ದಕ್ಷಿಣದ ತಾರೆ, ಕಮಲ್ ಹಾಸನ್ ಮಗಳು ಶ್ರುತಿ ಹಾಸನ್ ಮದುವೆ ಕಾರ್ಯಕ್ರಮವೊಂದರಲ್ಲಿ ತನ್ನ ಬಾಯ್ಫ್ರೆಂಡ್ ಮೈಖೇಲ್ ಕೋರ್ಸೆಲ್ ಜತೆಗೆ ಕಾಣಿಸಿಕೊಂಡಿದ್ದು ಭಾರಿ ಚರ್ಚೆಗೆ ಗ್ರಾಸವಾಗಿದೆ. ತಮಿಳು ನಟ ಆದವ, ವಿನೋದಿನಿ ಮದುವೆ ಮಂಗಳವಾರ ಚೆನ್ನೈನಲ್ಲಿ ಅದ್ದೂರಿಯಾಗಿ ನೆರವೇರಿತು. ಈ ಮದುವೆಗೆ ತಾರೆಗಳಾದ ರಾಧಿಕಾ, ಪ್ರಸನ್ನ, ಎ.ಆರ್. ಮುರುಗದಾಸ್ ಹಾಜರಾಗಿದ್ದರು.
ಇದೇ ಶುಭಕಾರ್ಯಕ್ರಮಕ್ಕೆ ನಟು ಶ್ರುತಿ ಲಂಡನ್ ಮೂಲದ ನಟ ಮೈಖೇಲ್ರನ್ನು ಕರೆದುಕೊಂಡು ಬಂದಿದ್ದರು. ಜತೆಗೆ ಕಮಲ್ ಹಾಸನ್ ಸಹ ಇದ್ದರು. ಮದುವೆಯಲ್ಲಿ ಮೂವರು ಕೂತು ಮಾತನಾಡುತ್ತಿರುವ ಫೋಟೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ಸದ್ದು ಮಾಡಿದೆ. ಶ್ರುತಿ ಕೆಂಬಣ್ಣದ ಸೀರೆಯುಟ್ಟು ಕಂಗೊಳಿಸುತ್ತಿದ್ದರೆ ಮೈಖೇಲ್ ಅಪ್ಪಟ ಭಾರತೀಯ ಸಂಪ್ರದಾಯದಂತೆ ಪಂಚೆಯಲ್ಲಿ ಕಾಣಿಸಿಕೊಂಡು ಎಲ್ಲರ ಗಮನಸೆಳೆದಿದ್ದಾರೆ.
ಮೈಖೇಲ್ ಜತೆಗಿನ ಪ್ರೇಮ ವ್ಯವಹಾರದ ಬಗ್ಗೆ ಇತ್ತೀಚೆಗೆ ಮಾತನಾಡುತ್ತಾ, ಈ ರೀತಿಯ ಸುದ್ದಿಗಳನ್ನು ಅಷ್ಟಾಗಿ ಪರಿಗಣಿಸಲ್ಲ ಎಂದಿದ್ದರು. ತನ್ನ ವೈಯಕ್ತಿಕ ಸಂಗತಿಗಳನ್ನು ಹಂಚಿಕೊಳ್ಳಲು ಇಷ್ಟವಿಲ್ಲ ಎಂದು ಹೇಳಿ ತನ್ನ ಪೂರ್ಣವಿರಾಮ ನೀಡಿದ್ದರು.
Comments are closed.