ಹೊಸದಿಲ್ಲಿ: ವಿದ್ಯುತ್ ಉಳಿತಾಯ ಮಾಡುವುದರ ಜತೆಗೆ ಪರಿಸರಕ್ಕೂ ಒಳಿತು ಮಾಡುವ ಎಲ್ಇಡಿ ಬಲ್ಬ್ಗಳನ್ನು ಬಳಸಲು ಬಹಳಷ್ಟು ಮಂದಿ ಆಸಕ್ತಿ ತೋರುತ್ತಾರೆ. ಆದರೆ ಮಾರುಕಟ್ಟೆ ಸಂಶೋಧನಾ ಸಂಸ್ಥೆ ನೀಲ್ಸನ್ ನಡೆಸಿದ ಸಮೀಕ್ಷೆಯಲ್ಲಿ ಶೇ.75ರಷ್ಟು ಎಲ್ಇಡಿ ಬಲ್ಬ್ಗಳು ಬಳಕೆದಾರರ ಸುರಕ್ಷತಾ ಮಾನದಂಡಗಳಿಗೆ ತಕ್ಕಂತೆ ಇಲ್ಲ ಎಂಬುದು ಸಾಬೀತಾಗಿದೆ.
ಜುಲೈನಲ್ಲಿ ಮುಂಬೈ, ಹೈದರಾಬಾದ್, ಅಹಮದಾಬಾದ್, ಹೊಸದಿಲ್ಲಿಯ 200 ರೀಟೇಲ್ ಮಳಿಗೆಗಳಲ್ಲಿ ನಡೆಸಿದ ಅಧ್ಯಯದಲ್ಲಿ ಎಲ್ಇಡಿ ಉತ್ಪನ್ನಗಳು ಅಪಾಯಕಾರಿ ಎಂದೂ, ಅತ್ಯಂತ ಹಾನಿಯಿಂದ ಕೂಡಿವೆ ಎಂಬುದು ಬಹಿರಂಗವಾಗಿದೆ. ದೇಶದ ರಾಜಧಾನಿ ಹೊಸದಿಲ್ಲಿಯಲ್ಲೇ ಸುರಕ್ಷತಾ ಮಾನದಂಡಗಳು ಗಾಳಿಗೆ ತೂರಲಾಗಿದೆ ಎಂಬುದನ್ನು ಸಮೀಕ್ಷೆ ಹೊರಗೆಡವಿದೆ.
ನಾನ್ ಬ್ರಾಂಡೆಡ್ ಎಲ್ಇಡಿ ಉತ್ಪನ್ನಗಳು ಇನ್ನಷ್ಟು ಅಪಾಯಾಕಾರಿ ಎಂಬುದು ಸಮೀಕ್ಷೆಯಲ್ಲಿ ಬಯಲಾಗಿದೆ. ಇನ್ನು ಇಲ್ಇಡಿ ಬಲ್ಬ್ ಬ್ರಾಂಡ್ಗಳಲ್ಲಿ ಶೇ.48ರಷ್ಟು ತಯಾರಕರು ವಿಳಾಸವನ್ನೇ ನೀಡಿಲ್ಲ. ಶೇ.31ರಷ್ಟು ತಯಾರಿದಾರರು ಹೆಸರು ಪ್ರಸ್ತಾಪಿಸುತ್ತಿಲ್ಲ ಎಂದು ಈ ಸಮೀಕ್ಷೆಯಲ್ಲಿ ದೃಢಪಟ್ಟಿದೆ.
ಎಲ್ಇಡಿ ಉತ್ಪನ್ನಗಳ ಕ್ಷೇತ್ರದಲ್ಲಿ ಅತ್ಯಂತ ಕಡಿಮೆ ಗುಣಮಟ್ಟದಿಂದ ತಯಾರಾದ ಚೀನಾ ಬಲ್ಬ್ಗಳು ದಾಂಗುಡಿ ಇಡುತ್ತಿರುವ ಹಿನ್ನೆಲೆಯಲ್ಲಿ, ಎಲ್ಇಡಿ ತಯಾರಕರು ಸುರಕ್ಷತಾ ಮಾನದಂಡಗಳಿಗೆ ತಕ್ಕಂತೆ ಅವನ್ನು ತಯಾರಿಸಲು ಉತ್ಪನ್ನಗಳಿಗೆ ಬ್ಯೂರೋ ಆಫ್ ಇಂಡಿಯನ್ ಸ್ಟಾಂಡರ್ಡ್ಸ್ (ಬಿಐಎಸ್) ನೋಂದಣಿ ಮಾಡಿಕೊಳ್ಳಬೇಕೆಂದು ಈ ವರ್ಷದ ಆಗಸ್ಟ್ ತಿಂಗಳಲ್ಲಿ ಸೂಚಿಸಲಾಗಿತ್ತು.
ಚೀನಾದಿಂದ ಆಮದಾಗುತ್ತಿರುವ ಕಡಿಮೆ ಬೆಲೆಯ ವಸ್ತುಗಳಿಗೆ ಬ್ರೇಕ್ ಹಾಕಲು ಭಾರತ ಕಠಿಣ ಮಾನದಂಡಗಳನ್ನು ಅನುಸರಿಸುತ್ತಿದೆ. ಮಾರುಕಟ್ಟೆಯನ್ನು ಆಕ್ರಮಿಸುತ್ತಿರುವ ಚೀನಾ ವಸ್ತುಗಳಿಂದ ತೆರಿಗೆ ಆದಾಯ ಕಡಿಮೆಯಾಗುವುದರ ಜತೆಗೆ ಬಂಡವಾಳ ಉದ್ದೇಶಗಳಿಗೂ ಹೊಡೆತ ಬಿದ್ದಿದ್ದು, ಸುಲಭ ಮಾರುಕಟ್ಟೆ ವಿಧಾನವನ್ನು ಗಾಳಿಗೆ ತೂರಿತ್ತಿದೆ ಎಂದು ಸಮೀಕ್ಷೆ ತಿಳಿಸಿದೆ.
Comments are closed.