ಮಂಗಳೂರು: ಮಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರದ ಶಾಸಕ ಜೆ. ಅರ್. ಲೋಬೊ ಗುರುವಾರ ನಗರದಲ್ಲಿರುವ ವೆನ್‌ಲಾಕ್ ಜಿಲ್ಲಾ ಅಸ್ಪತ್ರೆಗೆ ಭೇಟಿ ನೀಡಿ, ಅಸ್ಪತ್ರೆಯ ಸಮಸ್ಯೆ ಮತ್ತು ಶಾಸಕರಿಗೆ ಬಂದ ಜನರ ಅಹವಾಲುಗಳ ಬಗ್ಗೆ, ಉನ್ನತ ಅಧಿಕಾರಿಗಳೊಂದಿಗೆ ವಿಶೇಷ ಸಭೆ ನಡೆಸಿದರು.
ಗ್ರೂಪು ‘ಡಿ’ ನೌಕರರ, ಅಹವಾಲಿಗೆ ಸ್ಪಂದಿಸಿದ ಶಾಸಕರು, ನೌಕರರ ವೇತನ ತಡವಾಗಿ ಜಮೆಯಾಗದಂತೆ ಮತ್ತು ವೇತನವನ್ನು ತಿಂಗಳ 5ನೇ ತಾರೀಕಿನ ಒಳಗೆ ಜಮೆ ಮಾಡಲು ಸೂಚಿಸಿದರು.
ಜಿಲ್ಲಾ ವೈದ್ಯಾಧಿಕಾರಿ ಡಾ. ರಾಜೇಶ್ವರಿ ಉನ್ನತ ಸಿಬ್ಬಂದಿಯ ಕೊರತೆಯ ವಿಚಾರವನ್ನು ಶಾಸಕರಿಗೆ ತಿಳಿಸಿದರು. ಈ ಬಗ್ಗೆ ಸೂಕ್ತ ಇಲಾಖೆಯಲ್ಲಿ ಅಥವಾ ಸದನದಲ್ಲಿ ಪ್ರಸ್ತಾವಿಸಿ ಸೂಕ್ತ ಕ್ರಮ ಕ್ಯೆಗೊಳ್ಳುವ ಭರವಸೆ ನೀಡಿದರು.
ಈಗಾಗಲೆ ಮುಗಿದಿರುವ, ಸುಮಾರು 20 ಲಕ್ಷ ರೂಪಾಯಿಯ ಒಳಚರಂಡಿ ಕಾಮಗಾರಿಯ ಬಗ್ಗೆ ದೂರುಗಳಿದ್ದು, ಈ ಬಗ್ಗೆ ಪರಿಶೀಲಿಸಿ ಬೇಕಾದಲ್ಲಿ ಲೋಕಾಯುಕ್ತದಿಂದ ತನಿಖೆಮಾಡಲು ಸೂಚಿಸಿದರು.
