ಕರ್ನಾಟಕ ಪ್ರೌಢ ಶಿಕ್ಷಣ ಮಂಡಳಿಯು 10ನೇ ತರಗತಿ ವಾರ್ಷಿಕ ಪರೀಕ್ಷೆಯನ್ನು ಮಾರ್ಚ್‌ 27, 2020 ರಿಂದ ಏಪ್ರಿಲ್ 04, 2020 ರವರೆಗೆ ನಡೆಸಲಿದೆ. ಈ ಪರೀಕ್ಷೆಗೆ ಈಗಾಗಲೇ ವಿದ್ಯಾರ್ಥಿಗಳು ಶೇಕಡ 90 ರಷ್ಟು ಅಧ್ಯಯನ ಮುಗಿಸಿರಬೇಕು. ಈ ಪರೀಕ್ಷೆಯಲ್ಲಿ ಕಠಿಣ ಪರಿಶ್ರಮದ ಓದಿನ ಜೊತೆಗೆ ಅಧಿಕ ಅಂಕಗಳನ್ನು ಗಳಿಸಲು ಪರೀಕ್ಷೆ ಬರೆಯುವ ವಿಧಾನದಲ್ಲಿ ಕೆಲವು ಸ್ಮಾರ್ಟ್‌ ವರ್ಕ್‌ಗಳನ್ನು ತಿಳಿಯಬೇಕು.
10ನೇ ತರಗತಿ ಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳು ಶೇಕಡ 85 ಕ್ಕೂ ಅಧಿಕ ಅಂಕಗಳಿಸಲು ಈ ಕೆಳಗಿನ ಕೆಲವು ಸಲಹೆಗಳನ್ನು ಫಾಲೋ ಮಾಡಿ. ಸಿಬಿಎಸ್‌ಇ ವಿದ್ಯಾರ್ಥಿಗಳು ಸಹ ಈ ಸಲಹೆಗಳನ್ನು ಅನುಸರಿಸಬಹುದು.
1. ಪ್ರತಿಯೊಂದು ಅಧ್ಯಾಯದ ಬಗ್ಗೆ ಓದು ಮುಗಿಸಿದ ನಂತರ ಆ ಅಧ್ಯಾಯದಲ್ಲಿನ ವಿವಿಧ ಅಂಶಗಳ ಬಗ್ಗೆ ಉದಾಹರಣೆಗಳು ಮತ್ತು ಅಭ್ಯಾಸದ ಪ್ರಶ್ನೆಗಳ ಬಗ್ಗೆ ಗಮನಹರಿಸಿ.
2. ಕನಿಷ್ಠ 10 ವರ್ಷಗಳ ಪ್ರಶ್ನೆ ಪತ್ರಿಕೆಗಳನ್ನು ಬಿಡಿಸಿ.
3. ಸಮಯ ಪ್ರಜ್ಞೆ ಬಹುಮುಖ್ಯ. ಆದ್ದರಿಂದ ಪ್ರಶ್ನೆ ಪತ್ರಿಕೆಯಲ್ಲಿ ಯಾವ ಯಾವ ವಿಭಾಗದ ಪ್ರಶ್ನೆಗಳಿಗೆ ಎಷ್ಟು ಸಮಯ ನೀಡುತ್ತಿದ್ದೀರಿ, ಎಷ್ಟು ಸಮಯ ನೀಡಬೇಕು ಎಂದು ತಿಳಿದುಕೊಳ್ಳಿ. ಅದೇ ಪ್ರಕಾರ ಉತ್ತರ ನೀಡಲು ಸಿದ್ಧರಾಗಿ.
4. ಗ್ರಂಥಾಲಯವನ್ನು ಸರಿಯಾಗಿ ಬಳಸಿಕೊಳ್ಳಿ. ಅಲ್ಲೇ ಕೂತು ಓದುವುದರಿಂದ ಹೆಚ್ಚು ಏಕಾಗ್ರತೆ ಸಿಗುತ್ತದೆ.
5. ಅಭ್ಯಾಸ ಮಾಡುವ ಪ್ರಶ್ನೆ ಪತ್ರಿಕೆಗಳಿಗೂ ಸಹ ಟೈಮ್‌ ಮ್ಯಾನೇಜ್ಮೆಂಟ್ ಮಾಡಿರಿ.
6. ಪರೀಕ್ಷೆ ಬಗ್ಗೆ ಹೆಚ್ಚು ಹೆದರಿ ಭಯ ಮತ್ತು ಒತ್ತಡವನ್ನು ಹೆಚ್ಚಿಸಿಕೊಳ್ಳಬೇಡಿ.
7. ಯಾವುದೇ ಪ್ರಶ್ನೆಗಳ ಬಗ್ಗೆ ಮತ್ತು ಉತ್ತರದ ಬಗ್ಗೆ ಕೊನೆ ಕೊನೆಯಲ್ಲಿ ಗೊಂದಲ ಪಡುವುದು ಬೇಡ.
8. ಒಂದು ದಿನಕ್ಕೆ ಒಂದು ಸಬ್ಜೆಕ್ಟ್‌ ಓದುವ ಬದಲು ಎಲ್ಲಾ ಸಬ್ಜೆಕ್ಟ್‌ಗಳ ಮೇಲೆ ಸ್ಥಿರತೆ ಕಾಪಾಡಿಕೊಳ್ಳಿ.
9. ಗಣಿತ ವಿಷಯಕ್ಕೆ ಅಗತ್ಯ ಮತ್ತು ಪ್ರಮುಖ ಸೂತ್ರಗಳು, ಚಾರ್ಟ್‌ ಗಳ ಬಗ್ಗೆ ವಿಶೇಷ ನೋಟ್ಸ್‌ ಮಾಡಿಕೊಳ್ಳಿ.
10. ಮನೆಯಲ್ಲಿ ಮತ್ತು ಶಾಲೆಯಲ್ಲಿ ಎರಡು ಸ್ಥಳಗಳಲ್ಲಿ ಓದಲು ಉತ್ತಮ ಕ್ರಮ ಮತ್ತು ಪ್ಲಾನ್‌ ಇರಲಿ.
11. ಪರೀಕ್ಷೆ ಹತ್ತಿರದ ಸಮಯದಲ್ಲಿ ಹೆಚ್ಚು ಬರೆಯುವುದರಲ್ಲೇ ಸಮಯ ಕಳೆಯಬಾರದು.
12. ವಾರಕ್ಕೊಮ್ಮೆ ಸ್ವಯಂ ಪರೀಕ್ಷೆ ತೆಗೆದುಕೊಳ್ಳಿ.
13. ಉತ್ತರಗಳ ಸ್ವಯಂ ಪರಿಶೀಲನೆ ಮೂಲಕ ತಪ್ಪುಗಳನ್ನು ತಿದ್ದುಕೊಳ್ಳಿ. ತಪ್ಪು ಉತ್ತರ ನೀಡಿದಂತಹ ಪ್ರಶ್ನೆಗಳಿಗೆ ಹೆಚ್ಚು ಅಭ್ಯಾಸ ಮಾಡಿ.
14 ಟಿವಿ ನೋಡುವುದು, ಮೊಬೈಲ್‌ ಬಳಕೆಯಿಂದ ದೂರಯಿರಿ.
15. ಮೈಂಡ್ ರಿಫ್ರೆಶ್‌ಗಾಗಿ ಹೊರಾಂಗಣ ಆಟಗಳಿಗೆ ಸ್ವಲ್ಪ ಸಮಯ ನೀಡಿ.NN
Comments are closed.