ವಿಶ್ವಕಪ್ ಕ್ರಿಕೆಟ್; ಪಾಕಿಸ್ತಾನದ ಜೆರ್ಸಿಯಲ್ಲೂ ಟೀಂ ಇಂಡಿಯಾ ಆಟಗಾರ ಎಂಎಸ್ ಧೋನಿಯ ಹೆಸರು !

ಲಂಡನ್: ವಿಶ್ವಕಪ್ ಮಹಾಸಮರದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ಮತ್ತು ಟೀಂ ಇಂಡಿಯಾ ಎದುರಾಗಲಿವೆ. ಈ ಮಧ್ಯೆ ವಿಶೇಷ ಸಂಗತಿಯೊಂದು ನಡೆದಿದ್ದು ಪಾಕಿಸ್ತಾನದ ಜೆರ್ಸಿಯಲ್ಲೂ ಟೀಂ ಇಂಡಿಯಾ ಆಟಗಾರ ಎಂಎಸ್ ಧೋನಿಯ ಹೆಸರು ಮತ್ತು ಅವರ ನಂಬರ್ ಇದೆ. ಈ ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ವಿಶ್ವದಾದ್ಯಂತ ಎಂಎಸ್ ಧೋನಿಗೆ ಅಭಿಮಾನಿಗಳ ದೊಡ್ಡ ಬಳಗವೆ ಇದೆ. ಇನ್ನು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ಅಭಿಮಾನಿಯೊರ್ವ ಪಾಕ್ ತಂಡದ ಜೆರ್ಸಿ ಮೇಲೆ ಧೋನಿ ಹೆಸರು ಮುದ್ರಿಸಿ ಟ್ವೀಟರ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಟ್ವೀಟ್ ಇದೀಗ ಸಖತ್ ಸದ್ದು ಮಾಡುತ್ತಿದೆ.

Thankyou @TPLUS for making my day… 👃👃@msdhoni pic.twitter.com/nsscagDLWw

— Shehzad Ul Hassan (@shehzad441) May 23, 2019

ಪಾಕಿಸ್ತಾನದ ಕ್ರಿಕೆಟ್ ಪ್ರೇಮಿ ಶೆಜಾದ್ ಹಸನ್ ಎಂಬಾತ ಧೋನಿ ಹೆಸರು ಹಾಗೂ ಲಕ್ಕಿ ನಂಬರ್ 7 ಇರುವ ಜೆರ್ಸಿಯ ಫೋಟೋ ಟ್ವೀಟ್ ಮಾಡಿದ್ದು ಈ ಮೂಲಕ ಧೋನಿ ಮೇಲಿನ ಪ್ರೀತಿಯನ್ನು ತೋರಿಸಿದ್ದಾರೆ.

ಇಂಗ್ಲೆಂಡ್ ನಲ್ಲಿ ಟೂರ್ನಿ ಆರಂಭವಾಗುತ್ತಿದ್ದು ಟೀಂ ಇಂಡಿಯಾ ಹಾಗೂ ಪಾಕಿಸ್ತಾನ ಜೂನ್ 16ರಂದು ಮುಖಾಮುಖಿಯಾಗಲಿವೆ.