ಹೊಸದಿಲ್ಲಿ: ಜೀನ್ಸ್‌ ಧರಿಸುವ ಆಧುನಿಕ ಟ್ರೆಂಡ್‌ ಅನುಸರಿಸುವ ಹುಡುಗಿಯನ್ನು ವಿವಾಹವಾಗಲು ಎಷ್ಟು ಯುವಕರು ಸಿದ್ಧರಿದ್ದಾರೆ ಎಂದು ಪ್ರಶ್ನಿಸುವ ಮೂಲಕ ಕೇಂದ್ರ ಸಚಿವ ಸತ್ಯಪಾಲ್‌ ಸಿಂಗ್‌ ಸೋಮವಾರ ವಿವಾದಕ್ಕೆ ಕಾರಣವಾಗಿದ್ದಾರೆ.
ಉತ್ತರಪ್ರದೇಶದ ಗೋರಖ್‌ಪುರದಲ್ಲಿ ವಿದ್ಯಾರ್ಥಿ ಸಮಾವೇಶವ ಉದ್ದೇಶಿಸಿ ಮಾತನಾಡಿದ ಸಿಂಗ್‌, ”ಯಾವುದಾದರೂ ವ್ಯಕ್ತಿ ತಾನು ಜೀನ್ಸ್‌ ಧರಿಸಿ ದೇಗುಲದಲ್ಲಿ ಪೂಜಾರಿಯಾದಲ್ಲಿ ಜನರಿಗೆ ಇಷ್ಟವಾಗುತ್ತದೆಯೇ? ಅಥವಾ ಹುಡುಗಿಯೊಬ್ಬಳು ತಾನು ಜೀನ್ಸ್‌ ಧರಿಸಿಯೇ ವಿವಾಹವಾಗುತ್ತೇನೆ ಎಂದರೆ ಎಷ್ಟು ಯುವಕರು ಆಕೆಯನ್ನು ವಿವಾಹವಾಗಲು ಮುಂದೆ ಬರುತ್ತಾರೆ?,” ಎಂದು ಪ್ರಶ್ನಿಸಿದ್ದಾರೆ.
ಆಧುನಿಕ ಟ್ರಂಡ್‌ ಬೆನ್ನು ಹತ್ತಿ ನಮ್ಮ ಸಂಸ್ಕೃತಿ, ಸಂಪ್ರದಾಯ ಮರೆಯುವುದು ಸರಿಯಲ್ಲ ಎನ್ನುವ ಬುದ್ಧಿವಾದ ಸಚಿವರಿಂದ ವ್ಯಕ್ತವಾಗಿದೆ.
Comments are closed.