ಹೊಸದಿಲ್ಲಿ: ರಾಷ್ಟ್ರೀಯ ಹೈವೇಗಳ ಮೇಲೆ ದನಗಳ ಓಡಾಟ ಮಾಮೂಲಿ ಆದರೆ ಇತ್ತೀಚೆಗೆ ಈ ಪ್ರಾಣಿಗಳು ಹುಲ್ಲು ಹುಡುಕುತ್ತಾ ವಿಮಾನ ನಿಲ್ದಾಣದ ರನ್ವೇ ಬಳಿ ಪಯಣ ಬೆಳೆಸಿವೆ.
ಮಂಗಳವಾರ ಮುಂಜಾನೆ ಅಹಮದಾಬಾದ್ನ ವಿಮಾನ ನಿಲ್ದಾಣದ ರನ್ವೇ ಮೇಲೇ ದನಗಳು ಓಡಾಟ ನಡೆಸಿದ್ದು ಪರಿಣಾಮ ಕನಿಷ್ಠ ಎರಡು ವಿಮಾನಗಳು ಲ್ಯಾಂಡ್ ಆಗದೇ ಬೇರೆ ನಿಲ್ದಾಣ ಹುಡುಕಿಕೊಂಡ ಘಟನೆ ವರದಿಯಾಗಿದೆ.
ಅಹಮದಾಬಾದ್ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಗಬೇಕಿದ್ದ ಗಲ್ಫ್ ಹಾಗೂ ಕಾರ್ಗೋ ವಿಮಾನ ದನದ ಕಾಟದಿಂದಾಗಿ ಮುಂಬಯಿಯಲ್ಲಿ ಲ್ಯಾಂಡ್ ಆಗಿರುವುದನ್ನು ವಿಮಾನ ನಿಲ್ದಾಣದ ಅಧಿಕಾರಿ ಗುರುಪ್ರಸಾದ್ ಮೊಹಪಾತ್ರ ಖಚಿತ ಪಡಿಸಿದ್ದು ಕೂಡಲೇ ಈ ದನವನ್ನು ಹಿಡಿಯಲಾಗಿದೆ ಎಂದು ಹೇಳಿದ್ದಾರೆ.
ಈಗಾಗಲೇ ಅತಿ ಹೆಚ್ಚು ಹಕ್ಕಿ ಡಿಕ್ಕಿ ಪ್ರಕರಣ ದಾಖಲಾದ ವಿಮಾನ ನಿಲ್ದಾಣವೆಂಬ ಕುಖ್ಯಾತಿಗೆ ಒಳಪಟ್ಟಿರುವ ಅಹಮದಾಬಾದ್ ನಿಲ್ದಾಣದಲ್ಲಿ ಇದೀಗ ಹೊಸ ಸಮಸ್ಯೆ ಎದುರಾಗಿದೆ.
Comments are closed.