ಮಂಗಳೂರು: ಉಡುಪಿ ಮೂಲದ ಭೀಮಾ ಗೋಲ್ಡ್ ಚಿನ್ನಾಭರಣಗಳ ಮಳಿಗೆ ನಗರದ ಬೆಂದೂರ್ನ ಎಸ್ಸಿಎಸ್ ಆಸ್ಪತ್ರೆ ಸಮೀಪ ಬುಧವಾರ ಶುಭಾರಂಭಗೊಂಡಿದೆ. ನಿಟ್ಟೆ ಸಮೂಹ ಸಂಸ್ಥೆಗಳ ಅಧ್ಯಕ್ಷ ಎನ್.ವಿನಯ ಹೆಗ್ಡೆ ಉದ್ಘಾಟಿಸಿ, ಮಂಗಳೂರಿನಲ್ಲಿ ಚಿನ್ನಾಭರಣಕ್ಕೆ ಸಾಕಷ್ಟು ಬೇಡಿಕೆ ಇದ್ದು, ನೂತನ ಮಳಿಗೆ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಸೇವೆ ನೀಡಲಿದೆ. ಸಂಸ್ಥೆ ಉತ್ತಮವಾಗಿ ಕಾರ್ಯ ನಿರ್ವಹಿಸಿ ಇನ್ನಷ್ಟು ಎತ್ತರಕ್ಕೆ ಬೆಳೆಯಲಿ ಎಂದು ಶುಭ ಹಾರೈಸಿದರು.
ಆಸರೆ ಚಾರಿಟೇಬಲ್ ಟ್ರಸ್ಟ್ನ ಡಾ.ಆಶಾಜ್ಯೋತಿ ರೈ ಪ್ರಥಮ ಚಿನ್ನಾಭರಣ ಮತ್ತು ಮಂಗಳಾ ಕ್ಯಾಶ್ಯೂ ಇಂಡಸ್ಟ್ರೀಸ್ನ ಪಾಲುದಾರೆ ವೈಷ್ಣವಿ ವಿ. ಕಾಮತ್ ಪ್ರಥಮ ವಜ್ರಾಭರಣ ಖರೀದಿ ಮಾಡಿದರು.
ಭೀಮ ಜುವೆಲ್ಲರಿ ಸಿಇಒ ರಶ್ಮಿ ಅವರು ಮಾತನಾಡಿ, ಭೀಮ ಜುವೆಲ್ಲರಿ ಯುವಜನತೆ ಹಾಗೂ ಮಕ್ಕಳಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಿದ ಚಿನ್ನಾಭರಣಗಳ ಪ್ರತ್ಯೇಕ ವಿಭಾಗವನ್ನು ಹೊಂದಿದ್ದು, ಮುಂದಿನ ಪೀಳಿಗೆಯನ್ನು ಗಮನದಲ್ಲಿಟ್ಟಕೊಂಡು ಇವುಗಳು ರೂಪುಗೊಂಡಿವೆ. ಮಕ್ಕಳಿಗಾಗಿ ಆ್ಯಂಕ್ಲೆಟ್ಸ್, ಕಿವಿರಿಂಗ್ಗಳು, ಪುರುಷರ ಗಡಿಯಾರಗಳು, ಬ್ರಾಸ್ಲೆಟ್ಗಳು, ಚಿನ್ನದ ಸರಗಳ ವಿಪುಲ ಸಂಗ್ರಹವಿದೆ ಎಂದು ಅವರು ವಿವರಿಸಿದರು.
ಭೀಮಾ ಜುವೆಲ್ಲರ್ಸ್ನ ಆಡಳಿತ ಪಾಲುದಾರ ಬಿ.ಕೃಷ್ಣನ್, ಭೀಮಾ ಜುವೆಲ್ಲರಿ ಸಿಇಒ ರಶ್ಮಿ, ಭೀಮಾ ಜುವೆಲ್ಲರಿಯ ತ್ರಿವೆಂಡ್ರಮ್ ಶೋರೂಂ ಮುಖ್ಯಸ್ಥ ಡಾ.ಬಿ. ಗೋವಿಂದನ್, ಕೊಚ್ಚಿನ್ ಶೋರೂಂ ಮುಖ್ಯಸ್ಥ ಬಿಂದು ಮಾಧವ್, ಅಲೆಪ್ಪಿ ಶೋರೂಂ ಮುಖ್ಯಸ್ಥೆ ಲಕ್ಷ್ಮೀಕಾಂತನ್, ಕೋಯಿಕ್ಕೋಡ್, ಜುವೆಲ್ಲರಿ ಪ್ರಮುಖರಾದ ಗಿರಿರಾಜನ್, ಮಂಗಳೂರು ಶೋರೂಂನ ಪ್ರಮುಖರು ಉಪಸ್ಥಿತರಿದ್ದರು.
