ಕನ್ನಡ ವಾರ್ತೆಗಳು

ದೇಶದಲ್ಲಿ ರಬ್ಬರ್ ಬೆಳೆ ಹೆಚ್ಚಿಸುವ ಮೂಲಕ ರಬ್ಬರ್ ಆಮದು ನಿಯಮದಲ್ಲಿ ಬದಲಾವಣೆ : ನಿರ್ಮಲಾ ಸೀತಾರಾಮನ್

Pinterest LinkedIn Tumblr

Mind_Nirmala_Minister_1

ಮಂಗಳೂರು: ರಬ್ಬರ್ ಬೆಳೆಗಾರರ ಹಿತ ಕಾಪಾಡುವುದಕ್ಕಾಗಿ ದೇಶೀಯ ರಬ್ಬರ್ ಆಮದು ಪರವಾನಗಿ ನಿಯಮದಲ್ಲಿ (ಆಮದು ಮುಂಗಡ ಪರವಾನಿಗೆ ನಿಯಮ ) ಬದಲಾವಣೆ ಮಾಡಲಾಗುವುದು ಎಂದು ಕೇಂದ್ರದ ವಾಣಿಜ್ಯ ಮತ್ತು ಕೈಗಾರಿಕಾ ಖಾತೆ ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದರು.

Mind_Nirmala_Minister_2

ಮೈಂಡ್ ಸಂಸ್ಥೆ ವತಿಯಿಂದ ನಗರದ ಸಂಘ ನಿಕೇತನದಲ್ಲಿ ಭವಿಷ್ಯದ ಭಾರತಕ್ಕೆ ವಾಣಿಜ್ಯ ನೀತಿ ಕುರಿತು ಮಾತನಾಡಿದರು. ಪ್ರಸಕ್ತ ವಿದೇಶದಿಂದ ಆಮದು ಮಾಡಿದ ರಬ್ಬರ್‌ನಿಂದ ಉತ್ಪಾದನೆ ಮಾಡಿ 18ತಿಂಗಳೊಳಗೆ ರಫ್ತು ಮಾಡಬೇಕಿತ್ತು. ಆದರೆ ಇನ್ನು ಮುಂದೆ ಆಮದು ಮಾಡಿ ಕೊಂಡ ರಬ್ಬರ್‌ನಲ್ಲಿ 6ತಿಂಗಳೊಳಗೆ ಉತ್ಪಾದನೆಮಾಡಿ ಅದನ್ನು ರಫ್ತು ಮಾಡಬೇಕು. ಇದು ರಬ್ಬರ್ ಬೆಳೆಗಾರರಿಗೆ ಪೂರಕವಾಗಲಿದೆ. ದೇಶೀಯ ರಬ್ಬರ್‌ಗೆ ಬೇಡಿಕೆ ಬರಲಿದೆ. ಜತೆಗೆ ನಮಗೆ ಅಗತ್ಯದಷ್ಟು ರಬ್ಬರು ದೇಶದಲ್ಲಿ ಲಭ್ಯವಿಲ್ಲ. ದೇಶದಲ್ಲಿ ರಬ್ಬರ್ ಬೆಳೆಯನ್ನು ಹೆಚ್ಚಿಸುವ ಮೂಲಕ ರಬ್ಬರ್ ಆಮದನ್ನು ನಿಲ್ಲಿಸಲು ಪ್ರಯತ್ನ ಮಾಡಬೇಕಾಗಿದೆ ಎಂದರು.

