ಜೋಕಟ್ಟೆ : ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಜೋಕಟ್ಟೆ ಏರಿಯಾದ ವತಿಯಿಂದ ಯೇನಪೋಯ ಮೆಡಿಕಲ್ ಕಾಲೇಜು ಆಸ್ಪತ್ರೆ ದೇರಳಕಟ್ಟೆ ಇದರ ಸಹಯೋಗದೊಂದಿಗೆ ಜೋಕಟ್ಟೆಯ ಸರಕಾರೀ ಮಾದರಿ ಹಿರಿಯ ಪ್ರಾಥಮಿಕ ಶಾಲಾ ಪಠಾರದಲ್ಲಿ ಬೃಹತ್ ರಕ್ತದಾನ ಶಿಬಿರ ನಡೆಯಿತು.
ಕಳೆದ 8 ವರ್ಷಗಳಿಂದ ನಿರಂತರವಾಗಿ ಕೆ ಎಂ ಸಿ ಮತ್ತು ಎ ಜೆ ಆಸ್ಪತ್ರೆಗಳ ಸಹಯೋಗದೊಂದಿಗೆ ರಕ್ತದಾನ ಶಿಬಿರ ಏರ್ಪಡಿಸಿಕೊಂಡು ಬರುತ್ತಿದ್ದ ಪಿ ಎಫ್ ಐ ಜೋಕಟ್ಟೆ ಏರಿಯಾ ಈ ಬಾರಿ ಸತತ ಒಂಬತ್ತನೇ ಬಾರಿ ಈ ಶಿಬಿರವನ್ನು ಆಯೋಜಿಸಿ ಜನರ ಮನ್ನಣೆಗ ಪಾತ್ರವಾಯಿತು.
ದ ಕ ಜಿಲ್ಲಾ ಸಮಿತಿ ಸದಸ್ಯ ರಫೀಕ್’ರವರು ರಕ್ತದಾನ ಮಾಡುವ ಮೂಲಕ ಶಿಬಿರವನ್ನು ಉದ್ಘಾಟಿಸಿದರು. ಶಿಬಿರದಲ್ಲಿ ಒಟ್ಟು 110 ಕ್ಕೂ ಹೆಚ್ಚು ಯುನಿಟ್ ರಕ್ತದ ಸಂಗ್ರಹ ಮಾಡಲಾಯಿತು. ಪಿ ಎಫ್ ಐ ನ ರಕ್ತದಾನ ಶಿಬಿರ ಮತ್ತು ರಕ್ತದಾನಗೈದ ದಾನಿಗೆ ಸ್ಮರಣಿಕೆಯಾಗಿ ಅಭಿನಂದನಾ ಪತ್ರ ಮತ್ತು ಒಂದು ಪೆನ್ನನ್ನು ನೀಡಿದ ಯೇನಪೋಯ ಆಸ್ಪತ್ರೆಯ ಅಚ್ಚುಕಟ್ಟಿನ ನಿರ್ವಹಣೆ ಉರವರ ಶ್ಲಾಘನೆಗೆ ಪಾತ್ರವಾಯಿತು
