ವೃದ್ಧ ಸೇರಿ ಆರು ಮಂದಿಯಿಂದ ಅತ್ಯಾಚಾರ: ಬಾಲಕಿ ಗರ್ಭಿಣಿ

ಭೋಪಾಲ್‌: ಎಂಬತ್ತು ವರ್ಷದ ವೃದ್ಧ ಸೇರಿ ಆರು ಮಂದಿ ಅಪ್ರಾಪ್ತ ವಯಸ್ಕ ಬಾಲಕಿ ಮೇಲೆ ಆರು ತಿಂಗಳಿಂದ ಅತ್ಯಾಚಾರ ನಡೆಸುತ್ತಿರುವುದು ಬಹಿರಂಗಗೊಂಡಿದೆ.

ಬಾಲಕಿ ಗರ್ಭಿಣಿಯಾದ ಬಳಿಕ ಪೋಷಕರಿಗೆ ತಿಳಿದು ವಿಷಯ ಬಹಿರಂಗಗೊಂಡಿದೆ. ಪೋಷಕರು ನೀಡಿದ ದೂರು ಆಧರಿಸಿ ಐವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಆರೋಪಿ ವೃದ್ಧನನ್ನು ಸುಖ್‌ದೇವ್‌ ತಿವಾರಿ ಎಂದು ಗುರುತಿಸಲಾಗಿದ್ದು,ಆತ ತಲೆ ಮರೆಸಿಕೊಂಡಿದ್ದಾನೆ. ಮತ್ತೊಬ್ಬ ಆರೋಪಿ ರಜಕ್‌ ವಿಷಯವನ್ನು ಯಾರಿಗಾದರೂ ತಿಳಿಸಿದರೆ ಕುಟುಂಬಕ್ಕೆ ಬಹಿಷ್ಕಾರ ಹಾಕಲಾಗುತ್ತದೆ ಎಂದು ಬಾಲಕಿಯನ್ನು ಹೆದರಿಸಿದ್ದ. ಇದನ್ನು ತಿಳಿದು ವಚನ್‌ ರಜಕ್‌ ಎಂಬಾತನೂ ಅತ್ಯಾಚಾರ ನಡೆಸುತ್ತಿದ್ದ. ತನ್ನ ಜತೆ ಸಹಕರಿಸಿದಿದ್ದರೆ ಅತ್ಯಾಚಾರ ಸಂತ್ರಸ್ತೆ ಎಂಬುದನ್ನು ಎಲ್ಲರಿಗೂ ತಿಳಿಸುವುದಾಗಿ ಆತ ಬಾಲಕಿಗೆ ಬೆದರಿಸುತ್ತಿದ್ದ. ಸೋನು ರಜಕ್‌, ರಾಜ್‌ಕುಮಾರ್‌ ರಜಕ್‌, ರವಿ ರಜಕ್‌ ಎಂಬ ಇತರ ಆರೋಪಿಗಳೂ ಕೂಡ ಅದೇ ರೀತಿ ಮಾಡುತ್ತ ಬಂದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಐವರು ಆರೋಪಿಗಳು ಈಗ ಜೈಲು ಸೇರಿದ್ದಾರೆ.