Mind_Nirmala_Minister_3

ಕೇಸರಿಗೆ ಉತ್ತೇಜನ: ಕೇಸರಿಯ ಉತ್ಪಾದನೆಗೆ ಒತ್ತುನೀಡುವ ನಿಟ್ಟಿನಲ್ಲಿ ಕೇಸರಿ ಉತ್ಪಾದನೆ ಮತ್ತು ನಿರ್ವಹಣೆ ಏಜನ್ಸಿಯನ್ನು ಸ್ಥಾಪಿಸಲಾಗುತ್ತದೆ ಎಂದು ಅವರು ಹೇಳಿದರು. ದೇಶದ ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳು 60ಮಿಲಿಯನ್‌ನಷ್ಟು ಉದ್ಯೋಗ ಅವಕಾಶ ನೀಡುತ್ತಿದ್ದು, ಬ್ಯಾಂಕ್‌ಗಳು ಇವುಗಳಿಗೆ ಹೆಚ್ಚು ಒತ್ತು ನೀಡಬೇಕು. ಸರಕಾರ ಈ ಕ್ಷೇತ್ರಕ್ಕೆ ಒತ್ತು ನೀಡಲಿದೆ. ಕಾನೂನು ನಿರ್ಬಂಧಕ್ಕಿಂತಲೂ ಉತ್ಪಾದನೆಗೆ ಒತ್ತು ನೀಡಲಾಗುವುದು. ದೇಶದಲ್ಲಿ ಶೇ.60ರಷ್ಟು ಕೃಷಿ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿದ್ದು, ಇಲ್ಲಿ ಹೆಚ್ಚುವರಿಯಿರುವ ಉದ್ಯೋಗಿಗಳನ್ನು ಕೈಗಾರಿಕೆಗಳಿಗೆ ವರ್ಗಾಯಿಸಲಾಗುತ್ತದೆ ಎಂದು ಸಚಿವೆ ಹೇಳಿದರು.

ಟೀಮ್ ಇಂಡಿಯಾ: ಕೇಂದ್ರ , ರಾಜ್ಯ ಹಾಗೂ ಕೈಗಾರಿಕೆ ಕ್ಷೇತ್ರದಲ್ಲಿರುವವರು ಜತೆಯಾಗಿ ಸೇರಿ ಮೇಕ್ ಇನ್ ಇಂಡಿಯಾಕ್ಕೆ ಪೂರಕವಾದ ಕೈಗಾರಿಕಾ ನೀತಿಯನ್ನು ರೂಪಿಸಿ ಅನುಷ್ಠಾನ ಮಾಡಲಾಗುವುದು.

Mind_Nirmala_Minister_4

ಹೊಸ ಔದ್ಯಮಿಕ ಮನೋಭಾವ, ಕೌಶಲ್ಯ, ಮೂಲಭೂತ ಸೌಕರ್ಯ, ಹೊಸಕೈಗಾರಿಕಾ ಪ್ರಕ್ರಿಯೆಗೆ ಪೂರಕವಾದ ಕೈಗಾರಿಕಾ ನೀತಿಯನ್ನು ರೂಪಿಸುವಮೂಲಕ ಹಿಂದಿನಂತೆ ಔದ್ಯಮಿಕ ರಂಗದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳುವಂತೆ ಮಾಡಲು ಉದ್ದೇಶಿಲಾಗಿದೆ. ಕಂಪನಿ ಕಾನೂನು ಸರಳೀಕರಣ ಮಾಡುತ್ತೇವೆ. ಮುಂದಿನ ಅಧಿವೇಶನದಲ್ಲಿ ಇದು ಮಂಡನೆಯಾಗಲಿದೆ ಎಂದು ಅವರು ಹೇಳಿದರು. ಕೇಂದ್ರ ಯೋಜನಾ ಆಯೋಗದ ಬದಲಾಗಿ ರೂಪಿಸಲಾದ ನೀತಿ ಆಯೋಗ ಕೇವಲ ಹೆಸರು ಬದಲಾವಣೆ ಅಲ್ಲ. ಇಂದಿನ ಅವಶ್ಯಕತೆಗಳಿಗೆ ಪೂರಕವಾಗಿ ವ್ಯವಸ್ಥೆಯನ್ನು ಅದರಲ್ಲಿ ತರಲಾಗುವುದು. ಪ್ರತಿಯೊಂದು ರಾಜ್ಯವನ್ನು ಅಭಿವೃದ್ಧಿ ಪಡಿಸುವ ಯೋಜನೆ ರೂಪಿಸಲಾಗುವುದು ಎಂದರು.

ನಾನಾ ದೇಶಗಳೊಂದಿಗೆ ವ್ಯಾಪಾರಕ್ಕೆ ಸಂಬಂಧಿಸಿದಂತೆ 300ಕ್ಕೂ ಹೆಚ್ಚು ಒಪ್ಪಂದಗಳಿವೆ. ಇದರಲ್ಲಿ ಸುಮಾರು 270 ಅನುಷ್ಠಾನದಲ್ಲಿದೆ. ನಮ್ಮ ಆರ್ಥಿಕತೆ, ವ್ಯಾಪಾರ, ಉತ್ಪಾದನೆಗೆ ಪೂರಕವಾಗಿ ಈ ನೀತಿಗಳಲ್ಲಿ ಬದಲಾವಣೆ ಮಾಡಿಕೊಳ್ಳಬೇಕಾಗಿದೆ.

