ಖ್ಯಾತ ಸೂಪರ್ ಮಾಡೆಲ್ ಮಿಲಿಂದ್ ಸೋಮನ್ 54ರ ವಯಸ್ಸಿನಲ್ಲಿ ದಾಂಪತ್ಯ ಜೀವನಕ್ಕೆ ಅಡಿಯಿಡುತ್ತಿದ್ದಾರೆ. ತನ್ನ ಬಹುಕಾಲದ ಗೆಳತಿ ಗಗನಸಖಿ ಅಂಕಿತಾ ಕೊನ್ವಾರ್ ಕೈಹಿಡಿಯುತ್ತಿದ್ದಾರೆ ಮಿಲಿಂದ್. ಇವರಿಬ್ಬರ ಮದುವೆ ಇಂದು (ಏ.21) ನಡೆಯಲಿದೆ ಎಂಬ ಸುದ್ದಿ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ.
ಮಹಾರಾಷ್ಟ್ರದ ಅಲಿಬಾಗ್‌ನಲ್ಲಿ ಇವರ ಮದುವೆ ಸಿದ್ಧತೆಗಳು ನಡೆಯುತ್ತಿದ್ದು, ಅದಕ್ಕೆ ಸಂಬಂಧಿಸಿದ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಗಿರಕಿಹೊಡೆಯುತ್ತಿವೆ. ಅಂಕಿತಾ ಮದುಮಗಳಂತೆ ಸಿಂಗರಿಸಿಕೊಂಡಿದ್ದು ಕೈಗೆ ಮೆಹಂದಿ, ಕೊರಳಿಗೆ ಹಾರ ಹಾಕಿಕೊಂಡಿರುವ ಫೋಟೋಗಳು ರಿಲೀಸ್ ಆಗಿವೆ.
ಮದುಮಗನದ ಮಿಲಿಂದ್
ಮಿಲಿಂದ್ ಮತ್ತು ಅಂಕಿತ್ ಅವರ ಸಂಬಂಧಿಗಳು ಈ ಮದುವೆಗೆ ಆಗಮಿಸಿದ್ದಾರೆ. ಆದರೆ ಈ ಮದುವೆಗೆ ಸಂಬಂಧಿಸಿದಂತೆ ಅತ್ತ ಮಿಲಿಂದ್ ಆಗಲಿ ಇತ್ತ ಅಂಕಿತಾ ಆಗಲಿ ಅಧಿಕೃತವಾಗಿ ತಿಳಿಸಿಲ್ಲ. ಏನೇ ಆಗಲಿ ತಮ್ಮ ಫಿಟ್‍ನೆಸ್ ಮೂಲಕ 50ರಲ್ಲೂ ಹಲವಾರು ಹೆಂಗೆಳೆಯರನ್ನು ಸೆಳೆದಂತಹ ಖ್ಯಾತಿ ಮಿಲಿಂದ್ ಸೋಮನ್‍ರದು.
ತಮ್ಮ ಸಾಲ್ಟ್ ಆ್ಯಂಡ್ ಪೆಪ್ಪರ್ ಲುಕ್, ನೀಳಕಾಯ ಮತ್ತು ಸೆಕ್ಸಿ ಅಪೀಲ್‌ನಿಂದ ಭಾರತಾದ್ಯಂತ ಮನೆ ಮಾತಾದವರು. ರನ್ನಿಂಗ್‌ನಲ್ಲಿ ಇವರು ನಂಬರ್‌ವನ್. ಐರನ್ ಮ್ಯಾನ್ ಮತ್ತು ಅಲ್ಟ್ರಾಮ್ಯಾನ್ ನಂತಹ ಜಗತ್ತಿನ ಪ್ರತಿಷ್ಠಿತ ಮ್ಯಾರಥಾನ್ ಮತ್ತು ಟ್ರೆಥ್ಲಾನ್‌ಗಳನ್ನು ಯಶಸ್ವಿಯಾಗಿ ಪೂರೈಸಿದ್ದಾರೆ. 51 ವರ್ಷದ ಇವರು ಈಗಲೂ ಹದಿಹರೆಯದ ಯುವಕರಂತೆ ವಿವಿಧ ಕ್ಷೇತ್ರಗಳಲ್ಲಿ ಸಕ್ರಿಯರಾಗಿದ್ದಾರೆ.
Comments are closed.