ಟಾಲಿವುಡ್ ಅಂಗಳದಲ್ಲಿ ಪ್ರನುಷ್ಕಾ (ಪ್ರಭಾಸ್-ಅನುಷ್ಕಾ) ಮದುವೆ ಕುರಿತಾದ ಸುದ್ದಿ ಜೋರಾಗಿ ಹಬ್ಬುತ್ತಿದೆ. ಇತ್ತ ಪ್ರಭಾಸ್ ದೊಡ್ಡಪ್ಪ ಕೃಷ್ಣಂ ರಾಜು ಇದೇ ವರ್ಷದಲ್ಲಿ ‘ಬಾಹುಬಲಿ’ಯ ಕಲ್ಯಾಣ ಎಂದು ಮಾಧ್ಯಮಗಳ ಮುಂದೆ ಹೇಳಿದ್ದಲ್ಲದೇ ವಧು ಯಾರು ಎಂಬ ವಿಷಯವನ್ನು ಬಿಟ್ಟುಕೊಟ್ಟಿಲ್ಲ. ಅತ್ತ ಪ್ರಭಾಸ್-ಅನುಷ್ಕಾ ದಿನೇ ದಿನೇ ಹೆಚ್ಚು ಕ್ಲೋಸ್ ಆಗುತ್ತಿದ್ದರೆ. ಇತ್ತ ಪ್ರಭಾಸ್-ಅನುಷ್ಕಾ ಅಭಿಮಾನಿಗಳು ಅವರಿಬ್ಬರು ದಂಪತಿಗಳಾಗುವುದನ್ನು ಎದುರು ನೋಡುತ್ತಿದ್ದಾರೆ.
ಹರಿದಾಡುತ್ತಿರುವ ಮದುವೆ ಸುದ್ದಿಗೆ ತೆರೆ ಎಳೆಯಲು ಪ್ರಬಾಸ್ ಮತ್ತು ಅನುಷ್ಕಾ ಪ್ರಯತ್ನಿಸುತ್ತಿದ್ದಾರಾದರೂ ಅದು ಸಾಧ್ಯವಾಗುತ್ತಿಲ್ಲ. ತಾವಿಬ್ಬರು ಸ್ನೇಹಿತರು ಎಂಬುದನ್ನು ಹಲವಾರು ಬಾರಿ ಹೇಳಿದರು ಅಭಿಮಾನಿಗಳು ಮಾತ್ರ ಈ ರೀಲ್ ಜೋಡಿಯನ್ನ ರಿಯಲ್ ಆಗಿ ನೋಡಲು ಬಯಸುತ್ತಿದ್ದಾರೆ. ಅಭಿಮಾನಿಗಳ ಈ ರೀತಿಯ ಬಯಕೆಗೆ ಪ್ರಭಾಸ್ ಹಾಗೂ ಅನುಷ್ಕಾರ ನಡುವಳಿಕೆಗಳೇ ಕಾರಣವಾಗುತ್ತಿವೆ ಎಂದರೆ ತಪ್ಪಾಗಲಾರದು.
ಬಾಹುಬಲಿ ಚಿತ್ರದ ನಂತರ ‘ಭಾಗಮತಿ’ಯಾಗಿ ಅನುಷ್ಕಾ ಶೆಟ್ಟಿ ಜನವರಿ 26ರಂದು ತೆರೆ ಮೇಲೆ ಬರುತ್ತಿದ್ದಾರೆ. ಈ ಸಂದರ್ಭದಲ್ಲಿ ಚಿತ್ರ ತಂಡ ವೀಡಿಯೋ ಸಾಂಗ್ವೊಂದನ್ನು ಬಿಡುಗಡೆ ಮಾಡಿದೆ. ಬಿಡುಗಡೆ ಮಾಡಲಾಗಿರುವ ವೀಡಿಯೋ ಸಾಂಗ್ನಲ್ಲಿ ಕೆಲ ಮೇಕಿಂಗ್ ತುಣುಕುಗಳನ್ನೂ ಸೇರಿಸಿರುವುದು ಇದೀಗ ದೊಡ್ಡ ಚರ್ಚೆಗೆ ಕಾರಣವಾಗಿದೆ.
ಏಕೆಂದರೆ ಸಿನಿಮಾದ ಚಿತ್ರೀಕರಣದ ವೇಳೆ ಬಾಹುಬಲಿ ಸ್ಟಾರ್ ‘ಪ್ರಭಾಸ್’ ಭೇಟಿ ನೀಡಿದ್ದಾರೆ. ಅದು ಸಹ ಮುಸುಕುಧಾರಿಯಾಗಿ ಭೇಟಿ ನೀಡಿರುವುದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ. ವೀಡಿಯೋ ಸಾಂಗ್ನಲ್ಲಿ ಮುಸುಕುಧಾರಿಯಾಗಿ ಕಾಣಿಸಿಕೊಂಡಿರುವ ಪ್ರಭಾಸ್ ಅವರನ್ನು ಅಭಿಮಾನಿಗಳು ರೆಡ್ ಹ್ಯಾಂಡಾಗಿ ಕ್ಯಾಚ್ ಮಾಡಿದ್ದಲ್ಲದೇ ಸಾಮಾಜಿಕ ಜಾಲತಾಣಗಳಲ್ಲಿ ಪಸರಿಸುತ್ತಿದ್ದಾರೆ. ಇದನ್ನೇ ಸಾಕ್ಷಿಯಾಗಿಟ್ಟುಕೊಂಡು ಪ್ರಭಾಸ್ ಅವರ ವಧು ಅನುಷ್ಕಾನೇ ಎಂದು ಊಹಿಸುತ್ತಿದ್ದಾರೆ.
ವೀಡಿಯೋವನ್ನೊಮ್ಮೆ ಗಮನವಿಟ್ಟು ನೋಡಿದರೆ ಚಿತ್ರಕ್ಕಾಗಿ ಕೆಲಸ ಮಾಡುತ್ತಿರುವ ತಂತ್ರಜ್ಞರು ಸಹ ತಮ್ಮ ಕೈವಸ್ತ್ರವನ್ನು ತಮ್ಮ ಮುಖಕ್ಕೆ ಕಟ್ಟಿಕೊಂಡಿದ್ದಾರೆ. ಬಹುಶ: ಸಿನಿಮಾ ಸೆಟ್ನಲ್ಲಿ ಧೂಳು ಇದ್ದದ್ದರಿಂದ ಪ್ರಭಾಸ್ ಮುಸುಕುಧಾರಿಯಾಗಿ ಕಾಣಿಸಿಕೊಂಡಿದ್ದಾರಾ?
Comments are closed.