ನವದೆಹಲಿ: ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿರುವ ಟೀಂ ಇಂಡಿಯಾದ ಆಟಗಾರರು ಬಿಡುವಿನ ವೇಳೆಯಲ್ಲಿ ಸಾಕಷ್ಟು ಎಂಜಾಯ್ ಮಾಡುತ್ತಿದ್ದಾರೆ. ಇದಕ್ಕೆ ಉದಾಹರಣೆಯಂತೆ ಆಲ್ ರೌಂಡರ್ ರವೀಂದ್ರ ಜಡೆಜಾ ಅವರು ಇತ್ತೀಚೆಗೆ ತಮ್ಮ ಟ್ವಿಟರ್ ಖಾತೆಯಲ್ಲಿ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ.
ಯಾವುದು ಆ ಫೋಟೋ ಅಂತಿರಾ… ದಕ್ಷಿಣ ಆಫ್ರಿಕಾದ ವನ್ಯಜೀವಿ ಅಭಯಾರಣ್ಯಕ್ಕೆ ಭೇಟಿ ನೀಡಿ ಸಿಂಹದ ಜತೆ ತೆಗೆದುಕೊಂಡಿರುವ ಸೆಲ್ಫಿ ಫೋಟೋ ಇದೀಗ ವೈರಲ್ ಆಗಿದೆ. ಅದರಲ್ಲಿ ಸಿಂಹವೊಂದರ ಮೇಲೆ ಜಡೇಜಾ ಹಾಯಾಗಿ ವರಗಿ ಕೊಂಡು ಮಲಗಿದ್ದಾರೆ.
ಸಿಂಹ ಎಲ್ಲಿದ್ದರೂ ಸಿಂಹವೇ, ಗಿರ್ ಪ್ರದೇಶದಲ್ಲಿರಲಿ ಅಥವಾ ಜೋಹಾನ್ಸಬರ್ಗ್ನಲ್ಲಿಯಾದರೂ ಇರಲಿ. ಪಂಜರ್ದಲ್ಲಿರುವ ಸಿಂಹಕ್ಕೆ ಬಹಳ ಜನ ಕಲ್ಲು ಎಸೆಯುತ್ತಾರೆ. ಆದರೆ, ನಿಜವಾದ ಗಂಡು ಸಿಂಹದ ಎದುರು ನಿಲ್ಲುತ್ತಾರೆ ಎಂದು ಟ್ವಿಟ್ಟರ್ನಲ್ಲಿ ಬರೆದುಕೊಂಡಿದ್ದಾರೆ.
ಇನ್ನೊಂದೆಡೆ ಭಾರತದ ಯಾರ್ಕರ್ ಸ್ಪೆಷಲಿಸ್ಟ್ ಜಸ್ಪ್ರೀತ್ ಬುಮ್ರಾ ಕೂಡ ಸಿಂಹದ ಮರಿಯ ಜತೆ ಇರುವ ಫೋಟೋ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದು, ಜೀವನ ಒಂದು ಹೆಜ್ಜೆ ನಿಮ್ಮನ್ನು ಹಿಂದೆ ಜಗ್ಗಿದರೆ ಹೆದರಬೇಡಿ. ಯಾಕೆಂದರೆ ಬೇಟೆ ಆಡುವ ಮುನ್ನ ಸಿಂಹ ಕೂಡ ಒಂದು ಹೆಜ್ಜೆ ಹಿಂದೆ ತೆಗೆದುಕೊಂಡು ನಂತರ ಮುಂದಕ್ಕೆ ಜಿಗಿಯುತ್ತದೆ ಎಂದು ಬರೆದಿದ್ದಾರೆ.
ಸದ್ಯ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಯನ್ನು ಭಾರತ 0-2 ರಿಂದ ಸೋತಿದೆ. ಇನ್ನು ಒಂದು ಪಂದ್ಯ ಬಾಕಿ ಇದೆ. ನಂತರ ಉಭಯ ತಂಡಗಳು ಏಕ ದಿನ ಹಾಗೂ ಟಿ20 ಸರಣಿಯನ್ನು ಆಡಲಿವೆ.
Comments are closed.