ಮುಂಬಯಿ ಕಲಾಭಿಮಾನಿಗಳು ಹೃದಯ ಶ್ರೀಮಂತರು – ಸುರೇಂದ್ರಕುಮಾರ್ ಹೆಗ್ಡೆ

ವರದಿ : ಈಶ್ವರ ಎಂ. ಐಲ್
ಚಿತ್ರ : ದಿನೇಶ್ ಕುಲಾಲ್

ಮುಂಬಯಿ : ಮಂಗಳೂರಿನ ವಿಧಾತ್ರಿ ಕಲಾವಿದರಿಂದ ನ. 27 ರಂದು ಕರ್ನಾಟಕ ಸಂಘ ಮಾಟುಂಗಾದ ಡಾ| ವಿಶ್ವೇಶ್ವರಯ್ಯ ಸಭಾಗೃಹದಲ್ಲಿ ’ನಿಕ್ಕ್ ಗೊತ್ತುಂಡಾ …? ತುಳು ನಾಟಕ ಪ್ರದರ್ಶನಗೊಂಡಿದ್ದು ಈ ಸಂದರ್ಭದಲ್ಲಿ ಕಲಾ ಜಗತ್ತು ತಂಡದ ತೋನ್ಸೆ ವಿಜಯ ಕುಮಾರ್ ಶೆಟ್ಟಿ, ಮನೋಹರ್ ನಂದಳಿಕೆ ಮತ್ತು ತಂಡದ ಸಂಚಾಲಕ ಪ್ರಕಾಶ್ ಎಂ, ಶೆಟ್ಟಿ ಸುರತ್ಕಲ್ ಇವರನ್ನು ಸನ್ಮಾನಿಸಲಾಯಿತು.

ಮಹಾರಾಷ್ಟ್ರ ಕನ್ನಡಿಗರ ಪರಿಷತ್ ನ ಅಧ್ಯಕ್ಷ ಸುರೇಂದ್ರಕುಮಾರ್ ಹೆಗ್ಡೆ ಯವರು ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿದ್ದು ಊರಿನಿಂದ ಬಂದ ಕಲಾವಿದರನ್ನು ಸದಾ ಬೆಂಬಲಿಸುತ್ತಿರುವ ಮುಂಬಯಿ ಕಲಾಭಿಮಾನಿಗಳು ಹೃದಯ ಶ್ರೀಮಂತರು ಎಂದರು.

ಸನ್ಮಾನವನ್ನು ಸ್ವೀಕರಿಸಿದ ವಿಜಯ್ ಕುಮಾರ್ ಶೆಟ್ಟಿಯವರು ಊರಿನಿಂದ ಆಗಮಿಸಿದ ವಿಧಾತ್ರಿ ಕಲಾವಿದರನ್ನು ನಾವು ಸನ್ಮಾನಿಸಬೇಕಿತ್ತು, ಆದರೆ ಇಂದು ಅವರು ನಮ್ಮನ್ನು ಸನ್ಮಾನಿಸಿದ್ದು ಅಭಿಮಾನದ ಸಂಗತಿ ಎಂದರು.

ರಮೇಶ್ ರೈ ಕುಕ್ಕುವಳ್ಳಿ ಈ ಸಂದರ್ಭದಲ್ಲಿ ಮಾತನಾಡಿ ಕೃತಜ್ನತೆ ಸಲ್ಲಿಸಿದರು.ಅನಿಲ್ ಶೆಟ್ಟಿ, ಕೆ.ಕೆ. ಶೆಟ್ಟಿ, ಅಭಿನಯ ಮಂಟಪದ ಕರುಣಾಕರ ಕಾಪು, ನಟ ಅಶೋಕ್ ಕುಮಾರ್ ಕಾರ್ನಾಡ್, ಕರ್ನೂರು ಮೋಹನ್ ರೈ ಅವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಬಾಲಕೃಷ್ಣ ಅದ್ಯಪಾಡಿ ಕಾರ್ಯಕ್ರಮವನ್ನು ನಿರ್ವಹಿಸಿದರು.