Mind_Nirmala_Minister_5

ಒಂದೇ ಅರ್ಜಿ; ಒಂದೇ ಪಾವತಿ: ನಾನಾ ಕೈಗಾರಿಕೆಗಳು ಸರಕಾರಕ್ಕೆ ನೀಡುವ ಮಾಹಿತಿಯನ್ನು ಒಂದೇ ಪೇಜ್‌ಗೆಸೀಮಿತಗೊಳಿಸುವುದು ಹಾಗೂ ಅದನ್ನು ಆನ್‌ಲೈನ್‌ನಲ್ಲಿ ನೀಡುವಂತೆ ಮಾಡಲಾಗುವುದು. 15 ಸಚಿವಾಲಯಕ್ಕೆ ಸಂಬಂಧಿಸಿದ ಪರವಾನಿಗೆಗೆ ಒಂದೇ ಅರ್ಜಿ, ಒಂದೇ ಕಾರ್ಡ್‌ನಲ್ಲಿ ಪಾವತಿಸುವ ವ್ಯವಸ್ಥೆ ಮಾಡಲಾಗುವುದು ಎಂದು ಸಚಿವೆ ತಿಳಿಸಿದರು.

ಸಾರ್ವಜನಿಕರ ಪ್ರಶ್ನೆಗೆ ಉತ್ತರಿಸಿದ ಸಚಿವೆ, ಮೊಬೈಲ್ ಬ್ಯಾಂಕಿಂಗ್ ಮಾದರಿಯಂತೆ ಸೆಂಟ್ರಲ್ ಮರ್ಚೆಂಟ್ ಡಾಟಾ ಬೇಸ್ ನಿರ್ಮಿಸಬೇಕು ಎಂಬ ಸಲಹೆ ಅತ್ಯುತ್ತಮವಾಗಿದೆ. ಈ ಬಗ್ಗೆ ಗಮನ ಹರಿಸಲಾಗುವುದು ಎಂದರು.

Mind_Nirmala_Minister_6

ವಾಹನಕ್ಕೆ ಸಂಬಂಧಿಸಿದಂತೆ ಒನ್ ಇಂಡಿಯಾ ಒನ್ ಟ್ಯಾಕ್ಸ್ ನೀತಿ ತರಬೇಕು ಎಂಬ ಸಲಹೆಗೆ ಉತ್ತರಿಸಿದ ಅವರು, ಈ ವಿಷಯವನ್ನು ಸಚಿವ ನಿತಿನ್ ಗಡ್ಕರಿ ಗಮನಕ್ಕೆ ತರುತ್ತೇನೆ ಎಂದರು.

ಹಣದುಬ್ಬರ ತಡೆಗೆ ಕ್ರಮ ಕೈಗೊಂಡಿದ್ದೇವೆ. ರೂಪಾಯಿ ಮೌಲ್ಯ ಹೆಚ್ಚುವುದು ಗಮನಕ್ಕೆ ಬರಬೇಕಾದರೆ ಸ್ವಲ್ಪ ಸಮಯ ಕಾಯಬೇಕು. ಕಚ್ಛಾ ತೈಲದ ದರ ಇಳಿಕೆಯಾದಾಗ ನೇರವಾಗಿ ಅದರ ಪ್ರಯೋಜನವನ್ನು ಗ್ರಾಹಕರಿಗೆ ಐದು ಬಾರಿ ವರ್ಗಾಯಿಸಿದ್ದೇವೆ ಎಂಬುವುದನ್ನು ನೀವು ಇತರರಿಗೆ ತಿಳಿಸಿ ಎಂದರು. .

ನನಗೆ ಕರಾವಳಿಯ ನಂಟಿದೆ: ನನ್ನ ಕುಟುಂಬ ಹಾಗೂ ಟಿ. ಎ. ಪೈ ಕುಟುಂಬಕ್ಕೂ ಎಳೆವಯಸ್ಸಿನಿಂದಲೇ ನಂಟಿದೆ. ನಿತ್ಯವೂ ಗಣೇಶನಿಗೆ ವಂದಿಸಿದಂತೆ ನನನಗೆ ಅದು ಸ್ಪೂರ್ತಿಯಾಗಿದೆ ಎಂದು ಸಚಿವೆ ನಿರ್ಮಲಾ ಹೇಳಿದರು.

