ಲಂಡನ್: ನೇತಾಜಿ ಸುಭಾಷ್ ಚಂದ್ರ ಬೋಸ್ 1945ರಲ್ಲಿ ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿದ್ದು, ಅವರ ಅಂತ್ಯಕ್ರಿಯೆಯನ್ನು ಸ್ವತಃ ತಾವೇ ಮಾಡಿರುವುದಾಗಿ ತೈವಾನ್ನ ಅಧಿಕಾರಿ ನೀಡಿರುವ ವಿವರಗಳನ್ನು www.bosefile.info ವೆಬ್ ತಾಣವು ಬಿಡುಗಡೆ ಮಾಡಿದೆ.
ತೈವಾನ್ ಅಧಿಕಾರಿ ಬಹಿರಂಗಗೊಳಿಸಿದ ಮಾಹಿತಿಗಳು ಬ್ರಿಟನ್ನ ವಿದೇಶಿ ಕಾರ್ಯಾಲಯದಲ್ಲಿನ 1956ರಷ್ಟು ಹಳೆಯದಾದ ಫೈಲ್ ನಂ ಎಫ್ಸಿ 1852/6ನಲ್ಲಿ ಇವೆ. 1945 ಅಗಸ್ಟ್ 8ರಂದು ನೇತಾಜಿ ತೈಪೆ ವಾಯುನೆಲೆಯ ಹೊರವಲಯದಲ್ಲಿ ಸಂಭವಿಸಿದ ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ. ಭಾರತದಿಂದ ಬಂದ ಇಬ್ಬರು ತನಿಖಾಧಿಕಾರಿಗಳು ಈ ಬಗ್ಗೆ ತನಿಖೆ ನಡೆಸಿ ಮಾಹಿತಿ ಪಡೆದಿದ್ದಾರೆ. 1956ರಲ್ಲಿ ಪ್ರಕರಣಕ್ಕೆ ಸಂಬಂಧಿಸಿದ ಕಡತಗಳನ್ನು ವಿನಿಮಯ ಮಾಡಲಾಗಿದೆ ಎಂದು ವೆಬ್ಸೈಟ್ ತಿಳಿಸಿದೆ.
ತೈಪೆಯಲ್ಲಿ ನೇತಾಜಿ ಅಂತ್ಯಕ್ರಿಯೆಗೆ ತಾವೆ ಸ್ವತಃ ಅನುಮತಿ ಪತ್ರ ನೀಡಿರುವುದಾಗಿ ತೈವಾನ್ ಅಧಿಕಾರಿ ತಾನ್ ತೀ ತೀ ಸಂದರ್ಶನವೊಂದರಲ್ಲಿ ಹೇಳಿದ್ದು, ಇದನ್ನು ವೆಬ್ ಸೈಟ್ನಲ್ಲಿ ಪ್ರಕಟಿಸಲಾಗಿದೆ.
ನೇತಾಜಿ ಸಾವಿನ ಕುರಿತು ಈ ಹಿಂದೆ ಹಲವು ಉಹಾಪೋಹಗಳು ಎದ್ದಿದ್ದು, ಇಂದಿಗೂ ಕೂಡ ಸೂಕ್ತ ದಾಖಲೆಯಿಲ್ಲದೆ ಇರುವುದರಿಂದ ಸಾವು ಇನ್ನೂ ನಿಗೂಢವಾಗಿಯೇ ಉಳಿದಿದೆ.
