ಹುನಾನ್: ಚೀನಾ ದೇಶದ ಸುಮಾರು ನಾಲ್ಕು ತಿಂಗಳ ಪುಟ್ಟ ಮಗುವಿಗೆ ಬರೋಬ್ಬರಿ 31 ಬೆರಳುಗಳಿವೆ. ಹೊಂಗ್ ಗೊಂಗ್ ಎನ್ನುವ ಮಗು ಹುಟ್ಟುತ್ತಲೇ ಕೈಯಲ್ಲಿ 15 ಬೆರಳು, ಕಾಲಿನಲ್ಲಿ 16 ಬೆರಳುಗಳನ್ನು ಹೊಂದಿದೆ. ಇದರಲ್ಲಿ ಎಡಗೈಯಲ್ಲಿ 8 ಹಾಗೂ ಬಲಗೈಯಲ್ಲಿ 7 ಬೆರಳುಗಳಿವೆ. ಇನ್ನು ಪ್ರತಿ ಕಾಲಿನಲ್ಲಿ ತಲಾ ಎಂಟು ಬೆರಳುಗಳಿವೆ. ಮಗುವಿನ ತಾಯಿ ಗರ್ಭಿಣಿಯಾಗಿದ್ದಾಗ ಸ್ಕ್ಯಾನಿಂಗ್ ವರದಿಯಲ್ಲಿ ಈ ರೀತಿ ಅಧಿಕ ಬೆರಳುಗಳು ಗೋಚರಿಸಿರಲಿಲ್ಲ.
ಇದನ್ನು ವೈದ್ಯರು ಆನುಂಶಿಕ ಕಾಯಿಲೆ ಎಂದು ಕರೆದಿದ್ದಾರೆ. ಇದೇ ರೀತಿ ಮಗುವಿನ ತಾಯಿ ಕೂಡ ಕಾಲು ಹಾಗೂ ಕೈಗಳಲ್ಲಿ ತಲಾ ಒಂದು ಹೆಚ್ಚುವರಿ ಬೆರಳನ್ನು ಹೊಂದಿದ್ದಾರೆ. ಶಸ್ತ್ರಚಿಕಿತ್ಸೆ ಮೂಲಕ ಮಗುವನ್ನು ಸಾಮಾನ್ಯರಂತೆ ಮಾಡಲು 200,000 ಯುವಾನ್ ಬೇಕೆಂದು ವೈದ್ಯರು ತಿಳಿಸಿದ್ದಾರೆ. ಆರ್ಥಿಕ ಸ್ಥಿತಿವಂತರಾಗಿರದ ಕಾರಣ ಮಗುವಿನ ತಂದೆ ಆನ್ಲೈನ್ ಮೂಲಕ ಸಹಾಯ ಹಸ್ತ ಯಾಚಿಸಿದ್ದಾರೆ.
