ತಾಳ್ಮೆ ಕಳೆದುಕೊಂಡ ಧೋನಿ; ಪಾಂಡೆ ಮೇಲೆ ಕೋಪಗೊಂಡು ಹೇಳಿದ್ದೇನು…? ವೀಡಿಯೊ ವೈರಲ್

ಸೆಂಚೂರಿಯನ್: ಕ್ಯಾಪ್ಟನ್ ಕೂಲ್ ಎಂದೇ ಫೇಮಸ್ ಆಗಿರುವ ಟೀಂ ಇಂಡಿಯಾದ ಮಾಜಿ ನಾಯಕ ಧೋನಿ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಎರಡನೇ ಟಿ -20 ಪಂದ್ಯದಲ್ಲಿ ಮನೀಶ್ ಪಾಂಡೆ ವಿರುದ್ಧ ಗರಂ ಆಗಿದ್ದಾರೆ.

ಕೊನೆಯ ಸ್ಲಾಗ್ ಓವರ್ ಗಳಲ್ಲಿ ಧೋನಿ ತಂಡದ ಮೊತ್ತ ಹೆಚ್ಚಿಸಲು ವೇಗವಾಗಿ ಓಡುತ್ತಿದ್ದರು. ಈ ವೇಳೆ ಮನೀಶ್ ಪಾಂಡೆ ಅವರಿಂದ ಸರಿಯಾದ ಸಹಕಾರ ಸಿಕ್ಕಿರಲಿಲ್ಲ. ಕೊನೆಯ ಓವರ್ ಮೊದಲ ಎಸೆತದ ಬಳಿಕ ಪಾಂಡೆ ಗಮನವನ್ನು ಬೇರೆ ಕಡೆ ಹರಿಸಿದ್ದರು. ಇದನ್ನು ನೋಡಿದ ಧೋನಿ, “ಆ ಕಡೆ ಯಾಕೆ ನೋಡುತ್ತಿದ್ದಿ. ನನ್ನನ್ನು ನೋಡು” ಎಂದು ಗರಂ ಆಗಿ ಹೇಳುತ್ತಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

Dhoni abusing panday #SAvIND #INDvSA #Kohli #T20I #Virat #BCCI #SAvsInd #Sixers #SSCricket #ManishPandey #MSDhoni pic.twitter.com/9CqxBiHmxQ

— cricket follower (@PriyaVarrier15) February 21, 2018

ಮೊದಲು ಬ್ಯಾಟಿಂಗ್ ನಡೆಸಿದ ಟೀಮ್ ಇಂಡಿಯಾ, ಮನೀಷ್ ಪಾಂಡೆ ಹಾಗೂ ಮಹೇಂದ್ರ ಸಿಂಗ್ ಧೋನಿ ಅವರ ಆಕರ್ಷಕ ಅರ್ಧಶತಕಗಳ ನೆರವಿನಿಂದ 188 ರನ್‌ಗಳ ಬೃಹತ್ ಮೊತ್ತ ಪೇರಿಸಿತ್ತು.

ಪಾಂಡೆ ಹಾಗೂ ಧೋನಿ ಮುರಿಯದ ಐದನೇ ವಿಕೆಟ್‌ಗೆ 56 ಎಸೆತಗಳಲ್ಲಿ 98 ರನ್‌ಗಳ ಜತೆಯಾಟವನ್ನು ನೀಡಿದ್ದರು. ಬಿರುಸಿನ ಬ್ಯಾಟಿಂಗ್ ಕಟ್ಟಿದ ಪಾಂಡೆ 33 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದರೆ ಧೋನಿ 27 ಎಸೆತಗಳಲ್ಲೇ ಫಿಫ್ಟಿ ಗಡಿ ದಾಟಿದ್ದರು.

ಅಂತಿಮವಾಗಿ ಪಾಂಡೆ 48 ಎಸೆತಗಳಲ್ಲಿ ಆರು ಬೌಂಡರಿ ಹಾಗೂ ಮೂರು ಸಿಕ್ಸರ್‌ಗಳಿಂದ 79 ರನ್ ಗಳಿಸಿ ಅಜೇಯರಾಗುಳಿದಿದ್ದರು. ಅತ್ತ ಧೋನಿ 28 ಎಸೆತಗಳಲ್ಲಿ ನಾಲ್ಕು ಬೌಂಡರಿ ಹಾಗೂ ಮೂರು ಸಿಕ್ಸರ್‌ಗಳಿಂದ 52 ರನ್ ಗಳಿಸಿ ಔಟಾಗದೆ ಉಳಿದರು.

ಈ ನಡುವೆ ಭಾರತದ ಇನ್ನಿಂಗ್ಸ್ ವೇಳೆಯಲ್ಲಿ ಪಾಂಡೆ ವೇಳೆ ಧೋನಿ ಕುಪಿತಗೊಂಡಿದ್ದರು. ಭಾರತದ ರನ್ ಗತಿ ಏರಿಸುವ ಒತ್ತಡದಲ್ಲಿರುವಾಗ ಪಂದ್ಯದ ಮೇಲೆ ಪೂರ್ಣ ಗಮನ ಕೇಂದ್ರಿತರಾಗದ ಪಾಂಡೆ ಮೇಲೆ ಧೋನಿ ಸಿಟ್ಟಿಗೆದಿದ್ದರು.

ಸಹಜವಾಗಿಯೇ 22 ಯಾರ್ಡ್ ಪಿಚ್‌ನಲ್ಲಿ ಧೋನಿ ಶರವೇಗದ ಓಟಗಾರ ಎಂಬುದು ಎಲ್ಲರಿಗೂ ತಿಳಿದ ವಿಚಾರ. ಸಹ ಆಟಗಾರ ಸಹ ಇದನ್ನು ಅರಿತುಕೊಂಡು ಎಚ್ಚರಿಕೆಯಿಂದಿರಬೇಕು. ಆದರೆ ಪಾಂಡೆ ತಮ್ಮತ್ತ ಗಮನ ವಹಿಸದನ್ನು ಗಮನಿಸಿದ ಧೋನಿ ಪಂದ್ಯದ ನಡುವೆ ಕೋಪಕೊಂಡರು.

20ನೇ ಓವರ್‌ನ ಮೊದಲ ಎಸೆತದಲ್ಲಿ ಎರಡನೇ ರನ್ ಓಡಲು ಪಾಂಡೆ ನಿರಾಕರಿಸಿದ್ದರು. ಇದರಿಂದಾಗಿ ಧೋನಿ ತಮ್ಮ ಸಹ ಆಟಗಾರಿನಿಗೆ ಬುದ್ಧಿವಾದವನ್ನು ಹೇಳಿದ್ದರು. ಇದು ಸ್ಟಂಪ್ ಮೈಕ್‌ನಲ್ಲಿ ಸೆರೆಯಾಗಿತ್ತು.