ಐಜ್ವಾಲ್: 16 ವರ್ಷದ ಬಾಲಕನೊಬ್ಬ ಮೊಬೈಲ್ ಕೊಳ್ಳಲು ಅಕ್ಕ-ಭಾವನನ್ನೇ ಕೊಂದಿದ್ದಾನೆ. ‘ಜುಲೈ 7ರಂದು ಅಕ್ಕ-ಭಾವನನ್ನು ಕೊಂದು 36 ಸಾವಿರ ರೂ. ಕದ್ದಿದ್ದ ಬಾಲಕನನ್ನು ಪೊಲೀಸರು ಬಂಧಿಸಿದ್ದು, ಬಾಲ ನ್ಯಾಯ ಮಂಡಳಿಗೆ ಒಪ್ಪಿಸಿದ್ದಾರೆ,’ ಎಂದು ಐಜ್ವಾಲ್ ಎಸ್ಪಿ ಸಿ.ಲಾಲ್ದಿನ ಹೇಳಿದ್ದಾರೆ.
ಹಳ್ಳಿಯ ಸುತ್ತ ಪ್ರಾಣಿಗಳನ್ನು ಶಿಕಾರಿ ಮಾಡಲು ಬಾಲಕನಿಗೆ ಒಂದು ಗುಂಡಿರುವ ಗನ್‌ವೊಂದನ್ನು ನೀಡಲಾಗಿತ್ತು. ಮೊಬೈಲ್ ಕೊಳ್ಳುವ ತುಡಿತದಿಂದಾಗಿಯೇ ಆ ಗನ್ ಬಳಸಿ ಕೊಂದಿರುವುದಾಗಿ, ಮಂಡಳಿ ಸದಸ್ಯರ ಮುಂದೆ ಬಾಲಕ ತಪ್ಪೊಪ್ಪಿಕೊಂಡಿದ್ದಾನೆ.
ಭಾವನನ್ನು ಗನ್‌ನಿಂದ ಕೊಂದರೆ, ಅಕ್ಕನನ್ನು ಕಟ್ಟಿಗೆಯಲ್ಲಿ ಹೊಡೆದು ಹೊಡೆದಿದ್ದಾನೆ, ಅಲ್ಲದೇ ಕೊಡಲಿಯಿಂದಲೂ ಕೊಚ್ಚಿದ್ದಾನೆ ಎನ್ನಲಾಗಿದೆ. ಹೊಸ ಭೂ ಬಳಕೆ ಯೋಜನೆಯಡಿಯಲ್ಲಿ ಈ ದಂಪತಿಗೆ ಸರಕಾರ ಇತ್ತೀಚೆಗೆ 66 ಸಾವಿರ ರೂ.ಅನುದಾನ ನೀಡಿತ್ತು. ಅದರಲ್ಲಿ ಅವರು 30 ಸಾವಿರ ರೂ. ಖರ್ಚು ಮಾಡಿದ್ದು, ಉಳಿದ ಹಣವನ್ನು ಈಗ ಬಾಲಕ ಅಪಹರಿಸಿ ಸಿಕ್ಕಿಬಿದ್ದಿದ್ದಾನೆ.
