ಫರೂಖಾಬಾದ್: ಮಹಿಳೆಯರ ಮೇಲೆ ಹಲ್ಲೆ ದೌರ್ಜನ್ಯದಂತಹ ಪ್ರಕರಣಗಳಿಂದ ರೋಸಿ ಹೋಗಿದ್ದ ಉತ್ತರ ಪ್ರದೇಶದ ಫರೂಖಾಬಾದ್ನ ಗ್ರಾಮೀಣ ಭಾಗದ ಯುವತಿಯೊಬ್ಬಳು ‘ಅತ್ಯಾಚಾರ ನಿರೋಧಕ ಒಳ ಉಡುಪನ್ನು’ ಶೋಧಿಸಿದ್ದಾಳೆ.
ಸೀನು ಕುಮಾರಿ ಎಂಬ ಪ್ರತಿಭೆ ಸುಮಾರು 4,000 ರೂ. ಖರ್ಚು ಮಾಡಿ ಪಿಂಕ್ ಬಣ್ಣದ ಒಳ ಉಡುಪನ್ನು ಸಿದ್ಧ ಪಡಿಸಿದ್ದು ಜಿಪಿಎಸ್ ತಂತ್ರಜ್ಞಾನ ಸೇರಿದಂತೆ ಹಲವಾರು ಉನ್ನತ ಗುಣಮಟ್ಟದ ತಾಂತ್ರಿಕ ವ್ಯವಸ್ಥೆಯಿಂದ ಈ ಉಡುಪನ್ನು ಅಭಿವೃದ್ಧಿ ಪಡಿಸಿದ್ದಾಳೆ.
ಡೈಲಿಮೇಲ್ ವರದಿ ಪ್ರಕಾರ ಈ ಉಡುಪು ಬುಲೆಟ್ ಪ್ರೂಫ್ ಆಗಿದ್ದು, ಚಾಕುವಿನಿಂದ ಕತ್ತರಿಸಿದರೂ ತುಂಡಾಗದು. ಇದಕ್ಕೆ ಒಂದು ಲಾಕ್, ಜಿಪಿಎಸ್ ಎಚ್ಚರಿಕೆ ವ್ಯವಸ್ಥೆ ಹಾಗೂ ವಿಡಿಯೋ ಕ್ಯಾಮರಾ ಅಳವಡಿಸಲಾಗಿದೆ. ವಿಡಿಯೋ ಕ್ಯಾಮರಾದಲ್ಲಿ ಅತ್ಯಾಚಾರಿಯ ಮುಖ ರೆಕಾರ್ಡ್ ಆಗುತ್ತದೆ. ಯಾರಾದರೂ ಅತ್ಯಾಚಾರ ಎಸಗಲು ಬಂದರೆ ಜಿಪಿಎಸ್ ಎಚ್ಚರಿಕೆ ವ್ಯವಸ್ಥೆ ಪೊಲೀಸರಿಗೆ ಸಂದೇಶ ರವಾನಿಸುತ್ತದೆ. ಇದಕ್ಕೆ ಲಾಕ್ ವ್ಯವಸ್ಥೆ ಇದೆ. ಇದು ಪಾಸ್ವರ್ಡ್ ಹಾಕಿದರೆ ಮಾತ್ರ ಓಪನ್ ಆಗುತ್ತದೆ.
‘ನಾನು ಇದಕ್ಕೆ ಲಾಕ್ ವ್ಯವಸ್ಥೆ ಮಾಡಿದ್ದು, ಹೀಗಾಗಿ ಇದನ್ನು ಸುಲಭವಾಗಿ ಕಳಚಲು ಆಗದು. ಯಾರಾದರೂ ಕಾಮುಕರು ಮಹಿಳೆಯೊಬ್ಬಳನ್ನು ಚುಡಾಯಿಸಲು ಯತ್ನಿಸಿದರೆ ಇದರ ಮೂಲಕ ಪೊಲೀಸರಿಗೆ ಮೆಸೇಜ್ ಕೂಡಾ ತಲುಪಿಸಬಹುದು. ಜಿಪಿಎಸ್ ಸಾಧನದ ಸ್ಥಳವನ್ನು ಗಮನಿಸಿ ಪೊಲೀಸರಿಗೆ ಘಟನಾ ಸ್ಥಳ ತಲುಪಲು ಸಹಾಯವಾಗುತ್ತದೆ ‘ಎಂದು ಸೀನು ಕುಮಾರಿ ಹೇಳಿಕೊಂಡಿದ್ದಾಳೆ.
Comments are closed.