ಮುಂಬೈ: ಪ್ರತ್ಯುಷಾ ಆತ್ಮಹತ್ಯೆ ಪ್ರಕರಣದಲ್ಲಿ ಮಾಜಿ ಬಿಗ್ ಬಾಸ್ ಸ್ಪರ್ಧಿ ಡೋಲಿ ಬಿಂದ್ರಾ ಪ್ರಚಾರ ಪಡೆದ ಬೆನ್ನಲೇ ಇದೀಗ ಬಾಲಿವುಡ್ನ ಕಾಂಟ್ರವರ್ಷಿಯಲ್ ಕ್ವೀನ್ ಎಂದೇ ಹೆಸರಾದ ರಾಕಿ ಸಾವಂತ್ ಬಿಟ್ಟಿ ಪ್ರಚಾರ ಪಡೆಯಲು ಮುಂದಾಗಿದ್ದಾರೆ.
ಹೌದು, ಪ್ರತ್ಯುಷಾ ಆತ್ಮಹತ್ಯೆ ಪ್ರಕರಣ ವಿಚಾರವಾಗಿ ರಾಕಿ ಓಷಿವಾರ ಪೊಲೀಸ್ ಠಾಣೆಯ ಹೊರೆಗೆ ಪತ್ರಿಕಾ ಗೋಷ್ಠಿಯನ್ನು ಕರೆದು ಮಾತನಾಡಿದರು. ಈ ಸಂದರ್ಭದಲ್ಲಿ ಎರಡು ವಿಚಾರವನ್ನು ಹೊರಹಾಕಿದರು. ಮೊದಲನೆಯದಾಗಿ ಪ್ರತ್ಯುಷಾ ಬ್ಯಾನರ್ಜಿ ಸಾವಿನ ಕುರಿತು ಪ್ರತಿಕ್ರಿಯಿಸಿ, ಪ್ರತ್ಯುಷಾ ಆತ್ಮ ಸ್ಥೈರ್ಯ ಕಳೆದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿಲ್ಲ. ಈ ಪ್ರಕರಣದಲ್ಲಿ ಲಭ್ಯವಿರುವ ವಿಡಿಯೋ ಸಹ ಇದನ್ನೆ ಹೇಳುತ್ತದೆ. ಎರಡನೆಯದಾಗಿ ದೇಶದಲ್ಲಿ ನಡೆಯುತ್ತಿರುವ ಬಹುತೇಕ ಆತ್ಮಹತ್ಯೆಗಳಿಗೆ ಮನೆಯಲ್ಲಿನ ಸೀಲಿಂಗ್ ಫ್ಯಾನ್ಗಳೇ ನೆರವಾಗುತ್ತಿವೆ. ಆದ್ದರಿಂದ ಪ್ರಧಾನ ಮಂತ್ರಿಗಳು ಈ ಕೂಡಲೇ ಸೀಲಿಂಗ್ ಫ್ಯಾನ್ ನಿಷೇಧ ಮಾಡಬೇಕೆಂದು ಆಗ್ರಹಿಸಿದರು.
ಸೀಲಿಂಗ್ ಫ್ಯಾನ್ಗೆ ಪರ್ಯಾಯವಾಗಿ ಎಸಿ ಹಾಗು ಟೇಬಲ್ ಫ್ಯಾನ್ಗಳನ್ನು ಬಳಸಬಹುದಾಗಿದೆ ಎಂದು ಸಲಹೆ ನೀಡಿದ್ದಾರೆ. ಅಷ್ಟೇ ಅಲ್ಲದೆ ಸ್ಲಂಗಳಿಗೆ ತೆರಳಿ 5,000 ಟೇಬಲ್ ಪ್ಯಾನ್ಗಳನ್ನು ಉಚಿತವಾಗಿ ವಿತರಿಸುವುದಾಗಿ ತಿಳಿಸಿದ್ದಾರೆ. ಉದ್ಯಮಿಗಳು ಹಾಗೂ ಸರ್ಕಾರ ಬಡ ಜನತೆಗೆ ಏನು ನೀಡಿವೆ ಎಂದು ಪ್ರಶ್ನಿಸಿದ್ದಾರೆ.
ಈ ಸಂದರ್ಭದಲ್ಲಿ ಪತ್ರಕರ್ತರೊಬ್ಬರು ಇಪ್ಪತ್ತು ವರ್ಷದ ಹಿಂದೆ ಬಿಲ್ಡಿಂಗ್ ಮೇಲಿಂದ ಬಿದ್ದು ಸಾವನ್ನಪ್ಪಿದ ದಿವ್ಯಾ ಭಾರತಿ ಪ್ರಕರಣ ನೆನಪಿಸಿ, ಅವರು ಕಟ್ಟಡದ ಮೇಲಿಂದ ಹಾರಿ ಸಾವನ್ನಪ್ಪಿದ್ದರಿಂದ ಎಲ್ಲಾ ಕಟ್ಟಡಗಳನ್ನು ಬ್ಯಾನ್ ಮಾಡ್ಬೇಕಾ ಎಂದು ಪ್ರಶ್ನಿಸಿದ್ದಾರೆ. ಈ ಪ್ರಶ್ನೆಗೆ ಕೋಪಗೊಂಡ ರಾಕಿ ಸಾವಿನ ವಿಚಾರದಲ್ಲಿ ಹಾಸ್ಯ ಮಾಡಬೇಡಿ ಎಂದು ನುಡಿದ್ದಾರೆ.
