ಐಪಿಎಲ್ನಲ್ಲಿ ನಿನ್ನೆ ನಡೆದ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 4 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು. ಈ ಮೂಲಕ ಗೆಲುವಿನೊಂದಿಗೆ 12ನೇ ಆವೃತ್ತಿಯ ಐಪಿಎಲ್ಗೆ ವಿರಾಟ್ ಟೀಂ ವಿದಾಯ ಹೇಳಿತು.
ಚಿನ್ನಸ್ವಾಮಿಯಲ್ಲಿ ನಡೆದ ಈ ಪಂದ್ಯ ಸಾಕಷ್ಟು ರೋಚಕತೆಯಿಂದ ಕೋಡಿತ್ತು. ಆದರೆ, ಆರ್ಸಿಬಿ ನಿನ್ನೆಯ ಪಂದ್ಯದಲ್ಲಿ ಗೆದ್ದ ಸುದ್ದಿಯ ಜೊತೆಗೆ ಆರ್ಸಿಬಿ ಅಭಿಮಾನಿಯೊಬ್ಬರ ಸುದ್ದಿಯು ಭಾರೀ ವೈರಲ್ ಆಗುತ್ತಿದೆ. ರಾತ್ರಿ ಕಳೆದ ಬೆಳಕು ಹರಿಯುವ ಮುನ್ನವೇ ಆರ್ಸಿಬಿಯ ಈ ಅಭಿಮಾನಿ ಯುವಕರ ಹೃದಯಕ್ಕೆ ಕಾಲಿಟ್ಟಿದ್ದು, ಸಾಮಾಜಿಕ ತಾಣಗಳಲ್ಲಿ ಓಡಾಡುತ್ತಿದ್ದಾಳೆ.
https://www.instagram.com/p/BxDY_lnna1L/?utm_source=ig_embed
ಆರ್ಸಿಬಿ-ಹೈದರಾಬಾದ್ ಪಂದ್ಯ ಆಗುವ ವೇಳೆ ಕ್ಯಾಮೆರಮನ್ ಕಣ್ಣಿಗೆ ಕಂಡ ಈ ಮುದ್ದಾದ ಹುಡುಗಿಯ ಹೆಸರು ದೀಪಿಕಾ. ವಿರಾಟ್ ಕೊಹ್ಲಿಯ ದೊಡ್ಡ ಅಭಿಮಾನಿಯಂತೆ. ಆರ್ಸಿಬಿಗೆ ಪ್ರೋತ್ಸಾಹ ನೀಡಲು ಬಂದಿದ್ದ ಇವರು ರೆಡ್ ಕ್ರಾಪ್ ಹಾಗೂ ಟಾಪ್ ಧರಿಸಿ ಮಿಂಚುತ್ತಿದ್ದರು. ಆರ್ಸಿಬಿ ಬ್ಯಾಟ್ಸ್ಮನ್ಗಳು ಚೆಂಡನ್ನು ಬೌಂಡರಿ-ಸಿಕ್ಸರ್ಗೆ ಅಟ್ಟಿದಾಗಲೆಲ್ಲ ಕ್ಯಾಮೆರಮಾನ್ ಈ ಹುಡುಗಿಯ ಕಡೆ ಕ್ಯಾಮೆರ ತಿರುಗಿಸಿ, ತಿರುಗಿಸಿ, ಈ ಮಟ್ಟಿಗೆ ವೈರಲ್ ಆಗುವಂತೆ ಮಾಡಿದ್ದಾರೆ.
ಇನ್ಸ್ಟಾಗ್ರಾಂ, ಫೇಸ್ಬುಕ್, ವಾಟ್ಸ್ಆ್ಯಪ್ನಲ್ಲಿ ಇವರ ಫೋಟೋ ಭಾರೀ ಹರಿದಾಡುತ್ತಿದ್ದು, ನ್ಯಾಷನಲ್ ಕ್ರಶ್ ಎಂದು ಕರೆಯುತ್ತಿದ್ದಾರೆ. ನಿನ್ನೆವರೆಗೆ ದೀಪಿಕಾ ಅವರ ಇನ್ಸ್ಟಾಗ್ರಾಂನಲ್ಲಿ ಕೇವಲ 4 ಸಾವಿರದಷ್ಟು ಫಾಲೋವರ್ಸ್ಗಳಿದ್ದರು. ಆದರೆ ಇಂದು ಬೆಳಕು ಹರಿಯುವ ಹೊತ್ತಿಗೆ ಇವರನ್ನು ಲಕ್ಷಾಂತರ ಜನರು ಫಾಲೋ ಮಾಡುತ್ತಿದ್ದಾರೆ. ಅಲ್ಲದೆ ದೀಪಿಕಾ ಅಭಿಮಾನಿಗಳ ಬಳಗ ಕೂಡ ಹುಟ್ಟುಕೊಂಡಿದೆ.
Comments are closed.