ಮಂಗಳೂರು ಆರೋಗ್ಯ, ಶಿಕ್ಷಣ ಹೀಗೆ ನಾನಾ ಕ್ಷೇತ್ರದಲ್ಲಿ ಮಿಂಚಿದಕ್ಷೇತ್ರವಾಗಿದೆ. ಬಲಿಷ್ಟ ಬ್ಯಾಂಕಿಂಗ್‌ಗೆ ಬುನಾದಿ ಹಾಇದೆ ನಾಡು. ಉದ್ಯಮ ನೈಪುಣ್ಯತೆ ಇಲ್ಲಿದೆ. ಇದಕ್ಕೆ ಶಕ್ತಿ ತುಂಬಲು ಪೂರಕವಾಗುವಂತೆ ನೀತಿ, ಕೈಗಾರಿಕಾ ನೀತಿ ನಿಯಮಗಳನ್ನುರೂಪಿಸಿ ಅನುಷ್ಠಾನಕ್ಕೆ ತರಲಾಗುವುದು ಎಂದರು.

ನಿಟ್ಟೆ ವಿವಿಯ ಪ್ರೊ ವೈಸ್ ಚಾನ್ಸ್‌ಲರ್ ವಿಶಾಲ ಹೆಗ್ಡೆ ಮಾತನಾಡಿ, ಕರಾವಳಿ ಪ್ರದೇಶ ಔದ್ಯಮಿಕ, ಬ್ಯಾಂಕಿಂಗ್, ಶಿಕ್ಷಣ, ಮಾಹಿತಿ ತಂತ್ರಜ್ಞಾನ, ಆರೋಗ್ಯ ಹೀಗೆ ನಾನಾ ಕ್ಷೇತ್ರದಲ್ಲಿ ಉತ್ತಮ ಸಾಧನೆದಾಖಲಿಸಿದೆ. ಭಾರತದ ‘ಮೇಕ್ ಇನ್ ಇಂಡಿಯಾ’ದ ಲ್ಲಿ ಅವಕಾಶವನ್ನು ಮಂಗಳೂರಿನವರಿಗೆ ನೀಡಿದರೆಅದನ್ನು ಬಳಸಿಕೊಳ್ಳಲು ನಾವು ಸಿದ್ಧಹಾಗೂ ಬದ್ಧರಾಗಿದ್ದೇವೆ ಎಂದರು.

Mind_Nirmala_Minister_7

ಹಾಂಗ್ಯೊ ಐಸ್ ಕ್ರೀಮ್ ಸಂಸ್ಥೆ ಆಡಳಿತ ನಿರ್ದೇಶಕ ಪ್ರದೀಪ್ ಪೈ ಅಧ್ಯಕ್ಷತೆ ವಹಿಸಿ ಮಾತನಾಡಿ, ವಿದೇಶಿಗರು ಭಾರತದಲ್ಲಿ ಆರ್ಥಿಕ, ಬೌದ್ಧಿಕ ಹೂಡಿಕೆಗೆ ಮುಂದೆ ಬರುವಂತಹ ವಾತಾವರಣವನ್ನು ವಿದೇಶಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮಾಡಿದ್ದಾರೆ. ಇದು ಭಾರತದ ಕೈಗಾರಿಕೆ ಸೇರಿದಂತೆ ಸಮಗ್ರ ಅಭಿವೃದ್ಧಿಗೆಪೂರಕವಾಗಿದೆ ಎಂದರು.

ಕ್ಯಾಂಪ್ಕೊ ಅಧ್ಯಕ್ಷ ಕೊಂಕೋಡಿ ಪದ್ಮನಾಭ, ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಚಾರ್ಟೆಡ್ ಅಕೌಂಟೆಂಟ್ಸ್‌ನಮಂಗಳೂರು ಅಧ್ಯಕ್ಷೆ ಶ್ಯಾಮಲಾ ಶೆಣೈ ಉಪಸ್ಥಿತರಿದ್ದರು. ಮೈಂಡ್ ಸಂಸ್ಥೆಯ ಸುವೃತ್ ಕುಮಾರ್ ಸ್ವಾಗತಿಸಿ, ಪ್ರಸ್ತಾವಿಕವಾಗಿ ಮಾತನಾಡಿದರು.

Write A Comment