರಲಿಲ್ಲ. ಕೊನೆಗೆ ಪೊಲೀಸ್‌ ಬಂದು ಮಕ್ಕಳನ್ನು ಬಂಧಿಸಿ ಕರೆದುಕೊಂಡು ಹೋಗಿ, ನಂತರ ಹಾಗೇ ಬಿಟ್ಟು ಬಿಡುತ್ತಾರೆ. ಆದರೆ ಈ ಘಟನೆ ಕುರಿತು ಇದುವರೆಗೆ ಯಾವುದೇ ದೂರು ದಾಖಲಾಗಿಲ್ಲ.