1925ರಲ್ಲಿ ಕೇರಳದ ಆಲೆಪ್ಪಿಯಲ್ಲಿ ಭೀಮಾ ಜುವೆಲ್ಲರಿ ಆರಂಭವಾಗಿದ್ದು, 89 ವರ್ಷಗಳಲ್ಲಿ ಭೀಮಾ ಸಂಸ್ಥೆಯು ದಕ್ಷಿಣ ಭಾರತದಲ್ಲಿ ಶುದ್ಧತೆ, ಗುಣಮಟ್ಟ ಮತ್ತು ನಂಬಿಕೆಯಲ್ಲಿ ಬ್ರಾಂಡ್ ನಿರ್ಮಿಸಿ, ಇದೀಗ ಮಾತೃ ಸ್ಥಾನದಲ್ಲಿ ಶುಭಾರಂಭಗೊಂಡಿದೆ. ದಕ್ಷಿಣ ಭಾರತದ 31ನೇ ಮಳಿಗೆಯಾಗಿದ್ದು, ರಾಜ್ಯದಲ್ಲಿ 9ನೇ ಮಳಿಗೆಯಾಗಿದೆ.
ನವ ನವೀನ ವಿನ್ಯಾಸ:
ಭೀಮಾ ಜುವೆಲ್ಲರಿಯ ಮಂಗಳೂರು ಮಳಿಗೆ ವೈವಿಧ್ಯಮಯ ವಿನ್ಯಾಸಗಳ, ವಿಭಿನ್ನ ಸಂದರ್ಭಗಳು ಮತ್ತು ಸಮುದಾಯಗಳಲ್ಲಿ ಧರಿಸುವ ಚಿನ್ನ, ವಜ್ರ ಹಾಗೂ ಬೆಳ್ಳಿ, ಪ್ಲಾಟಿನಂ ಅಭರಣಗಳ ಅಪಾರ ಸಂಗ್ರಹವನ್ನು ಹೊಂದಿದೆ.
ಪಾರಂಪರಿಕ ಚಿನ್ನಾಭರಣಗಳ ಸಂಗ್ರಹ, ಮದುವೆ ಆಭರಣಗಳು, ಕುಂದನ್- ಪೋಲ್ಕಿ ಸಂಗ್ರಹ, ಟೆಂಪಲ್ ಚಿನ್ನಾಭರಣಗಳ ಸಂಗ್ರಹವಿದೆ. ಪ್ರಾಕೃತಿಕ ಪ್ರೇರಣೆಯಿಂದ ರೂಪುಗೊಂಡಿರುವ ಕಥಾ ಅಪೂರ್ವ ಚಿನ್ನಾಭರಣಗಳು ಇಲ್ಲಿವೆ.
ಪ್ರತಿಯೊಂದು ಚಿನ್ನ, ವಜ್ರಾಭರಣ ವಿಶೇಷ ವಿನ್ಯಾಸಗಳೊಂದಿಗೆ ವಿನ್ಯಾಸಗೊಂಡು ಚಿತ್ತಾಕರ್ಷಕವಾಗಿ ರೂಪುಗೊಂಡಿವೆ. ಪ್ರತಿಯೊಂದು ಚಿನ್ನಾಭರಣ ಕೂಡಾ ತಜ್ಞ ಕುಶಲಕರ್ಮಿಗಳ ವಿಶೇಷ ನಿಗಾದೊಂದಿಗೆ ತಯಾರಿಸಲ್ಪಟ್ಟಿವೆ. ಮಂಗಳೂರು ಶೋರೂಂನಲ್ಲಿ ಚಿನ್ನ, ಬೆಳ್ಳಿ, ವಜ್ರಾಭರಣಗಳ ಪ್ರತ್ಯೇಕ ವಿಭಾಗಗಳನ್ನು ಹೊಂದಿದ್ದು ಗೋಲ್ಡ್ ಸೇವಿಂಗ್ಸ್ ಸ್ಕೀಮ್ಗಳಿವೆ ಎಂದು ಭೀಮಾ ಜುವೆಲ್ಲರಿ ಸಿಇಒ ರಶ್ಮಿ ಅವರು ತಿಳಿಸಿದರು.
